Ամէն Յայտնաբերուած Հետաքրքրութիւն Հետապնդենք Որպէսզի Օգտենք
1 Ի՞նչ է բանալի ազդակը որ մեզի կ’օգնէ որոշելու համար թէ անհատի մը պէտք է մեր գրականութիւնները տանք թէ ոչ։ Հետաքրքրութիւնը։ Նոյնը ճշմարիտ է վերայցելութիւններ ընելու պարագային։ Երբոր մէկը Թագաւորութեան պատգամին հանդէպ նոյնիսկ քիչ հետաքրքրութիւն ցուցաբերէ, կ’ուզենք մեր լաւագոյնը ընել այդ անձին օգտելու համար։ Հետեւաբար, կը վերայցելենք այն նպատակով որ անհատին հետաքրքրութիւնը մշակենք եւ տան մէջ սուրբ գրային ուսումնասիրութիւն մը սկսինք։ Ասիկա մեր նպատակակէտն է նոյնիսկ երբ գրականութիւններ չենք տեղաւորել։ Ասիկա ի՞նչպէս կարելի է ընել։
2 Եթէ նախկին խօսակցութիւնդ այսօր ամուսնական խնդիրներուն ընդհանրացած ըլլալուն մասին էր եւ «Յաւիտեան Ապրիլ» գիրքը տեղաւորեցիր, կրնաս խօսակցութիւնդ սկսիլ այս կերպով.
◼ «Անցեալ այցելութեանս, խօսակցեցանք ամուսնութեան եւ Աստուածաշունչին գործնական խրատներուն մասին որոնք կրնան մեզի օգնել որ աւելի մեծ ուրախութիւն գտնենք։ Շիտակ չէ՞ որ նոյնիսկ լաւագոյն ընտանիքներուն մէջ երբեմն խնդիրներ կը ծագին։ [Թոյլ տուր որ պատասխանէ։] Աստուածաշունչը ընտիր խրատներ կու տայ մեզի, որոնք կրնան մեզի օգնել որ ընտանեկան յարաբերութիւններու մէջ ծագած խնդիրները լուծենք։ Ընտանիքը կ’օրհնուի Աստուածաշունչը միասնաբար ուսումնասիրելով»։ Բաց էջ 246, եւ նկատի առ 23–րդ պարբերութիւնը։ Կարդա Յովհաննու 17։3–ը, եւ առաջարկէ ընտանիքին օգնել որ սկսին տան մէջ Աստուածաշունչը ուսումնասիրել։
3 Եթէ խօսեցար զաւակներու մասին եւ զիրենք մարզելու կարիքին մասին, կրնաս խօսակցութիւնը շարունակել այս կերպով.
◼ «Նախապէս խօսեցանք զաւակներուն պէտք եղած հոգեւոր մարզումին մասին եւ թէ ծնողներ ի՛նչպէս կրնան անոնց օգնել։ Ծնողներուն մեծամասնութիւնը որոնց հետ խօսած եմ, մտահոգուած են ներկայիս շատ մը պատանիներու գէշ վարքին նկատմամբ։ Ի՞նչ կը խորհիս . . . մասին։ [Յիշէ պատանեկան սխալ վարմունքի օրինակ մը որ յաճախ կը նկատուի միջավայրիդ մէջ։ Թոյլ տուր որ պատասխանէ։] Թոյլ տուր որ քեզի ցոյց տամ Աստուածաշունչին մէջ տրուած կարգ մը գործնական խրատները»։ Նկատի առ 22–րդ պարբերութիւնը Յաւիտեան Ապրիլ գրքին էջ 246–ին մէջ, բացատրէ գլխաւոր կէտը եւ կարդա Եփեսացիս 6։4–ը։ Մատնանշէ թէ զաւակներուն մեծամասնութիւնը իրապէս կ’ուզեն կրթութիւն եւ առաջնորդութիւն։ Երբ ծնողներ կը ջանան զանիկա հայթայթել, զաւակները աւելի ուրախ եւ աւելի յարգալից կ’ըլլան իրենց վերաբերմունքին մէջ։ Բացատրէ թէ ի՛նչպէս Աստուածաշունչը կ’ուսումնասիրենք մեր զաւակներուն հետ։
4 Եթէ խօսակցութեանդ նիւթը դրախտային երկրին մասին էր, կրնաս հետեւեալը ըսել հետաքրքրութիւնը վերարծարծելու համար.
◼ «Այս գրքին մէջ կարգ մը պատկերներու նայեցանք որոնք մեզի ցոյց տուին թէ երկիրը ինչպէս պիտի ըլլայ երբ Աստուած զայն դրախտի մը վերածէ։ Ասիկա մեզի քիչ նշանակութիւն պիտի ունենայ եթէ չկարենանք զայն վայելել մեր սիրելիներուն հետ։ Չե՞ս համաձայնիր»։ Թոյլ տուր որ պատասխանէ։ Յետոյ բաց Յաւիտեան Ապրիլ գրքին 162–րդ էջը։ Կարդա Յայտնութիւն 21։3, 4–ը եւ բացատրէ թէ ինչպէս մեր սիրելիները կրնան միշտ մեր հետ ըլլալ։ Եթէ լաւ ընդառաջում կայ, կարդա Յովհաննու 5։28, 29–ն, ցոյց տալու համար թէ մեռելները պիտի վերակենդանանան։ Գրքին կողքը ցոյց տուր եւ ըսէ. «Ասիկա իրապէս ճշմարիտ է—մենք կրնանք յաւիտեան ապրիլ երկրային դրախտի մը մէջ»։ Կարգադրէ ուրիշ այցելութիւն մը որպէսզի բացատրես թէ ինչու գիտենք որ անիկա մօտ է։
5 Վերայցելութեան մը գլխաւոր նպատակն է հետաքրքրուողներուն օգնել որ Թագաւորութեան պատգամէն օգտուին։ Մարդոց մեծամասնութիւնը խթանի մը կարիքը ունին որպէսզի հոգեւոր բաներու հանդէպ իրենց ախորժակը սրեն։ Անոնց ուշադրութեան յանձնենք գործնական արժէք ունեցող մասնայատուկ կէտեր գրականութիւններուն մէջ, շեշտելով թէ անոնք ինչպէս կրնան իրենց օգնել որ Աստուածաշունչը աւելի լաւ հասկնան։ Այս նպատակակէտերը իրագործող վերայցելութիւնները պիտի օգնեն ուրիշներու որ կարելի եղած լաւագոյն կերպով օգտուին։