Եհովայի Վկաներու 1995–Ի «Ուրախ Փառաբանողներ» Նահանգային Համաժողովը

¹ Ի՜նչ ուրախութիւն էր որ անցեալ ամառ Միացեալ Նահանգներու մասնաճիւղի թաղամասին մէջ տեղի ունեցած «Աստուածավախութիւն» Նահանգային Համաժողովներուն ներկայ եղող 1,481,258 անհատներէն էինք։ 13,742 հոգի պատշաճ աստուածավախութիւն արտայայտեցին մկրտուելով։ Ի՜նչ քաջալերական պիտի ըլլայ յառաջիկայ ամառ հաւաքուիլը 1995–ի «Ուրախ Փառաբանողներ» Նահանգային Համաժողովին համար, որ երեք օր պիտի տեւէ։ Այդ հետաքրքրաշարժ բնաբանը պէտք է իրապէս մղէ մեզ որ ամէն ջանք թափենք որ մենք ու մեր Աստուածաշունչի աշակերտները ներկայ ըլլանք։ Յայտագիրը հոգեւոր սփոփանքի իսկական աղբիւր մը պիտի ըլլայ մեր բոլորին համար մինչ կը շարունակենք հաւատարմօրէն Եհովայի ծառայել այս վերջին ժամանակին մէջ։

² Վստահ եղէք որ համաժողովի ձեր կարգադրութիւնները կանուխէն ընէք այնպէս որ կարենաք հոն ըլլալ վայելելու համար հաճելի հոգեւոր յայտագրին երեք օրերն ալ, բացման երգեցողութենէն մինչեւ փակման աղօթքը։ Ձեր ծրագիրներուն մէջ սիրալիր կերպով պարփակեցէք զանոնք որոնք օժանդակութեան կարիքը ունին, մասնաւորաբար վերջերս հետաքրքրուողները, որպէսզի անոնք ալ կարենան իւրաքանչիւր նիստի ներկայ ըլլալ։ Շատ օգտակար պիտի ըլլայ որ նկատի առնէք այս յաւելուածական յօդուածին տեղեկութիւնները Աստուածաշունչի ոեւէ աշակերտի հետ որ կը ծրագրէ ներկայ ըլլալ։ (Գաղ. 6։6, 10) Յայտագիրը երաժշտութեամբ կը սկսի Ուրբաթ կէսօրէ առաջ 9։40–ին եւ կը վերջանայ կէսօրէ ետք շուրջ 4։30–ին։ Շաբաթ յայտագիրը կը սկսի կէսօրէ առաջ 9։30–ին եւ երգեցողութեամբ ու աղօթքով կը փակուի կէսօրէ ետք շուրջ 4։40–ին։ Կիրակի օրը առաւօտեան նիստը կը սկսի 9։30–ին եւ օրուան յայտագիրը վերջ կը գտնէ կէսօրէ ետք շուրջ 3։50–ին։ Հետեւեալ տեղեկութիւնները ձեզի պիտի օժանդակեն ձեր նախնական պատրաստութիւններուն առնչութեամբ։

Հրահանգներ Իջեւան Ձեռք Ձգելու Համար

³ Յունուար 2–ով սկսող շաբթուան Ծառայութեան Ժողովէն ետք, ժողովքները պէտք է ցուցատախտակին վրայ կախեն Recommended Lodging Locations ցանկը այն նահանգային համաժողովին համար որու ժողովքը նշանակուած է։ Այս ցանկը կը պարփակէ բոլոր օթեւանները որոնք ներկայիս կը համագործակցին Ընկերութեան իջեւանելու կարգադրութիւններուն հետ։ Ձեր համագործակցութիւնը այս կարգադրութիւններուն հետ պիտի օժանդակէ համաժողովի յանձնախումբին իր ճիգերուն մէջ որ ամէն անհատի հայթայթէ նպաստաւոր գիներով իջեւանելու բաւարար դիւրութիւններ։

