Հիմակուընէ ծրագրէ ծառայութիւնդ ընդարձակել
1. Յիշատակատօնի շրջանին նկատմամբ ի՞նչ բան նշանակալից է, եւ ինչպէ՞ս կրնանք ատոր պատրաստուիլ։
1 Իւրաքանչիւր Յիշատակատօնի շրջան մեզի նոր պատեհութիւններ կու տայ, որ ‘մեծապէս ներբողենք Տէրը’ (Սաղ. 109։30, ԱԾ)։ Մարտ ամսուան ընթացքին ծառայութիւնդ պիտի ընդարձակե՞ս, փրկանքը Հայթայթողին հանդէպ գնահատութիւնդ ցոյց տալով։ Հիմա՛ է ծրագրելու ժամանակը (Առ. 21։5)։
2. Անցեալ ապրիլին, նուազ ժամերով որպէս օժանդակ ռահվիրայ ծառայելու կարգադրութեան նկատմամբ, քու եւ ուրիշներու հակազդեցութիւնը ինչպէ՞ս էր։
2 Օժանդակ ռահվիրայութիւն։ Անցեալ տարի ժողովքները շա՜տ ոգեւորուեցան, երբ իմացան ապրիլ ամսուն համար եղած կարգադրութիւնը, թէ օժանդակ ռահվիրայութիւնը նուազ ժամեր կը պահանջէ։ Եղբայր մը գրեց. «Տակաւին երկրորդական վարժարան կը յաճախեմ, եւ որպէս կանոնաւոր ռահվիրայ ծառայելը անկարելի գտած եմ։ Սակայն, ապրիլ ամսուն, 30 ժամուան համար դիմում պիտի ներկայացնեմ, եւ պիտի ջանամ 50 ժամ բերել»։ Լիաժամ աշխատող քոյր մը գրեց. «30 ժա՛մ. ատիկա շա՜տ դիւրութեամբ հասանելի է»։ Երբ այս կարգադրութիւնը յայտարարուեցաւ, նախկին ռահվիրայ մը,– որ այժմ իր 80–ական տարիքին մէջ է,– ըսաւ. «Ահաւասի՛կ սպասած ժամանակս։ Եհովան գիտէր թէ կեանքիս լաւագոյն ժամանակները ռահվիրայութեան տարիներն էին»։ Ուրիշներ, որոնք չէին կրնար որպէս օժանդակ ռահվիրայ ծառայել, նպատակակէտեր դրին որպէսզի իրենց ծառայութիւնը աւելցնեն։
3. Մարտ, ապրիլ եւ մայիս ամիսներուն ընթացքին որպէս օժանդակ ռահվիրայ ծառայելու ի՞նչ պատճառներ կան։
3 Մարտ ամիսը որպէս օժանդակ ռահվիրայ ծառայելու հոյակապ ամիս մը պիտի ըլլայ, քանի որ դարձեալ պիտի կարենանք ընտրել կա՛մ 30 ժամ եւ կամ 50 ժամ աշխատիլ։ Ասկէ զատ, շաբաթ՝ մարտ 17–էն սկսեալ, ուրիշները հրաւիրելու մասնաւոր արշաւին պիտի մասնակցինք, որպէսզի ապրիլ 5–ին մեզի հետ Յիշատակատօնին ներկայ գտնուին։ Շատեր ծառայութեան մէջ աւելի մասնակցութիւն բերելը ա՛յնքան պիտի վայելեն որ պիտի ուզեն 50 ժամ պահանջով՝ ապրիլին ե՛ւ մայիսին որպէս օժանդակ ռահվիրայ ծառայել։
4. Ծառայութեան մէջ մեր բերած բաժինը ինչպէ՞ս կրնանք աւելցնել, եւ ի՞նչ արդիւնքով։
4 Ձեր յաջորդ Ընտանեկան պաշտամունքի երեկոյին, ինչո՞ւ չքննարկէք թէ իւրաքանչիւր անհատ ինչպէ՛ս կրնայ Յիշատակատօնի շրջանին իր ծառայութիւնը ընդարձակել (Առ. 15։22)։ Եհովայէն խնդրէ որ ջանքերդ օրհնէ (Ա. Յովհ. 3։22)։ Մինչ ծառայութեան մասնակցիլդ կ’աւելցնես, ոչ միայն Եհովան ա՛լ աւելի պիտի փառաբանես, այլ նաեւ՝ ուրախութիւնդ պիտի աւելցնես (Բ. Կոր. 9։6)։