Տունը Չեղողներու Մասին Ինչո՞ւ Արձանագրութիւն Մը Պահենք
1 Վկայ զոյգ մը առաւօտեան ժամերուն դաշտի ծառայութեան կը մասնակցէր։ Նոյն օրը աւելի ուշ ատեն, անոնք վերադարձան այցելելու համար այդ թաղամասին մէջ տունը չեղողները։ Մարդ մը զիրենք ներս հրաւիրեց եւ ուշի ուշով մտիկ ըրաւ։ Ան Յաւիտեան Ապրիլ գիրքը առաւ եւ հարցուց եթէ Վկաները պիտի վերադառնան։ Ան ասկէ առաջ երբեք խօսած չէր Եհովայի Վկաներուն հետ եւ շատ հարցումներ ունէր որոնց պատասխանը կ’ուզէր. Աստուածաշունչի ուսումնասիրութիւն մը հաստատուեցաւ։ Այս զոյգը շատ ուրախ էր որ այսպիսի ոչխարանման անհատ մը գտաւ։ Ասոր նման փորձառութիւն մը կը փափաքի՞ք ունենալ։ Տունը չեղողներու մասին լաւ արձանագրութիւն մը պահելը եւ շուտով վերադառնալը կարելի կը դարձնեն որ ատիկա վայելէք։
2 Կրկին անգամներ մեզի քաջալերութիւն տրուած է որ տունը չեղողներուն մասին ճշգրիտ արձանագրութիւն մը պահենք եւ շուտով վերադառնանք։ Ինչպէս վերոյիշեալ փորձառութիւնը ցոյց կու տայ, նոյն օրը ուրիշ այցելութիւն մը կրնայ հոյակապ արդիւնքներ բերել։ Մինչ մտադրած ենք նշանակուած թաղամասը ծածկել, թերեւս պէտք եղածին չափ ժրաջան չենք արձանագրութիւն մը պահելու տունը չեղողներուն մասին։ Ոմանք կ’ըսեն. ‘Մենք մեր թաղամասը կը ծածկենք երկու կամ երեք շաբթուայ ընթացքին. կարիքը չկայ այսպիսի արձանագրութիւն մը պահելու, որովհետեւ արդէն շուտով պիտի վերադառնանք’։ Բայց ատիկա ա՛լ աւելի պատճառ կու տայ մեզի որ արձանագրութիւն մը պահենք։ Յաճախակի աշխատցուած թաղամասին մէջ, տունը չեղողներուն մասին եղած արձանագրութիւնը կարելի կը դարձնէ որ աւելի լման կերպով փնտռենք արժանի եղողները։ Ինչպէ՞ս։
3 Շատ մը շրջաններու մէջ, բնակողներուն 50 առ հարիւրը կամ աւելին տունը չեն օրուան ընթացքին։ Ուստի, իրականութեան մէջ, աւելի թաղամաս մատչելի կը դարձնենք երբ կը կեդրոնանանք տունը չեղողներուն կրկին այցելելու վրայ։ Նոյնիսկ եթէ թաղամասը քիչ անգամ կ’աշխատցուի, կրնանք արդիւնքները բարելաւել ջանք թափելով որ ամէն անհատի հասնինք, թաղամասը որպէս աշխատցուած նշանելէ առաջ։
4 Սովորաբար կարելի է կարգադրել որ տունը չեղողներուն կրկին այցելենք ուրիշ օր մը, նախընտրաբար մէկ շաբթուայ ընթացքին։ Շատեր աւելի յարմար կը գտնեն վերադառնալ սկզբնական այցելութեան ժամանակէն տարբեր օր մը եւ ժամ մը։ Կրնաք Շաբաթ կամ Կիրակի օրերը որոշ ժամանակ յատկացնել հետապնդելու համար շաբթուայ ընթացքին նոթագրուած տունը չեղողները։ Որպէս ուրիշ կարելիութիւն մը, շատ մը ժողովքներ կը նկատեն որ երեկոյեան կանուխ ժամերուն այսպիսի այցելութիւններ ընելը պտղաբեր է։ Անոնք կրնան բնակողներուն կէսէն աւելին տունը գտնել։
5 Վերայցելութիւնները պէտք է արձանագրէք ձեր անձնական արձանագրութիւններուն մէջ։ Եթէ չէք կրնար վերադառնալ ուր որ տունը մէկը չկար, ձեր արձանագրութիւնը տունը չեղողներուն մասին պէտք է տրուի ծառայութեան խումբը վարող եղբօր, որպէսզի գործածուի այդ թաղամասը գացող յաջորդ խումբին միջոցաւ։
6 Մեր ծառայութեան այս երեսակին սուր ուշադրութիւն ընծայելը կրնայ աւելցնել մեր արդիւնաբերութիւնը ինչպէս նաեւ՝ մեր ուրախութիւնը։ Ան կրնայ մեզի այն գոհունակութիւնը տալ որ յառաջ կու գայ գիտնալէ թէ մենք ոչխարանման անհատները լման կերպով կը փնտռենք ու հոգ կը տանինք։—Եզեկ. 34։11–14