Անոնք Ի՞նչպէս Պիտի Լսեն Առանց Մեր Վերադառնալուն

¹ «Ի՞նչպէս պիտի լսեն՝ առանց մէկուն քարոզելուն»։ (Հռովմ. 10։14) Արդարեւ, անոնք ի՞նչպէս պիտի ըմբռնեն ճշմարտութեան նշանակութիւնը եթէ ազդեցիկ վերայցելութիւններ չընենք։ Որեւէ հանդիպում ուր կարողացանք տանտիրոջ հետ խօսակցիլ Թագաւորութեան պատգամին մասին, վերայցելութեան մը արժանի է։ Այս ամիս կրնանք մեր սկզբնական խօսակցութիւնը շարունակել Սուրբ Գրային յաւելեալ գաղափարներով որեւէ գրքոյկէ զոր կը ծրագրենք տեղաւորել, ինչ որ կրնայ յաջող կերպով առաջնորդել Աստուածաշունչի ուսումնասիրութեան մը։

² Եթէ կը ծրագրէք տեղաւորել «Մարդկային Մեծ Բազմութեան մը Ազատումը Արմագեդոնի մէջէն» գրքոյկը, թերեւս կրնաք այս կերպով խօսակցութիւն մը սկսիլ որ կրնայ Աստուածաշունչի ուսումնասիրութեան մը առաջնորդել.

◼ «Կը փափաքի՞ք վերջ մը տեսնել երկրի վրայ եղած ամբարշտութեան, ոճիրին ու բռնութեան։ [Առիթ տուէք որ պատասխանէ։] Աստուածաշունչը մեզի կ’ըսէ թէ Աստուած բոլոր այս բաներուն վերջ մը պիտի դնէ աստուածային պատերազմով մը որ Արմագեդոն կը կոչուի»։ Կարդացէք Յայտնութիւն 16։14, 16։ Ապա նկատի առէք կարգ մը գաղափարներ Մարդկային Մեծ Բազմութեան մը Ազատումը Արմագեդոնի մէջէն գրքոյկին 1 եւ 2–րդ պարբերութիւններէն։ Գրքոյկը անոր ներկայացուցէք եւ բացատրեցէք թէ ինչպէ՛ս գրքոյկը ուսումնասիրելը կրնայ օգնել որ սորվի այդ պատերազմէն մեծ բազմութեան մը ազատումին մասին։

³ Երբ կը վերադառնաք ի մտի ունենալով «Աստուծոյ Ճամբան Սէր Է» գրքոյկը տեղաւորել, թերեւս ասոր նման բան մը ազդեցիկ պիտի ըլլայ.

◼ «Նախորդ այցելութեանս ատեն, Ա. Յովհաննու 4։16–ը կարդալէ ետք [Դարձեալ կարդացէք։], հարց տուինք. ‘Եթէ «Աստուած սէր է», ինչո՞ւ բան մը չ’ըներ մարդոց տառապանքին նկատմամբ’։ Ձեզի խոստացայ այս գրքոյկը բերել, որու խորագիրն է՝ Աստուծոյ Ճամբան Սէր Է։ [Գրքոյկը ցոյց տուէք։] Միասնաբար առաջին պարբերութիւնը կարդանք»։ Ապա կրնաք յաջորդ պարբերութիւնները կարդալ ցոյց տալով մեր յայտագիրը մարդոց օգնելու որ Աստուածաշունչը ուսումնասիրեն։

⁴ «Ահա Ամէն Բաները Նոր կ’Ընեմ» գրքոյկը տեղաւորելու նպատակով երբ կը վերայցելէք, կրնաք սկսիլ ցոյց տալով կողքի պատկերը եւ ապա հարցնելով.

◼ «Ըստ ձեր կարծիքին, կատարեալ աշխարհի մը մէջ ապրիլը ինչպէ՞ս պիտի ըլլայ։ [Տանտիրոջ պատասխանը առէք։] Այս պատկերին մէջ ինչ որ կը տեսնէք ամբողջովին երեւակայական բան մը չէ. անիկա հիմնուած է Աստուածաշունչին մէջ ըսուած վստահելի խոստումներուն վրայ։ [Կարդացէք Յայտնութիւն 21։4 եւ Սաղմոս 37։11, 29։] Կը փափաքիմ բացատրել թէ ինչպէս դուք եւ ձեր ընտանիքը կրնաք այս օրհնութիւնը վայելել»։ Եթէ տանտէրը հետաքրքրութիւն յայտնաբերէ, խօսակցութիւնը շարունակեցէք եւ Աստուածաշունչի ուսումնասիրութիւն մը առաջարկեցէք։

⁵ Երբ ճշմարտութիւնը փնտռող անկեղծ անհատներ կը գտնենք, մեր հարազատ սէրը կը ցուցաբերենք վերադառնալով անոնց օգնելու որ իրենց սորվածին համաձայն գործեն։ Մեզի յանձնուած սուրբ ճշմարտութիւնները կը գործածենք թէ՛ մեր յաւիտենական օրհնութիւններուն համար եւ թէ անոնց՝ որոնք մտիկ կ’ընեն։—Ա. Տիմ. 4։16