“Mwen pa ka jwenn li lakay li ankò!”

Èske w deja di pawòl sa yo konsènan yon moun enterese ou te rankontre? Malgre ou fè efò pou al lakay li plizyè fwa, ou pa rive jwenn li pou w ta wouze ti grenn verite ou te simen nan kè l la (1 Kor. 3:6). Pafwa, gen kèk pwoklamatè ki gen eksperyans ki konn ekri yon lèt epi yo voye l pou yon moun yo pa ka jwenn lakay li, oubyen yo konn ekri yon nòt epi yo kite l nan pòt kay moun nan. Gen lòt pwoklamatè ki konn tou mande moun nan nimewo telefòn li lè yo poze l kesyon sa a: “Èske w konn voye SMS?” Konsa, yo tou evite pwoblèm yo ta ka genyen si yo pa ka jwenn moun nan lakay li ankò. Nou ka konte yon vizit lè nou retounen wè moun nan oubyen lè nou ekri l yon lèt, lè nou voye yon imel pou li oubyen yon SMS, lè nou kite yon nòt nan pòt kay li oubyen lè nou rele l nan telefòn. Menmsi moun nan raman lakay li, li posib pou nou kontinye eveye enterè li genyen pou laverite.