Նախանձախնդրորեն քարոզիր ճշմարտությունը Հիսուսի մասին
Երբ իմանում ենք, թե ինչպես պատմենք ուրիշներին ճշմարտությունը Հիսուսի մասին, ավելի նախանձախնդիր ենք լինում։ Հիսուսը այն հիմքի անկյունաքարն է, որի վրա կառուցվում է ճշմարիտ հավատը (Եփես. 2։20)։ Առանց նրա մենք չէինք ունենա փրկության հույս (Գործ. 4։12)։ Ուստի անհրաժեշտ է, որ բոլորս իմանանք, թե ինչ դեր է նա կատարում Աստծու նպատակների մեջ։ Ոչ սուրբգրային ուսմունքների պատճառով շատերը մոլորության մեջ են և, ցավոք, չունեն այն խոստումների հույսը, որ տալիս է Աստծու Խոսքը Հիսուսի հանդեպ հավատ դրսևորողներին։ Ճշմարտության հանդեպ մեր նախանձախնդրությունը կմղի մեզ օգնելու ազնվասիրտ մարդկանց իմանալ ճշմարտությունը Հիսուսի, Աստծու հետ նրա փոխհարաբերությունների և Աստծու նպատակի մեջ նրա ունեցած դերի մասին։ Իսկ դու նախանձախնդրորեն կքարոզե՞ս Հիսուսի մասին ճշմարտությունը, հատկապես Հիշատակի երեկոյի շրջանում։