⁴ Ինչ Որ Պէտք Է Ընէք. Ձեր ժողովքը Recommended Lodging Locations ցանկը կախելէ ետք՝ Ո՛Չ առաջ՝ որ կը պարփակէ օթեւաններու հասցէները, հեռաձայնի թիւերը եւ համաձայնուած սակերը, ազատ էք ցանկին մէջէն ձեր ընտրած օթեւանին հեռաձայնելու եւ վերապահութիւններ ընելու։ Դուք ձեզ բնորոշելը որպէս Եհովայի Վկաներէն մէկը կամ պատուիրակ մը՝ Դիտարանի համաժողովին ներկայ ըլլալու, ձեզ որակելի պիտի դարձնէ որ օգտուիք մատնանշուած սակերէն, որոնք յաճախ մեծապէս զեղչուած են։

⁵ Մէկ գիշերուան ԿԱՆԽԱՎՃԱՐԸ ՊԱՀԱՆՋՈՒԱԾ Է սենեակը ապահովելու համար։ Ձեր կանխավճարը պէտք է օթեւանին ուղղակի ղրկէք ԱՆՄԻՋԱՊԷՍ որ վերապահութիւնները ընէք։ Եթէ օթեւանը չստանայ ձեր կանխավճարը, ձեր վերապահութիւնները կրնան ջնջուիլ որեւէ ժամանակ։ ՕԹԵՒԱՆՆԵՐԸ ՊԱՐՏԱՒՈՐՈՒԱԾ ՉԵՆ ԱՌԱՆՑ ԿԱՆԽԱՎՃԱՐԻ ՄԸ ՍԵՆԵԱԿՆԵՐ ԱՊԱՀՈՎԵԼՈՒ։ Եթէ ձեր վերապահութիւնը պիտի ջնջէք, պէտք է անմիջապէս օթեւանին տեղեկացնէք, սենեակը մատչելի ընելով ուրիշ պատուիրակներու։

⁶ Եթէ առաջին օթեւանը որու կը հեռաձայնէք լեցուն է, ցանկէն ձեր ընտրած երկրորդ օթեւանին հեռաձայնեցէք եւ այսպէս շարունակեցէք։ Յաճախ, ամէն անհատ կը հեռաձայնէ այն օթեւաններուն որոնք ամենամօտն են համաժողովին համար գործածուած դիւրութեան. հետեւաբար, թերեւս օգտակար գտնէք փորձել աւելի հեռու եղող օթեւանները։ Անոնք ալ նուազ սակերով ընտիր սենեակներ ունին։ Համաժողովի Իջեւանելու Բաժինը պիտի շարունակէ վերաքննուած ցանկեր հայթայթել ժողովքներուն, ջնջելով լեցուած օթեւանները եւ արձանագրելով յաւելեալ օթեւաններ, մինչեւ որ ամէն անհատ սենեակ մը ունենայ։ Ուստի, եթէ ցանկին բոլոր օթեւանները լեցուած են, հաճեցէք համբերութեամբ սպասել յաջորդ ցանկը եւ պիտի կարենաք սենեակ մը ձեռք ձգել։

⁷ Ննջասրահներ. Մի քանի համաժողովներ, օթեւաններէն զատ, դպրոցներու ննջասրահները կը գործածեն որպէսզի ամէն անհատ իջեւան ունենայ։ Սովորաբար, ժողովքները ասոնց մասին տեղեկութիւններ կը ստանան, օթեւաններու առաջին ցանկը ստանալէն շուրջ մէկ ամիս ետք։ Անոնք որոնք այսպիսի իջեւաններու կարիքը ունին, պէտք է հետեւին ժողովքներուն ղրկուած ցանկին մէջ նշուած հրահանգներուն։

