Պատմեք Եհովայի անվան ու նրա գործերի մասին

¹ «Գոհացէք Տէրիցը, կանչեցէք նորա անունը. պատմեցէք ազգերի մէջ նորա գործերը։ ....Ուրախ լինի Տիրոջը խնդրողների սիրտը» (Սաղ. 105։1, 3)։ Այս խոսքերը շարադրող սաղմոսերգուին մեծ ուրախություն էր պատճառում Եհովայի ու նրա «գործերի» մասին պատմելը։ Իսկ ո՞ր գործերի։ Անշուշտ, Աստծո փառավոր թագավորության մասին և նրա «փրկության բարի լուրի» (Սաղ. 96։2, ՆԱ, 3; 145։11, 12)։

² Մոտենում է 2001 թ. Հիշատակի երեկոյին նախորդող ու հաջորդող շրջանը, և մենք շատ պատճառներ ունենք՝ հօգուտ մեզ Եհովայի կատարած գործերի համար ուրախանալու։ Ինչո՞ւ ենք այդպես ասում։ Որովհետև Տերունական ընթրիքը, անխոս, տարվա մեծագույն արարողությունն է բոլոր ճշմարիտ քրիստոնյաների համար։ Չկա որևէ այլ իրադարձություն, որ նման լինի դրան իր կարևորությամբ, նպատակայնությամբ կամ անցկացվելու եղանակով։ Դա մի ժամանակ է, երբ մեզանից յուրաքանչյուրը մտաբերում է, թե փրկության միջոց տրամադրելու համար ինչեր են արել Եհովան ու Հիսուսը։ Ուստի, բնական է ակնկալել, որ Հիշատակի երեկոյին նախորդող և հաջորդող շրջանում քարոզչության մեծ ալիք կբարձրանա և կհռչակվի «փրկության բարի լուրը»։

³ Կարո՞ղ ես ծառայել որպես ենթառահվիրա։ Նախորդ տարվա ապրիլին Հայաստանի հաշվետվության մեջ գրանցվել է 1 082 ենթառահվիրա։ Կարո՞ղ ենք այս տարվա մարտ և ապրիլ ամիսներին հատուկ ջանքեր գործադրել ծառայությանը ավելի շատ մասնակցելու համար։ Մարտն ընդգրկում է հինգ շաբաթ օր, իսկ ապրիլը՝ հինգ կիրակի։ Լրիվ աշխատանքային օրով ծանրաբեռնված քարոզիչները նկատում են, որ, եթե հանգստյան օրերին ամբողջությամբ մասնակցեն քարոզչությանը, նրանք կարող են ծառայել որպես ենթառահվիրա։ Ամիսը 50 ժամ քարոզելու համար ենթառահվիրան պետք է շաբաթական միջին հաշվով 12 ժամ ծառայի։ Ուշադրությամբ քննիր 4–​րդ էջում առաջարկվող գրաֆիկները։ Դրանցից որևէ մեկը համապատասխանո՞ւմ է քո հանգամանքներին։ Եթե ոչ, գուցե քո անձնական գրաֆի՞կը կազմես մարտին և ապրիլին ենթառահվիրա ծառայելու համար։

⁴ Արդեն այսօր երեցները պետք է սկսեն քայլեր ձեռնարկել, որպեսզի ոգևորեն քարոզիչներին և աջակցություն ցույց տան քարոզչական գործունեությունը ծավալելու համար։ Նախորդ տարի մի ժողովում, որտեղ բոլոր երեցները և ծառայողական օգնականները ենթառահվիրայություն էին սկսել, ապրիլին 121 քարոզիչներից 64–ը որպես ռահվիրա են ծառայել։ Ուրախալի էր նաև տեսնել, որ մարտին և ապրիլին վեց չմկրտված քարոզիչներ սկսել էին հանձնել ծառայության իրենց հաշվետվությունները։ Պատանիների և նորեկների համար դա իսկապես ամենահարմար ժամանակն է երեցներին դիմելու համար, որպեսզի իմանան, թե արդյոք համապատասխանում են հանրային ծառայությանը մասնակցելու պահանջներին։

