Ընտանիքի Անդամները Ի՛նչ Ընելով Լիովին Համագործակցած կ’Ըլլան—Ժողովքային Հանդիպումներուն Համար
1 Քրիստոնեայ ընտանիքներ պէտք է ուշադրութիւն ընծայեն մէկտեղ ժողվուելու պատուէրին։ (Եբր. 10։24, 25) Լաւ համագործակցութիւնը բոլորին կ’օգնէ որ ժողովներու լաւ կերպով պատրաստուին, ներկայ ըլլան եւ մասնակցութիւն բերեն։ Ընտանեկան պարագաները կրնան տարբերիլ, սակայն հոգեւոր հարցերու մէջ կան բաներ զորս Քրիստոնեայ ամուսին մը, հաւատացեալ կին մը, կամ առանձին ծնող մը կրնան ընել, ընտանեկան միասնականութեան նպաստելու համար, տան մէջ քանի՛ զաւակ ալ ըլլայ եւ ի՛նչ որ ալ ըլլայ անոնց տարիքը։—Առ. 1։8
2 Պատրաստուելու Ժամանակ Յատկացուցէք. Ընտանիքի անդամները կը համագործակցին, որպէսզի ժողովքային հանդիպումներուն համար ամէն անհատ պատշաճ կերպով պատրաստուած ըլլայ։ Շատեր միասնաբար՝ Դիտարան–ի շաբաթական Ուսումնասիրութեան յօդուածը նկատի կ’առնեն։ Ուրիշներ Ժողովքի Գրքի Ուսումնասիրութիւնը կը պատրաստեն, կամ միասնաբար Աստուածաշունչի շաբաթական ընթերցանութիւնը կ’ընեն։ Նպատակը՝ ժողովի մը ներկայ ըլլալէ առաջ, գլխաւոր կէտերէն տեղեակ ըլլալն է։ Այս կերպով, բոլորն ալ իրենց լսած բաներէն առաւելապէս պիտի օգտուին եւ երբ պատեհութիւնը ներկայանայ, պատրաստ պիտի ըլլան մասնակցելու։—Ա. Տիմ. 4։15
3 Ծրագրեցէք Մասնակցութիւն Բերել. Ընտանիքի իւրաքանչիւր անդամի նպատակակէտը պէտք է ըլլայ, ուրիշներու ներկայութեամբ իր հաւատքը յայտարարել, ժողովի ընթացքին պատասխաններ տալով։ (Եբր. 10։23) Արդեօք այս ուղղութեամբ ընտանիքի անդամներէն մէկը օգնութեան կամ քաջալերութեան կարիքը ունի՞։ Անոնցմէ իւրաքանչիւրը Աստուածպետական Ծառայութեան Դպրոցին մէջ իր նշանակումները պատրաստելու մէջ ի՞նչպիսի օգնութեան կարիքը ունի։ Կիներ կը գնահատեն, երբ ամուսիններ հետաքրքրութիւն ցոյց տան, թերեւս յարմար օրինակ մը կամ ներկայացման կերպ մը գործածելու համար գաղափար մը տալով։ Ծնողներ իրենց զաւակներուն բաժիններ պատրաստելու պարտաւորուած պէտք չէ զգան. այսպէս ընելով զաւակներուն նախաձեռնութիւնը կը կասեցնեն։ Բայց ծնողներ կրնան օգնել իրենց զաւակներուն եւ մտիկ ընել անոնց, մինչ բարձրաձայն փորձեր կ’ընեն։—Եփ. 6։4
4 Կազմակերպուեցէք Ներկայ Ըլլալու. Իրենց մատղաշ տարիքէն, երախաներու պէտք է սորվեցնել որ հագուին եւ որոշուած ժամուն պատրաստ ըլլան ժողովի երթալու։ Ընտանիքի անդամներ պէտք է համագործակցին առտնին գործերու հոգ տանելու մէջ, որպէսզի ուշացում չըլլայ։—Տես՝ Ընտանիք գրքին 112–րդ էջը, եւ Երիտասարդները կը Հարցնեն գրքին 316-317–րդ էջերու թելադրութիւնները։
5 Ծնողներ եւ երախաներ կրնան վաղեմի Յեսուի խօսքերուն մասին մտածել, որ ըսաւ. «Ես ու իմ տունս Եհովան պիտի պաշտենք»։ Ուստի վճռեցէք ժողովքային հանդիպումներուն համար լիովին համագործակցիլ։—Յես. 24։15