Մեկօրյա նոր հատուկ համաժողովի ծրագիրը
1 Թեև լրատվական միջոցներում և ուսումնական հաստատություններում գովաբանվում է նյութական հարստությունը, սակայն Աստծո Խոսքը հորդորում է մեզ «բարի գործերով հարստանալ» (Ա Տիմոթ. 6։18)։ Սկսած 2002 թ. սեպտեմբերից՝ կանցկացվի նոր հատուկ համաժողով, որը կոչվում է «Հարստացեք բարի գործերով»։ Ի՞նչ քաջալերություն է մեզ սպասում այս համաժողովին։
2 Իր ելույթում շրջանային վերակացուն կպարզաբանի, թե ինչ է նշանակում «Լինել հարուստ՝ Աստծո աչքերում», և հարցազրույց կանցկացնի մի քանի քարոզիչների հետ, որոնք նպատակ են հետապնդում հոգևոր հարստություն ձեռք բերել։ Իր առաջին ելույթում հրավիրված հռետորը ցույց կտա, թե Աստծո ժողովուրդը ինչպես է կատարում «Բարի գործեր՝ հունձքի ժամանակ»։ Նա կխրախուսի մեզ մտածել այն մասին, թե ինչ կարող ենք անել, որպեսզի լիարժեք կերպով մասնակցենք Աստծո հանձնարարած հունձքի գործին, որ կատարվում է այսօր։
3 Ուրախանում ենք՝ տեսնելով, թե երիտասարդ քրիստոնյաները ինչպես են ձգտում հոգևորապես հարստանալ։ Նրանց գործերը փառք են բերում Եհովային և ամուր հիմք հանդիսանում ապագայում ծառայության մեջ նոր առանձնաշնորհումներ ունենալու համար։ «Երիտասարդները գովասանքի են արժանի Եհովային փառք բերող իրենց բարի գործերի համար» ելույթում կխոսվի նրանց կատարած բարի գործերի մասին։
4 Բարի գործերին հետամուտ լինելով՝ ի՞նչ արդյունքների ենք հասնում։ Այս մասին կքննարկի հրավիրված հռետորը իր վերջին՝ «Շարունակեք բարին գործել և քաղեք Եհովայի օրհնությունները» ելույթում։ Նա կընդգծի այն չորս մարզերը, որոնցում մենք առատապես կօրհնվենք՝ որպես՝ 1) առանձին անհատներ, 2) ընտանիքներ, 3) ժողով և 4) համաշխարհային կազմակերպություն։
5 Նրանք, ովքեր արդեն նվիրվել են Եհովային, հնարավորություն կունենան մկրտվելու։ Եթե պատրաստ ես այդ քայլն անելու, հիմա ևեթ հայտնիր այդ մասին նախագահող վերակացուին։
6 Երբ ժողովում հայտարարվի համաժողովի ամիս–ամսաթիվը, անմիջապես պլանավորեք ներկա լինել այդ միջոցառմանը։ Աշխատեք ծրագրի սկսելուց մի փոքր շուտ լինել այնտեղ, որպեսզի մասնակցեք նաև բացման երգին ու աղոթքին։ Ներկա գտնվելով հատուկ համաժողովի ծրագրի բոլոր մասերին և ուշադիր լսելով՝ ուժ կստանանք շարունակելու ապրել այնպես, որ հարստանանք մեր Աստծո՝ Եհովայի աչքերում։