Առաջնորդութիւն Առնող Տեսուչներ—Դիտարան–ի Ուսումնասիրութեան Վարիչը

¹ Դիտարանը կը Ծանուցանէ Եհովայի Թագաւորութիւնը պարբերաթերթը, յարմար «ատենին» մեզի կերակուր մատակարարելու «հաւատարիմ ու իմաստուն ծառայ»ին գլխաւոր հայթայթումն է։ (Մատթ. 24։45) Դիտարան–ի Ուսումնասիրութիւնը վարող երէցը, որպէս կարող ուսուցիչ կենսական պատասխանատուութիւն մը ունի, քրիստոնէական վարքի մէջ օրինակելի ըլլալով։—Հռովմ. 12։7 Յակ. 3։1

² Ազդու կերպով սորվեցնելու համար, Դիտարան–ի Ուսումնասիրութեան վարիչը մեծ ջանք պէտք է թափէ ամէն շաբաթ լաւ պատրաստուելու համար։ Ան ասիկա կ’ընէ բծախնդրութեամբ եւ աղօթքով։ Ժողովքին հանդէպ իր խոր հետաքրքրութիւնը կ’արտացոլացուի, սերտուած նիւթով մեր սրտերուն հասնելու իր անկեղծ ջանքով։ Ան կը կեդրոնանայ ուսումնասիրութեան գլխաւոր կէտերուն վրայ, եւ մեզի կ’օգնէ որ տեսնենք թէ անոնք ի՛նչ առնչութիւն ունին բնաբանին հետ։

³ Նախապէս համարներուն նայիլը իր լաւ պատրաստութեան մաս կը կազմէ, որպէսզի տեսնէ թէ անոնք ի՛նչպէս կը կիրարկուին։ Ան Աստուծոյ Խօսքին նախապատուութիւն կու տայ, քաջալերելով ժողովքի անդամները, որ յաճախ Աստուածաշունչը գործածեն ուսումնասիրութեան ընթացքին։ Երբ կարեւոր կէտ մը ժողովքին կողմէ տրուած պատասխաններով երեւան չ’ելլեր, կամ բանալի համարի մը կիրարկումը անտեսուի, ան յաւելեալ մասնաւոր հարցում մը կը հարցնէ, գաղափարը մէջտեղ հանելու համար։ Այս կերպով, ան մեզի կ’օգնէ որ շիտակ եզրակացութիւններու յանգինք, եւ սորվինք ի՛նչպէս մեր սորվածը կիրարկել մեր կեանքին մէջ։

⁴ Դիտարան–ի Ուսումնասիրութեան վարիչը ջանք կը թափէ, որ իր սորվեցնելու կարողութիւնը աստիճանաբար բարելաւէ։ Ան յաճախակի մեկնաբանութիւններ չ’ըներ, այլ՝ կը քաջալերէ մեզ որ մեր անձնական բառերով հակիրճ եւ կէտերը շօշափող պատասխաններ տանք։ Ան պարբերաբար կրնայ վերյիշեցնել մեզի որ պարբերութեան մը տպուած հարցումներուն առաջին պատասխան տուողը, հակիրճ եւ ուղղակի պատասխան մը պէտք է տայ։ Ներկաներուն կողմէ տրուած յաւելեալ պատասխանները կրնան ցոյց տալ համարներու կիրարկումը, թիկունք կանգնող պատճառաբանութիւնները, կամ՝ նիւթին գործնական արժէքը վեր հանել։ Դիտարան–ի Ուսումնասիրութեան վարիչը կ’աշխատի ամէն մէկուն մէջ արթնցնել մասնակցելու փափաքը, քաջալերելով որ անհատապէս կամ ընտանեօք պատրաստուին ասոր համար։

⁵ Որպէս ‘Եհովայէ սորված որդիներ’ կը գնահատենք մեզի տրուած ‘տղամարդիկը որպէս պարգեւներ’, որպիսին է Դիտարան–ի Ուսումնասիրութեան վարիչը, որ ծանր «կ’աշխատի» սորվեցնելու համար։—Եսայ. 54։13. Եփ. 4։8, 11. ՆԱ. Ա. Տիմ. 5։17