⁵ Ավելի շատ ջանք գործադրելը օրհնություններ է բերում։ Այն ժողովները, որոնք հատուկ նպատակներ են դնում իրենց առաջ և ավելի շատ ջանք են գործադրում, մեծ օրհնություններ են ստանում։ Որոշ ժողովներ կարող են հատուկ ուշադրություն դարձնել հազվադեպ քարոզվող տարածքների վրա։

⁶ Իսկ վատ առողջությունը կամ մեծ տարիքը պե՞տք է որ արգելք հանդիսանան որևէ մեկի համար ծառայությանը հնարավորին չափ շատ մասնակցելու հարցում։ Ոչ միշտ։ Դա երևում է 86–ամյա մի քրոջ օրինակից, որը քաղցկեղով հիվանդ է։ Չնայած այն բանին, որ նրա ոտքերը այտուցված են եղել, նա ապրիլին ծառայել է որպես ենթառահվիրա։ Քույրը կարողացել է իր մասնակցությունը բերել քարոզչության մեջ հեռախոսով վկայելու շնորհիվ և ավելի շատ փառաբանել Եհովային մարդկանց առաջ։ Դա քաջալերական էր և՛ իր, և՛ ժողովի համար։

⁷ Լավ պատրաստվիր Հիշատակի երեկոյին։ Այս տարի Հիշատակի երեկոն կկայանա ապրիլի 8–ին։ Քանի որ դա կիրակի օր է, հետևաբար, շատերը հնարավորություն կունենան ներկա գտնվել։ Եթե մեզանից յուրաքանչյուրն իր մասնակցությունը բերի, հնարավոր է, որ Երեկոյին ներկա լինեն ավելի շատ մարդիկ, քան երբևէ։ Դրա համար անհարժեշտ է ա) անձամբ ներկա գտնվել և բ) հրավիրել ուրիշներին մեզ միանալ։ Իսկ ո՞ւմ է հարկավոր հրավիրել։

⁸ Քարոզչական ծառայության նշումներդ աչքի անցկացրու և ուշադրություն դարձրու այն անհատների անունների վրա, որոնք ինչ–​որ չափով հետաքրքրություն են հանդես բերել ճշմարտության հանդեպ, նույնիսկ եթե կանոնավորաբար չես այցելում նրանց։ Հիշատակի երեկոյից երկու–​երեք շաբաթ առաջ ուժերդ կենտրոնացրու այդ անհատներին այցելելու ուղղությամբ՝ նպատակ ունենալով նրանց Հիշատակի երեկոյի հրավիրատոմսեր առաջարկել։ Եթե հանգամանքներդ թույլ են տալիս, առաջարկիր օգնությունդ՝ տրանսպորտային միջոցով օգտակար լինելով նրանց, ովքեր ցանկություն կհայտնեն ներկա լինել։

⁹ Որոշ ժողովներում չեն հասցնում օգտագործել Հիշատակի երեկոյի հրավիրատոմսերի բոլոր օրինակները։ Քարտուղարը պետք է հոգ տանի, որպեսզի հրավիրատոմսերը հնարավորին չափ շուտ ստացվեն ժողովում, որպեսզի բոլորն էլ կարողանան տարածել։ Գուցե կամենաս հրավիրատոմսերի ներքևամասում տպել կամ տպատառերով հստակ գրել Հիշատակի երեկոյի ժամն ու վայրը։ Կամ կարող ես Թագավորության սրահի հասցեն գտնելու ուղեցույց–​թերթիկ գործածել, եթե Երեկոն այնտեղ է անցկացվելու։ Որպես հիշեցում նշենք, որ Հիշատակի երեկոյի հրավիրատոմսերը գլխավորապես հարկավոր է փոխանցել անմիջապես տանտերերին։

