Բժշկութիւնը կը Դիմագրաւէ Արիւն Չգործածելու Մարտահրաւէրը Խորագրով Տեսաերիզէն Օգտուիր
Ո՞րքան գիտես թէ ի՛նչ ընտրութիւններ մատչելի են անարիւն բժշկութեան մարզին մէջ։ Գիտե՞ս կարգ մը ներարկումի փոխընտրութիւններ եւ անոնց գործելակերպը։ Այս տեսաերիզը դիտէ եւ փորձէ հետեւեալ հարցումներուն պատասխանել։—Նշմար. Քանի որ տեսաերիզը վիրաբուժական կարճ տեսարաններ կը պարփակէ, ծնողները պէտք է որոշեն թէ իրենց երախաները զայն դիտե՛ն կամ ոչ։
(1) Եհովայի Վկաները ի՞նչ գլխաւոր պատճառով կը մերժեն արեան ներարկումը, եւ այս սկզբունքը Աստուածաշունչին մէջ ո՞ւր կը գտնուի։ (2) Բժշկական խնամքի նկատմամբ ի՞նչ կը փափաքինք։ (3) Հիւանդները ի՞նչ հիմնական իրաւունք ունին։ (4) Արեան ներարկում մերժելը ինչո՞ւ տրամաբանական ու խոհեմութիւն է։ (5) Երբ շատ արիւն կորսուի, բժիշկները նախ կը ջանան ի՞նչ երկու բաներ ընել։ (6) Առողջապահական ի՞նչ վտանգներ առնչուած են արեան ներարկման։ (7) Վիրաբոյժները ի՞նչ գործիքներ կրնան գործածել, որպէսզի վիրաբուժութեան ընթացքին արեան կորուստը նուազեցնեն։ (8) Որեւէ ներարկումի փոխընտրութեան նկատմամբ, ի՞նչ պէտք է ուզես գիտնալ։ (9) Վտանգաւոր ու բարդ վիրաբուժութիւններ կարելի՞ է կատարել առանց արեան ներարկման։ (10) Հետզհետէ աւելցող թիւով բժիշկներ յօժար են ի՞նչ ընելու Եհովայի Վկաներուն համար, եւ ի վերջոյ բոլոր հիւանդներուն համար խնամքի չափանիշը ի՞նչ կրնայ ըլլալ։
Տեսաերիզին մէջ ներկայացուած որեւէ դարմանում ընդունիլը անհատական ու խղճի ձգուած որոշում է։—Տես՝ Դիտարան 1 Յուլիս 2004, էջ 16-18 եւ Դիտարան 15 Հոկտեմբեր 2000, էջ 30-31։