Պահպանիր քո միտքը
1. Ո՞րն է 2013թ. ծառայողական տարվա շրջանային համաժողովի խորագիրը, և ո՞րն է ծրագրի նպատակը։
1 Հիսուսը իր աշակերտներին պատվիրեց սիրել Եհովային ամբողջ սրտով, հոգով և մտքով (Մատթ. 22։37, 38)։ Այս տարվա մարզային, շրջանային և մեկօրյա հատուկ համաժողովները նախատեսված են մեր ներքին անձնավորությունը ուժեղացնելու համար։ Հավանաբար հիշում ես, որ մարզային համաժողովի խորագիրն էր՝ «Պահպանի՛ր քո սիրտը», իսկ 2013թ. մեկօրյա հատուկ համաժողովի խորագիրը՝ «Պահպանիր քո խիղճը»։ Շրջանային համաժողովները, որոնք կսկսվեն անցկացվել հաջորդ ամսից, ունեն հետևյալ խորագիրը. «Պահպանիր քո միտքը», որը հիմնված է Մատթեոս 22։37 համարի վրա։ Այս համաժողովի նպատակն է օգնել յուրաքանչյուրիս վերլուծելու մեր մտքերը, որպեսզի դրանք ավելի հաճելի լինեն Եհովային։
2. Ծրագրի ընթացքում ո՞ր հարցերի պատասխանները պետք է փորձենք գտնել։
2 Ի՞նչ է ներկայացվելու։ Շրջանային համաժողովի ծրագիրը լսելիս փորձիր գտնել հետևյալ հարցերի պատասխանները։
• Ինչպե՞ս կարող ենք խուսափել «մարդկանց մտքերից»։
• Ինչպե՞ս կարող ենք նպաստել այն բանին, որ մարդկանց կուրացած մտքերի վրայից քողը հեռացվի։
• Ի՞նչ մտածելակերպ ենք ուզում ունենալ։
• Որո՞նք են խորհրդածության օգուտները։
• Ինչպե՞ս կարող ենք թույլ տալ, որ Եհովան ձևավորի մեր մտածելակերպը։
• Ինչպե՞ս կարող են ամուսինները, կանայք, ծնողները և երեխաները նպաստել ընտանիքի երջանկությանը։
• Ինչպե՞ս կարող ենք պատրաստ լինել Եհովայի օրվան։
• Ի՞նչ է նշանակում պատրաստել մեր միտքը գործունեության։
• Ի՞նչ օգուտներ են ստանում նրանք, ովքեր կիրառում են սովորածը։
3. Ինչո՞ւ է կարևոր երկու օրերին էլ ներկա լինել, ուշադիր լսել և սովորածը կիրառել։
3 Սատանան ամեն ինչ անում է, որ ապականի մեր միտքը (2 Կորնթ. 11։3)։ Ուստի մենք պետք է պահպանենք մեր միտքը և հսկենք այն։ Պետք է շարունակ դրսևորենք Քրիստոսի մտածելակերպը և պայքարենք այս անօրեն աշխարհի ազդեցության դեմ (1 Կորնթ. 2։16)։ Եկեք ամեն ինչ անենք, որ շրջանային համաժողովի երկու օրերին էլ ներկա լինենք։ Ուշադիր լսիր ծրագիրը։ Լսած մտքերը կիրառելով՝ միտքդ կպատրաստես եռանդուն գործունեության՝ Թագավորության շահերը առաջ տանելու համար (1 Պետ. 1։13)։