Ինչ օգուտներ է տալիս աստվածապետական ծառայության դպրոցը
1 Եհովայի վկաները յուրահատուկ առանձնաշնորհում ունեն՝ ստանալ աստվածապետական կրթություն (Ես. 54։13; Յովհ. 6։45)։ Բայց թե այդ կրթությունից ինչ չափով ենք օգուտներ քաղում, մեծ մասամբ կախված է մեր ներդրած ջանքերից։ Կարո՞ղ ես ասել, թե ինչ դրական ազդեցություն է թողնում Աստվածապետական ծառայության դպրոցը քո հոգևորի վրա։
2 Երախտագիտության խոսքեր։ Դպրոցի բազմաթիվ վերակացուներ նշում են, որ դասերի խորը ուսումնասիրությունը բարձրացրել է ժողովի անդամների արդյունավետությունը քարոզչական ծառայության մեջ։ Բացի դրանից, մի վերակացու նկատել է, որ ունկնդիրներից շատերն են հետևում Աստվածաշնչի ընթերցանության գրաֆիկին՝ շնորհիվ այն բանի, որ այժմ հնարավորություն ունեն մասնակցելու «Աստվածաշնչի ուշագրավ մտքեր» բաժնին։ Շատ եղբայրների խոսքերով՝ իրենք օգուտներ են ստանում 2–րդ առաջադրանքից, քանի որ կենտրոնանում են նյութն ընթերցելու և ոչ թե նախաբան ու վերջաբան կազմելու վրա։ Այս առաջադրանքը ստացողներն այժմ ուշադրություն են դարձնում իրենց ընթերցելու ունակությունները բարելավելուն (Ա Տիմոթ. 4։13)։
3 Բոլորն էլ կարող են օգուտներ քաղել։ Ժողովի հանդիպումների ժամանակ մեկնաբանություններ տալը հաճույք է պատճառում (Առակ. 15։23)։ Բանավոր կրկնության հարցերը նախապես ունենալը մեզ օգնում է պատրաստվել և ուրախությամբ մասնակցել կրկնությանը։ Ավելին, սկսած 2004 թ. հունվարի 1–ի համարից՝ «Դիտարանում» տպագրվում են ուշագրավ մտքեր Աստվածաշնչի գրքերից, որոնք համապատասխանում են Աստվածապետական ծառայության դպրոցի ընթերցանության ծրագրին։ Այս հոդվածները շատերին օգնել են քաջալերական մեկնաբանություններ տալ աստվածաշնչյան ուշագրավ մտքերի քննարկման ժամանակ։
4 Դպրոցին ցուցակագրված յուրաքանչյուր անհատ յուրահատուկ առանձնաշնորհում ունի՝ պատրաստվել և ելույթ ունենալ նշանակված թեմայով։ Բոլորս էլ կարող ենք օգուտներ քաղել Դպրոցի վերակացուի՝ բեմից ասած քաջալերական խոսքերից։ Իսկ ելույթ ունեցողները ավելի մեծ օգուտներ կստանան այն խորհուրդներից, որոնք վերակացուն ժողովից հետո կտա անձամբ իրենց։ «Օգուտներ քաղիր Աստվածապետական ծառայության դպրոցից» գրքի յուրաքանչյուր գլխի վերջում ընդգրկված վարժությունները, որ առնչվում են տվյալ դասին, լրացուցիչ օգնություն են մեզ համար։
5 Երբ Դպրոցի ընթացքում և դրանից հետո քո ուշադրությունը հրավիրում են գործնական և սուրբգրային մտքերի վրա, նշիր դրանք «Ծառայության դպրոցի» քո գրքում։ Խորհիր սովորածդ բաների մասին և աշխատիր տեսնել, թե ինչպես է աստվածային կրթության այս մասը բարելավում քո հոգևորը։