Մասնայատուկ Կարիքներ

⁸ Այս հայթայթումը միայն օրինակելի հրատարակիչներուն եւ իրենց լաւ վարք ունեցող զաւակներուն համար է, որոնք Ժողովքի Ծառայութեան Յանձնախումբին կողմէ ընդունուած են։ Մասնայատուկ կարիքներ ունեցող անհատներու հոգատարութեան կարգադրութիւնները պէտք է ըլլան այն ժողովքին կողմէ որու ժողովներուն կը յաճախեն, փոխանակ այս պարտաւորութիւնը ձգուի համաժողովի յանձնախումբին վրայ։ Երէցներ եւ ուրիշներ որոնք տեղեակ են անհատին պարագաներէն, կրնան սիրալիր կերպով օգնութիւն ընծայել։ Ասիկա յաճախ կը պահանջէ որ հրատարակիչները նկատի առնեն լիաժամ ծառայողներու, տարիքոտներու, ֆիզիքապէս տկարներու եւ ուրիշներու կարիքները։ Հրատարակիչները կրնան օգնութիւն ընծայել այսպիսի անհատներ իրենց հետ առնելով կամ տարբեր ձեւերով անոնց կարիքներուն հոգալով։—Յակ. 2։15-17. Ա. Յովհ. 3։17, 18

⁹ Անշուշտ, Իջեւանելու Բաժինը պիտի ջանայ յարմար իջեւան հայթայթել մասնայատուկ կարիքներով հրատարակիչներու եթէ ժողովքի անդամները կարող չեն անոնց օգնել։ Այս հրատարակիչները կրնան իրենց վիճակին մասին խօսիլ ժողովքի քարտուղարին հետ։ Քարտուղարը պէտք է Ժողովքի Ծառայութեան Յանձնախումբին հետ խօսի տեսնելու համար ժողովքին կարողութիւնը այս անհատներուն օժանդակելու որ իրենց իջեւանելու կարգադրութիւններուն հոգ տարուի։ Եթէ ժողովքը անկարող է պէտք եղած օժանդակութիւնը ընծայելու, քարտուղարը այսպիսի անհատներու կրնայ Special Needs Room Request թղթիկէն օրինակ մը տալ։ Միայն անոնք որոնք մասնաւոր կարիքներ ունին պէտք է այս թղթիկը լեցնեն։ Ան պէտք է գրուի խնդրանքը ներկայացնող անհատին կողմէ։ Ան պէտք է վերադարձուի քարտուղարին, որ պիտի ստուգէ անոր ամբողջացումը, ճշգրտութիւնը եւ պարագաներուն վաւերացումը որոնք անհատը այսպիսի նկատառութեան որակելի կը դարձնեն։ Քարտուղարը պէտք է պարագաները ՄԱՆՐԱՄԱՍՆՕՐԷՆ ԲԱՑԱՏՐԷ թղթիկին մէջ յատկացուած մասին մէջ։ Այս բոլորը պէտք է համաժողովէն շատ առաջ կատարուին։ Ապա քարտուղարը թղթիկը պիտի ղրկէ Իջեւանելու Բաժինին։ Խնդրանքը ներկայացնող անհատը ուղղակի պիտի տեղեկացուի իջեւանելու դիւրութիւններուն մասին։

¹⁰ Մասնաւոր կարիքներ ունեցողները պէտք ՉԷ համաժողովին երթան ու սենեակ մը խնդրեն երբ հասնին, որովհետեւ Իջեւանելու Բաժինը պէտք է Ժողովքի Ծառայութեան Յանձնախումբին վաւերացումը ունենայ։

