Ki chalpay xowaˈ i exobnámal | Pejats 1

¿Jowaˈ jaˈich an alwaˈtalábtsik xi neˈech ka tʼajan tayíl a kulbetnál más? ¿Jantʼókʼi?

¿Jantʼó ta belál abal an Biblia jaˈich in Káwintal an Okʼoxláb?

¿Jantʼó ti lej exbadh ki éynantsi tin bij an Okʼoxláb?

An Biblia in ulal abal kʼal na Dios «kʼwajat an ejattaláb» (Salmo 36:9). ¿A belál tatáˈ jechéˈ?

Ka ajaytsik Proverbios 3:32.

• ¿Jantʼó ti na Jehová jaˈich an más alwaˈ jaˈúbláb xi i ejtowal ki koˈoy?

• ¿Janéy in léˈ na Jehová abal kin tʼajaˈ nin jaˈúbtsik? ¿A chalpayal abal yab lej watʼats tʼojláb xowaˈ tu kontsal ki tʼajaˈ?

  (Ka chuˈuw an ajumtalábtsik 07 ani 08).

Ka ajaytsik Salmo 62:8.

• ¿Janéy a kontsámal na Jehová tam a ­tʼajtsal ti oláb? ¿Janéy más a ejtowal ka kontsi tam a tʼajtsal ti oláb?

• ¿Janti tu tokʼontsal na Jehová an olábtsik xi tʼajtsal?

  (Ka chuˈuw an ajumtaláb 09).

Ka ajaytsik Hebreos 10:24, 25.

• ¿Jantʼó ti jaˈich lej alwaˈ ki kʼale ban junkuntalábtsik xin tʼajáltsik an óltsixtsik kʼal a Jehová?

• ¿A chalpayal abal jaˈich lej alwaˈ abal ka tʼajaˈ an chápláb abal ki kʼale ban junkuntalábtsik?

  (Ka chuˈuw an ajumtaláb 10).

¿Jantʼó ti lej alwaˈ ki ajay an Tʼokat Dhutslab tsudhey ka tsudhey? ¿Janéy a tʼajál abal ka ajay an Biblia tsudhey ka tsudhey?

¿Janéy jaˈich xowaˈ más a kulbetnámal kʼal ­ejtal xowaˈ a exobnámal hasta techéˈ?

Desde ta tuju ka exóbnaˈ an Biblia, ¿a kóˈyámal jun i dhukʼeltaláb? ¿Jowaˈ? ¿Janéy neˈech ti tolmiy abal ka óntsi ta exóbal?