Ներկայացումի նմոյշներ

Հոկտեմբեր ամսուան առաջին շաբաթ օրը՝ Աստուածաշունչի ուսումնասիրութիւններ սկսելու համար

«Շատեր կը հաւատան որ Աստուած օր մը պիտի դատէ զիրենք՝ իրենց գործերուն համաձայն։ Կ’ուզէ՞ք որ Դատաստանի օրը շուտով գայ, թէ ոչ կը վախնաք այդ օրուան գալէն։ [Թոյլ տուր որ պատասխանէ։] Տեսէք թէ հոս ի՛նչ կ’ըսէ»։ Դիտարան–ի 1 հոկտեմբեր թիւը տանտիրոջ տուր, ու միասնաբար նկատի առէք էջ 16–ի առաջին ենթավերնագրին նիւթը եւ առնուազն մէկ համար։ Պարբերաթերթերը առաջարկէ եւ յաջորդ հարցումը քննարկելու համար՝ վերադառնալու կարգադրութիւն ըրէ։

Դիտարան 1 հոկտեմբեր

«Աշխարհի զանազան մասերուն մէջ, կիները խտրականութեան եւ գէշ վերաբերմունքի զոհ կը դառնան։ Ցաւօք սրտի, ասոր մէջ դեր ունին կրօնական հաւատալիքները։ Ի՞նչ կ’ըսէք. Աստուած իրապէս հոգ կը տանի՞ կիներուն։ [Թոյլ տուր որ պատասխանէ։] Նայեցէք թէ Աստուածաշունչը ի՛նչ ուղղութիւն կու տայ ամուսիններուն, իրենց կիներուն հետ վարուելուն նկատմամբ։ [Կարդա՛ Եփեսացիս 5։28, 29։] Այս պարբերաթերթը կը յայտնէ, թէ ըստ Աստուածաշունչին, Աստուած ինչպէ՛ս կը նկատէ կիները»։

Զարթի՛ր հոկտեմբեր

«Գրեթէ ամէն ծնող կ’ուզէ որ իր զաւակը ուսեալ ըլլայ։ Ի՞նչ կը կարծէք, մեր օրերուն դպրոց աւարտող պատանիները լիովին պատրաստ կ’ըլլա՞ն կեանքի դժուարութիւնները յաղթահարելու։ [Թոյլ տուր որ պատասխանէ։] Նկատի առէք թէ Աստուածաշունչը ի՛նչ կ’ըսէ գիտութիւն եւ իմաստութիւն ստանալու կարեւորութեան մասին։ [Կարդա՛ Ժողովող 7։12։] Այս պարբերաթերթը հինգ գործնական առաջարկներ կու տայ, օգնելու երեխաներուն որ դպրոցին մէջ յաջողին»։