¹¹ Անձնական տուներու դիւրութիւնները պահուած են անոնց համար որոնք կրնան իսկական դժուարութեան մատնուիլ եթէ այսպիսի դիւրութիւններ մատչելի չըլլան։ Անոնք չեն յատկացուած անոնց համար որոնք կարող են օթեւան ապահովել բայց կ’ուզեն ձրի կամ աժան սենեակներ, պարզապէս դրամ խնայելու համար։ Ասկէ զատ, պատշաճ չէ որ այսպիսի խնդրանք ներկայացնողները եղբայրներուն հիւրասիրութիւնը օգտագործելով ակնկալեն յաւելեալ օրեր հոն մնալ համաժողովէն առաջ ու վերջ։ Այս սենեակները հայթայթուած են ՄԻԱՅՆ համաժողովի ժամանակաշրջանին։ Այսպիսի դիւրութիւններ ստացողները պէտք է վստահ ըլլան որ իրենք ու իրենց զաւակները յարգանքով կը վարուին հիւրընկալին տան հանդէպ. պէտք չէ խառնակեն կամ վնաս հասցնեն հիւրընկալին ստացուածքներուն կամ տան անձնական շրջանները մտնեն։ Եթէ տանտէրները ասոնց առնչութեամբ որեւէ դժուարութեան մատնուին, պէտք է անմիջապէս համաժողովի իջեւանելու տեսուչին ուշադրութեան յանձնեն զայն, եւ ան ուրախ պիտի ըլլայ օգնելով։

Պատուիրակներ Որոնք Նշանակուած Շրջանէն Չեն

¹² Գրեթէ ամէն պարագայի, ձեր յաճախելիք նշանակուած վայրը ամենամօտն է ձեր ժողովքին։ Բաւարար նստարան, գրականութիւն, իջեւանելու դիւրութիւններ եւ նման բաներ ունենալը հիմնուած է այն ենթադրութեան վրայ որ հրատարակիչներուն մեծամասնութիւնը ներկայ պիտի ըլլան իրենց ժողովքին նշանակուած համաժողովին։ Սակայն, եթէ վաւերական պատճառի մը համար ներկայ պիտի ըլլաք ձեզի չնշանակուած համաժողովի մը եւ իջեւանելու կարիքը ունիք, ժողովքի քարտուղարը կրնայ ձեզի տալ այդ համաժողովի կեդրոնատեղիին հասցէն, առնելով զայն Special Needs Room Request թղթիկին ետեւի էջի ցանկէն։ Յետոյ կրնաք նամակով խնդրել օթեւաններու ցանկը այդ վայրին համար, պարփակելով պահարան մը որ դրոշմաթուղթ ու ձեր հասցէն կը կրէ։ Այս ցանկը ստանալէ ետք, գործածեցէք զայն ձեր վերապահութիւնը ընելու։

Ձեր Համագործակցութեան Կարիքը Կայ

¹³ Իջեւանելու այս կարգադրութեան յաջողութիւնը կախեալ է պարփակուած բոլոր անհատներուն համագործակցութենէն։ (Եբր. 13։17) Ուստի, ամէն անհատէ կը խնդրենք որ լիովին համագործակցի Ընկերութեան իջեւանելու կարգադրութեան հետ եւ ԳՈՐԾԱԾԷ ՄԻԱՅՆ ԱՅՆ ՕԹԵՒԱՆՆԵՐԸ ՈՐՈՆՔ ԱՅՍ ՏԱՐՈՒԱՆ RECOMMENDED LODGING LOCATIONS ՑԱՆԿԻՆ ՄԷՋ ԵՆ, որպէսզի օթեւաններու հետ համաձայնելու ատեն ծագած մեծ դժուարութիւններէ խուսափինք։ Ցանկին մէջ յիշուած օթեւաններուն հետ պայմանագրութիւններ ըրած ենք, նշելով թէ մեր ժողովուրդը զանոնք պիտի գործածէ։ Երաշխաւորութիւն մըն է որ անոնք գործ պիտի ունենան եթէ մեզի համար մասնայատուկ սակեր որոշեն։ Հրատարակիչներուն մեծամասնութիւնը լուրջի կ’առնէ յստակ ուղղութիւնը որ տրուած է նախորդ համաժողովներու յաւելուածականներուն մէջ, եւ շատ մը լաւ արդիւնքներ ձեռք կը ձգուին։ Սակայն, դեռ անհրաժեշտ է խնդրել որ ամէն անհատ ՀԱՃԻ ՆԿԱՏԻ ԱՌՆԵԼ ԱՅՆ ԿԵՐՊԵՐԸ ՈՐՈՆՑՄՈՎ ԿՐՆԱՅ ՀԱՄԱԳՈՐԾԱԿՑԻԼ, ինչպէս նշուած են շրջագիծին մէջ, 6–րդ էջին մէջ։

