Բժշկութիւնը կը Դիմագրաւէ Արիւն Չգործածելու Մարտահրաւէրը Պատկերիզը Պէտք Է Դիտէք
Անարիւն դարմանումի մարզին մէջ մատչելի փոխընտրութիւններուն մասին որքա՞ն տեղեակ էք։ Կը հասկնա՞ք ներարկման կարգ մը փոխընտրութիւնները ի՛նչ են եւ ի՛նչպէս ի գործ կը դրուին։ Այս պատկերիզը դիտեցէք եւ քննեցէք ձեր գիտութիւնը հետեւեալ հարցումներով։—Նշմար. Քանի որ պատկերիզը վիրաբուժական հակիրճ տեսարաններ կը պարփակէ, իրենց փոքր երախաներուն հետ զայն դիտելու համար ծնողներ պէտք է խոհականութիւն գործածեն։
(1) Եհովայի Վկաները ո՞ր գլխաւոր պատճառով կը մերժեն արեան ներարկումները, եւ այդ սկզբունքը Աստուածաշունչին մէջ ո՞ւր կը գտնուի։ (2) Ի՞նչպիսի բժշկական խնամք կը փափաքինք։ (3) Հիւանդները հիմնական ի՞նչ իրաւունք մը ունին։ (4) Արեան ներարկումները մերժելը ինչո՞ւ տրամաբանական ու պատասխանատու քայլ մըն է։ (5) Երբ մեծ քանակով արիւն կը կորսուի, բժիշկները ի՞նչ երկու ստիպողական առաջնահերթութիւն ունին։ (6) Արեան ներարկման հետ առողջապահական ի՞նչ վտանգներ առնչուած են։ (7) Վիրահատութեան ընթացքին արիւնահոսութիւնը նուազեցնելու համար վիրաբուժներուն ձեռնտու եղող կարգ մը գործիքները ի՞նչ են։ (8) Ներարկման փոխընտրութեան առնչութեամբ ի՞նչ բանի մասին պէտք է ուզէք տեղեակ ըլլալ։ (9) Կարելի՞ է լուրջ եւ խրթին վիրահատութիւններ կատարել, առանց արեան ներարկումներու։ (10) Հետզհետէ աւելցող թիւով բժիշկներ Եհովայի Վկաներուն համար ի՞նչ ընելու պատրաստ են, եւ ժամանակի ընթացքին, բոլոր հիւանդները խնամելու չափանիշը ի՞նչ կրնայ ըլլալ։
Անկասկած օգտակար պիտի ըլլայ Արիւն Չգործածել խորագրով այս պատկերիզը դիտել Աստուածաշունչի աշակերտներուն, Վկայ չեղող կողակիցներու կամ ազգականներու, գործակիցներու, ուսուցիչներու եւ դասընկերներու հետ, որոնք կրնան արեան նկատմամբ մեր կեցուածքին մասին հարցումներ յարուցանել։ Պատկերիզին մէջ ներկայացուած դարմանումի որեւէ կերպ ընդունիլը անհատական ու խղճի ձգուած որոշում մըն է։—Տես՝ «Հարցումներ Ընթերցողներէն», Դիտարան 15 Յունիս եւ 15 Հոկտեմբեր 2000 թիւերուն մէջ։