¹⁰ Հիշել ոչ ակտիվ քարոզիչների մասին։ Մեզ համար ուրախություն է, երբ Աստվածաշունչն ուսումնասիրող անհատը նվիրվում է Եհովային և խորհրդանշում դա՝ ընկղմվելով ջրում։ Սակայն, ամեն տարի որոշ քարոզիչներ դադարում են հաղորդակցվել մեզ հետ և այլևս մարդկանց չեն պատմում Եհովայի ու նրա գործերի մասին։ Դա իրոք մտահոգվելու տեղիք է տալիս։ Ու թեև ոչ ակտիվ դարձած անհատների մեծ մասը չեն հրաժարվել ճշմարտությունից, բայց հնարավոր է, որ նրանք դադարել են քարոզել՝ հուսալքության, անձնական խնդիրների կամ ամենօրյա հոգսերի պատճառով (Մատթ. 13։20–22)։ Մյուսներն էլ, լինելով հոգևորապես թույլ վիճակում, ժողով վերադառնալու համար աջակցության կարիք են զգում, քանի դեռ կուլ չեն գնացել Սատանայի համակարգին (Ա Պետ. 5։8)։ Մենք ցանկանում ենք այս տարի Հիշատակի երեկոյին նախորդող և հաջորդող շրջանում հատուկ ջանքեր գործադրել օգնելու համար բոլոր ոչ ակտիվ քարոզիչներին, որոնք կարող են մասնակցել քարոզչությանը, կրկին ներգրավվել բարի լուրը հռչակելու գործում։

¹¹ Ժողովի քարտուղարը պետք է Գրքի ուսումնասիրության ղեկավարներին տեղեկացնի իրենց խմբերի ոչ ակտիվ քարոզիչների մասին։ Ժողովի ծառայողական կոմիտեն հովվական այցելություններ կկազմակերպի բոլոր ոչ ակտիվ քարոզիչներին այցելելու համար։ Եթե պարզվի, որ այդպիսի անհատի համար օգտավետ կլինի Աստվածաշնչի ուսումասիրությունը, ծառայողական կոմիտեն կորոշի, թե ում կարելի է նշանակել՝ ուսումնասիրությունն անցկացնելու։ Թեև գուցե հարկ չլինի, որ ուսումնասիրությունը երկար շարունակվի, բայց այն անցկացնող քարոզիչը կարող է հաշվետվության մեջ նշել ժամը, կրկնակի այցելությունը և Աստվածաշնչի ուսումնասիրությունը։

¹² Անցած տարի ապրիլին մի քույր տնից տուն ծառայելու ժամանակ փողոցում մի երիտասարդի պարբերագրեր է առաջարկում, որի խոսքերից պարզվում է, որ իր կինը ոչ ակտիվ Վկա է։ Նա հարցնում է Թագավորության սրահի գտնվելու վայրը, ապա հրավիրում քրոջը իրենց տուն՝ տեսակցելու իրեն և կնոջը։ Արդյունքը եղավ այն, որ ամուսինները ներկա գտնվեցին հաջորդ հանդիպմանը և համաձայնեցին Աստվածաշնչի ուսումնասիրություն սկսել։

¹³ Պատրաստ եղիր ընդլայնել քարոզչական գործունեությանդ շրջանակները։ Վերոհիշյալ սաղմոսերգուն, որը կոչ էր անում պատմել Եհովայի անվան ու նրա գործերի մասին, ավելացնում է. «Օրհնեցէք նորան. սաղմոս ասեցէք նորան. խօսեցէք նորա ամեն հրաշքները։ Պարծենցէք նորա սուրբ անունովը» (Սաղ. 105։2, 3)։ Եկեք խոսենք Եհովայի մեծ անվան մասին ու նրա «հրաշքների»՝ ավելի մեծ ջանքեր գործադրելով քարոզչության մեջ և այս տարվա Հիշատակի երեկոյին նախորդող և հաջորդող շրջանը երբևիցե եղածներից ամենանշանավորը դարձնելով։

[Աղյուսակ 3–րդ էջի վրա]

Զանազան գրաֆիկներ, որոնցով կարելի է շաբաթական 12 ժամյա քարոզչություն ծրագրել ենթառահվիրա ծառայելու համար

Օրը Ժամերը

Երկուշաբթի 1 2

Երեքշաբթի 1 − 3 −

Չորեքշաբթի 1 2 −5

Հինգշաբթի 1 −3 −

Ուրբաթ 1 2 − −

Շաբաթ 5 4 3 5

Կիրակի 2 2 3 2

Ընդամենը՝ 12 12 12 12

Այս գրաֆիկներից որևէ մեկը համապատասխանո՞ւմ է քո հանգամանքներին։

Եթե ոչ, գուցե քո անձնական գրաֆի՞կը կազմես։