¹⁴ Միւս կողմէն, ԵԹԷ ԽՆԴԻՐ ՄԸ ՈՒՆԵՆԱՔ ՕԹԵՒԱՆԻ ՄԸ ՀԵՏ, հաճեցէք չվարանիլ զայն համաժողովի Իջեւանելու Բաժինի տեսուչին ուշադրութեան յանձնել, որպէսզի ձեզի օժանդակէ հարցը անմիջապէս լուծելու։

¹⁵ Համաժողովի յանձնախումբը ժրաջան կ’աշխատի որպէսզի մեր եղբայրները կարելի եղածին չափ ծախս խնայեն։ Ուստի բոլորին օգտին համար է ամբողջովին համագործակցիլը Ընկերութեան իջեւանելու կարգադրութեան հետ, այնպէս որ այս հայթայթումը շարունակուի։ Ցանկը կու տայ համագործակցող օթեւաններու լաւորակ դիւրութիւններու ընտրութիւն մը։ Այս կարգադրութեամբ, մեր նպատակակէտն է պատուիրակներուն օգնել կարելի եղածին չափ հանգստաւէտ ու խնայող կերպով իջեւանելու։

Խուլերու Լեզուով Համաժողովներ

¹⁶ Նկատի առնելով Ամերիկեան Խուլերու Լեզուով եղած համաժողովներուն յաջողութիւնը անցեալ տարի, ուրախ ենք յայտարարելու թէ նոյն հայթայթումը դարձեալ պիտի ըլլայ այս տարի։ Յայտագրին բաժինները պիտի չթարգմանուին, այլ Ամերիկեան Խուլերու Լեզուով պիտի տրուին որակելի եղբայրներու կողմէ։ Ասիկա կը նշանակէ որ համաժողովին ամբողջ յայտագիրը ուղղակի պիտի հաղորդուի ներկաներուն, որոնք նաեւ պիտի վայելեն շատ շինիչ ընկերակցութիւն մը։ Այս պատճառով, խուլերու լեզուի որեւէ տեսակի համար ՈՉ ՄԷԿ ՀԱՅԹԱՅԹՈՒՄ պիտի ըլլայ որեւէ ուրիշ համաժողովի մէջ։

¹⁷ Կարեւոր է որ բոլոր խուլ անհատները ԱՆՄԻՋԱՊԷՍ սկսին ծրագրել որ այս երկու խուլերու–լեզուով նահանգային համաժողովներէն մէկուն ներկայ ըլլան։ Երէցները պէտք է ժրաջանութեամբ ստուգեն թէ իրենց ժողովքին մէջ իւրաքանչիւր խուլ անհատ տեղեակ է այս կարգադրութեան մասին եւ որոշեն թէ որեւէ օժանդակութեան հարկ կայ կամ ոչ, այնպէս որ անոնք կարենան ներկայ ըլլալ։

