Նոր Կարգադրութիւն՝ Համաժողովներու Յայտագիրները Վերաքաղ Ընելու Համար
Մինչ Սատանայի աշխարհը կը շարունակէ օրըստօրէ վատթարանալ, Եհովա մեզ կ’ամրացնէ՝ «որպէս զի ամբարշտութիւնն ու աշխարհային ցանկութիւնները ուրանանք եւ զգաստութիւնով ու արդարութիւնով եւ բարեպաշտութիւնով ապրինք այս աշխարհի մէջ»։ (Տիտ. 2։12) «Հաւատարիմ ու իմաստուն ծառայ»ին միջոցով իր ըրած կարգադրութիւններուն մէջ կան տարեկան շրջանային ու միօրեայ մասնաւոր համաժողովները։ (Մատթ. 24։45) Այս հոգեւոր հաւաքոյթները որքա՜ն կը զօրացնեն մեզ։
Հայթայթուած ցուցմունքները մտաբերելու եւ գործադրելու համար, այս համաժողովներու յայտագիրները վերաքաղ ընելու նոր կարգադրութիւն մը պիտի գործածուի 2005 ծառայութեան տարուան ընթացքին։ Այս յաւելուածականին 5 եւ 6–րդ էջերը կը պարունակեն յօդուածներ, որոնք յայտագիրներուն մասին գաղափար մը կու տան եւ վերաքաղի հարցումներ կը հայթայթեն։ Ժողովքը այս տեղեկութիւնները նկատի պիտի առնէ Ծառայութեան Ժողովին, համաժողովին ներկայ գտնուելէն քիչ առաջ եւ ետք։ Ի՞նչպէս։
Ժողովքը շրջանային համաժողովին ներկայ գտնուելէն մէկ կամ երկու շաբաթ առաջ, «Շրջանային Համաժողովի Նոր Յայտագիր» յօդուածին հիման վրայ տասը վայրկեան տեւող դասախօսութիւն մը պիտի ներկայացուի Ծառայութեան Ժողովին մէջ, յայտագրին հանդէպ հետաքրքրութիւն արթնցնելու համար։ Դասախօսը նաեւ ուշադրութեան պիտի յանձնէ վերաքաղի հարցումները եւ բոլորը պիտի քաջալերէ որ նոթեր առնեն, առ ի պատրաստութիւն հետագայ վերաքաղին։
Համաժողովէն քանի մը շաբաթ ետք, համաժողովի յայտագրին առաջին օրուան մասին 15 վայրկեան տեւող վերաքաղ մը պիտի պարփակուի Ծառայութեան Ժողովին մէջ։ Իսկ յաջորդ շաբաթը 15 վայրկեան պիտի տրամադրուի՝ յայտագրին երկրորդ օրը վերաքաղ ընելու համար։ Քննարկումները պիտի հիմնուին այս յաւելուածականին մէջ հայթայթուած վերաքաղի հարցումներուն վրայ։ Վերաքաղը պէտք է ցցուն դարձնէ տեղեկութիւններուն գործնական արժէքը։ Վերաքաղի բաժինները յայտագրելու համար, երէցները կրնան Ծառայութեան Ժողովին միւս նիւթերը համառօտել, ջնջել կամ յետաձգել։
Նոյն կերպով միօրեայ մասնաւոր համաժողովի ամբողջ յայտագիրը վերաքաղ պիտի ընենք, կարգադրելով 15 վայրկեան տեւող մէկ բաժին։ Բոլորս այս յաւելուածականը պահենք ու գործածենք, Եհովայի հայթայթած ընտիր ցուցմունքներէն լիովին օգտուելու համար։—Եսայ. 48։17, 18