Հետաքրքրուողներուն Սիրալիր Կերպով Օգնենք
1 Երբ Եհովայի հրեշտակէն ուղղութիւն ստացաւ որ հանդիպի Եթովպիացիի մը որ հարազատ հետաքրքրութիւն ցուցաբերեց Աստուծոյ ճշմարտութեան Խօսքին հանդէպ, Փիլիպպոս աշակերտ սիրալիր կերպով առաջարկեց իրեն օգնել որ իր կարդացածը հասկնայ։ (Գործք 8։26-39) Մասնաւոր ջանք կը թափե՞նք հետաքրքրուողներուն օգնելու։ Պէ՛տք է ջանք թափենք, քանի որ մեր աստուածային յանձնարարութիւնը կը պարփակէ աշակերտել։ (Գործք 28։19, 20) Ի՞նչ կրնանք ընել որպէսզի անոնց օգնենք։
2 Իւրաքանչիւր շաբաթ ժամանակ յատկացուցէք վերայցելութիւններ ընելու համար։ Կարգադրեցէք հետաքրքրութիւն յայտնաբերողներուն վերայցելել եւ փորձեցէք շարունակել ձեր առաջին հանդիպումին սկսած Սուրբ Գրային քննարկութիւնը։ Ի մտի ունեցէք Սուրբ Գրային ուսումնասիրութիւն մը սկսելու նպատակակէտը։ Կանոնաւորաբար վերադարձէք ներկայացնելու համար Դիտարանի ու Զարթի՛րի ամենավերջին թիւերը։ Երբ հարազատ հետաքրքրութիւն կը գտնէք, կրնաք բաժանորդագրութիւններ առաջարկել։
3 Ձեր առաջին հանդիպումին եթէ նկատի առիք Աստուածաշունչին արժէքը, կրնաք խօսակցութիւնը վերսկսիլ գործածելով թելադրութիւն մը «Պատճառաբանել» գրքին 66–րդ էջէն [337-8, Արաբ.] եւ ասոր նման բան մը ըսել.
◼ «Ոմանք կը խորհին որ Աստուածաշունչին խրատը գործնական չէ մեր արդի աշխարհին մէջ։ Ի՞նչ կը մտածէք ասոր մասին։ [Թոյլ տուէք որ պատասխանէ։] Պիտի չհամաձայնէի՞ք թէ խոհեմ խրատ հայթայթող գիրք մը որ կարելի կը դարձնէ որ ուրախ ընտանեկան կեանք մը վայելենք, գործնական է։ [Թոյլ տուէք որ մեկնաբանէ։] Ընտանեկան կեանքին առնչութեամբ եղած տեսութիւնները եւ գործառնութիւնները փոխուած են, եւ ներկայիս մեր տեսած արդիւնքները լաւ չեն։ Բայց այն ընտանիքները որոնք Աստուածաշունչին ըսածը կը կիրարկեն, հիմնականօրէն կայուն ու ուրախ են»։ Կարդացէք Կողոսացիս 3։18-21։ Ներկայացուցէք Ի՛նչու Կրնաք Աստուածաշունչին Վստահիլ թերթիկը եւ բացատրեցէք թէ Աստուածաշունչի ձրի ուսումնասիրութեան յայտագիր մը կը մատուցանենք։
4 Հետեւեալ կերպով կրնաք սկիզբ տալ խօսակցութեան մը կառավարութեան մասին որ իրական ուրախութիւն պիտի բերէ.
◼ «Մարդիկ կրնա՞ն կառավարութիւն մը հաստատել որ իրապէս պիտի բերէ մնայուն ուրախութիւն»։ Թոյլ տուէք որ պատասխանէ, ապա հարցուցէք. «Մարդկութեան պատմութեան արձանագրութիւնը ի՞նչ ցոյց կու տայ»։ Կարդացէք Երեմեայ 10։23։ Ետքը, բացէք Կառավարութիւն գրքոյկին [Արաբ.] 24 եւ 25–րդ էջերը եւ նկատի առէք պատկերներն ու համարները։ Բացատրեցէք թէ ինչպէ՛ս Աստուծոյ կառավարութիւնը պիտի միացնէ մարդկութիւնը համայն աշխարհի մէջ։ Գրքոյկը ներկայացուցէք եւ ուրիշ այցելութեան մը համար կարգադրութիւն ըրէք։
5 Եթէ կ’ուզէք յաւելեալ բացատրութիւն տալ Քրիստոնէական տեսակէտին մասին ազգերուն միջեւ եղած պատերազմներուն նկատմամբ, կրնաք ասոր նման բան մը ըսել.
◼ «Ոմանք կը հաւատան որ պայքարը միակ միջոցն է վէճերը լուծելու։ Ի՞նչ կը խորհիք ատոր մասին։ [Թոյլ տուէք որ պատասխանէ։] Աստուածաշունչը ցոյց կու տայ թէ Աստուած կ’ուզէ որ մարդիկ խաղաղութեամբ իրարու հետ ապրին։ [Կարդացէք Հռովմայեցիս 12։17, 18։] Ատիկա իրականութիւն մը պիտի ըլլայ համային աշխարհի մէջ Աստուծոյ Թագաւորութեան իշխանութեան ներքեւ»։ Ակնարկեցէք Աստուած Իրապէս կը Հոգա՞յ Մեզի գրքոյկին, էջ 25-6 [Արաբ.]։ Առաջարկեցէք վերադառնալ բացատրելու համար թէ ինչո՛ւ շատ կարեւոր է աղօթել որ ‘Աստուծոյ կամքը ըլլայ ինչպէս երկինքը՝ նոյնպէս երկրի վրայ’։—Մատթ. 6։10
6 Եթովպիացի ներքինին ընդունեց որ չէր կրնար հասկնալ առանց մէկու մը որ զինք առաջնորդէր։ (Գործք 8։31) Փիլիպպոս սիրալիր կերպով անոր պէտք եղած օգնութիւնը մատուցանեց։ Ուրիշներու հանդէպ մեր հարազատ սէրը կրնանք ցուցաբերել նոյն կերպով անոնց օգնելով։