Նշմարներ Երէցներու Մարմնին. Յունուար 2–ով սկսող շաբթուան Ծառայութեան Ժողովին ընթացքին, հաճեցէք կարդալ 15 Դեկտեմբեր 1994–ի Ընկերութեան ղրկած համաժողովի նշանակումի նամակը եւ ձեր ժողովքին համար եղած Recommended Lodging Locations ցանկին առաջին ու վերջին պարբերութիւնները։ Այդ ժողովէն ետք, նամակը եւ ցանկը ցուցատախտակին վրայ կախեցէք։ Երէցները պէտք ՉԷ փոխեն այդ շաբթուան իրենց Ծառայութեան Ժողովին օրը, զայն աւելի առաջ ընելով։ ՈՉ ՈՔ, ԵՐԷՑՆԵՐԸ ՆԵՐԱՌԵԱԼ, ՊԷՏՔ Է ՕԹԵՒԱՆԻ ՎԵՐԱՊԱՀՈՒԹԻՒՆՆԵՐ ԸՆԷ ԱՅՍ ԾԱՌԱՅՈՒԹԵԱՆ ԺՈՂՈՎԷՆ ԱՌԱՋ։ Այս կերպով բոլոր ժողովքները տեղեկութիւնները պիտի ստանան նոյն շաբթուան ընթացքին։ Կարելի եղածին չափ, ժողովքին քարտուղարը պէտք է ձեռք առնէ համաժողովին վերաբերեալ նիւթերն ու ծանուցումները ապագայ Ծառայութեան Ժողովներու մէջ, բացի եթէ այլապէս նշուած է կամ ինք չի կրնար այդ ընել։

[Շրջանակ՝ էջ 3]

Սենեակ մը Ձեռք Ձգելու Համար

◼ Recommended Lodging Locations ցանկը կախուելէ ետք, ձեր ընտրած օթեւանին հեռաձայնեցէք։

◼ Դուք ձեզ բնորոշեցէք որպէս Եհովայի Վկաներէն մէկը կամ պատուիրակ մը՝ Դիտարանի համաժողովին ներկայ ըլլալու։

◼ Պատրաստ եղէք որ մէկ գիշերուան կանխավճարը ղրկէք անմիջապէս որ վերապահութիւնը ընէք։

◼ Եթէ բոլոր օթեւանները կամ ննջասրահները լեցուած են, հաճեցէք համբերութեամբ սպասել յաջորդ ցանկը։

[Շրջանակ՝ էջ 6]

Կերպեր Որոնցմով Կրնաք Համագործակցիլ

◼ Համաժողովի քաղաքին մէջ եղած օթեւաններու մի՛ հեռաձայնէք անոնց հարցնելով թէ ընթացիկ ցանկին մէ՞ջ են կամ համաժողովին համար Դիտարանի մասնայատուկ սակեր ունի՞ն։ Նաեւ, հաճեցէք նոյն օթեւանը չգործածել տարիէ տարի առանց նախ ստուգելու թէ ան որոշապէս կը գտնուի ընթացիկ ցանկին մէջ։

◼ Մի՛ ընդունիք ընթացիկ ցանկին մէջ յիշուած գինէն աւելի բարձր գին մը վճարել օթեւանի սենեակի մը համար։

◼ Հաճեցէք ձեր վերապահութիւնները չընել օթեւանի մը հետ զոր գործածելու մտադիր չէք կամ մէկէ աւելի օթեւաններու հետ, այն միտքով թէ զանոնք կը ստուգէք, լաւագոյնը կ’ընտրէք ու մնացածը կը ջնջէք։ (Մատթ. 5։37) Ասիկա անարդարութիւն է, քանի որ օթեւաններուն արգելք կը հանդիսանայ գործ մը ձեռք ձգելու եւ կը զրկէ ուրիշ հրատարակիչներ այս սենեակները գործածելէ, որոնք յաճախ մեծապէս պիտանի են։

◼ Ձեզի եւ ուրիշներու համար սենեակներ մի՛ վերապահէք առանց անուններ տալու եւ իւրաքանչիւր սենեակի համար անմիջապէս կանխավճար ղրկելու։

◼ Օրէնքին ու վարչութեան արտօնածէն աւելի անհատներ մի՛ դնէք սենեակին մէջ, որ բնականաբար չորս կամ հինգ անհատէ աւելի չէ, պարփակելով պզտիկները։ Յիշեցէք, կը վճարէք սակ մը որ հիմնուած է ՁԵՐ ՀԱՄԱՁԱՅՆԱԾ անհատներու թիւին վրայ, որոնք սենեակին մէջ պիտի ըլլան։