Ծառայությանը մասնակցելիս ժամանակդ արդյունավետ օգտագործիր
1 Անկասկած մենք շատ բան ունենք անելու մեր ծառայության մեջ, բայց «մնացած ժամանակը կարճացել է» (Հովհ. 4։35; 1 Կորնթ. 7։29)։ Լավ կազմակերպված լինելով և նախապես պլանավորելով՝ մենք կկարողանանք ծառայության համար ծրագրած մեր ժամանակը լավագույն կերպով օգտագործել։
2 Եղիր պատրաստված։ Քարոզչական ծառայության հանդիպմանը գնալուց առաջ հավաստիացիր, որ վերցրել ես անհրաժեշտ գրականությունը և լավ ես հիշում քո պատրաստած մատուցումը։ Երբ հանդիպումն աղոթքով ավարտվի, առանց հապաղելու գնա ծառայության։ Դա հնարավորություն կտա քեզ և քո համագործակիցներին որքան հնարավոր է արդյունավետ օգտագործել ծառայությանը տրամադրած ժամանակը։
3 Եթե նշանակվել ես անցկացնելու քարոզչական ծառայության հանդիպումը, սկսիր ճիշտ ժամանակին։ Անցկացրու հանդիպումը կարճ՝ 10–15 րոպեից ոչ ավել։ Հանդիպումն ավարտելուց առաջ հավաստիացիր, որ յուրաքանչյուրը գիտի, թե ուր և ում հետ է գնալու ծառայության։
4 Ծառայության ժամանակ։ Քարոզչական ծառայության հանդիպման ավարտից հետո անտեղի մի ձգձգիր, այլ անմիջապես գնա տարածք։ Եթե ցանկանում ես շուտ ավարտել ծառայությունդ, ապա ինքնուրույն կարող ես ետ վերադառնալ. այդ դեպքում ամբողջ խումբը ստիպված չի լինի շուտ դուրս գալու տարածքից։ Խմբի հետ ծառայելիս ուշադիր եղիր ուրիշների նկատմամբ, ովքեր հավանաբար սպասում են, թե երբ ես ավարտելու զրույցդ։ Դրա համար գուցե նրբանկատորեն հրաժեշտ տաս այն անհատին, որը ցանկանում է վիճել, իսկ հետաքրքրություն ցույց տված անհատին թերևս ասես, որ կրկին կայցելես հաջորդ անգամ (Մատթ. 10։11)։
5 Վերայցելություններ անելիս խուսափիր մի տարածքից մյուսն անտեղի անցնելուց։ Դրա փոխարեն ավարտիր վերայցելություններդ մի տարածքում, այնուհետև անցիր մյուս տարածքի վերայցելություններին։ Թերևս հնարավոր լինի զանգահարել նրանց, ում պատրաստվում ես այցելել, և ճշտել, թե տանն են արդյոք (Առակ. 21։5)։ Եթե երկար այցելության ես պատրաստվում, ապա կարող ես այնպես կազմակերպել, որ քո խմբի մյուս քարոզիչները ծառայեն մոտակայքում կամ կատարեն ուրիշ վերայցելություններ։
6 Մենք ապրում ենք հոգևոր մեծ հնձի ժամանակ (Մատթ. 9։37, 38)։ Շուտով այդ գործն ավարտվելու է։ Ուստի մեր ցանկությունը պետք է լինի ծառայությանը մասնակցելիս արդյունավետ օգտագործել մեր ժամանակը։