Յիշատակատօնի հրաւիրագիրներուն բաշխումը ապրիլ 2–ին կը սկսի

1. Այս տարի Յիշատակատօնի հրաւիրագիրները ե՞րբ պիտի բաշխենք, եւ այս տարեկան արշաւին արժէքը ի՞նչ է։

¹ Ապրիլ 2–էն մինչեւ ապրիլ 17, հրաւիրագիրներ պիտի բաժնենք, մարդիկը հրաւիրելով տարուան ամենակարեւոր իրադարձութեան,– Քրիստոսի մահուան Յիշատակատօնը։ Անցեալին, հետաքրքրուած շատ մը անհատներ այս տարեկան արշաւին ընդառաջեցին։ Օրինակի համար, Յիշատակատօնին օրը, կին մը մասնաճիւղին հեռաձայնեց եւ ըսաւ. «Ես հիմա տուն եկայ, ու դրան տակ հրաւիրագիր մը տեսայ։ Կ’ուզեմ երթալ, բայց ժամանակէն վստահ չեմ»։ Եղբայրը բացատրեց թէ հրաւիրագրին վրայ ո՛ւր նշուած է ժամանակը։ Կինը իր խօսակցութիւնը եզրափակեց, խոստանալով. «Այս երեկոյ ձեր հանդիպումին ներկայ պիտի ըլլամ»։

2. Ի՞նչ կրնանք ըսել երբ հրաւիրագիրը կը ներկայացնենք։

² Ինչպէ՛ս պիտի բաշխենք։ Որովհետեւ թաղամասը ծածկելու սահմանափակ ժամանակ ունինք, լաւագոյն բանն է՝ հակիրճօրէն խօսիլ։ Կրնանք ըսել. «Բարեւ։ Կ’ուզենք այս հրաւիրագիրով ձեր ընտանիքը կարեւոր տարեկան տօնակատարութեան մը հրաւիրել, որ համայն աշխարհի մէջ տեղի պիտի ունենայ կիրակի, ապրիլ 17–ին։ [Հրաւիրագիրը տանտիրոջ տուր։] Ասիկա Յիսուսի մահը յիշատակելու թուականն է։ Ձրիաբար, աստուածաշնչական դասախօսութիւն մը պիտի տրուի, որ կը բացատրէ թէ ինչպէ՛ս կրնանք Քրիստոսի փրկանքէն օգտուիլ։ Այս հրաւիրագիրը մեր շրջանին մէջ կայանալիք ժողովին վայրն ու ժամը կը նշէ»։

3. Ինչպէ՞ս կրնանք կարելի եղածին չափ շատ անհատներ հրաւիրել։

³ Եթէ ժողովքին թաղամասը մեծ է, թերեւս երէցները քեզի թելադրեն որ տունը չեղողներուն համար դնես հրաւիրագիրը այնպիսի տեղ մը, որ անցորդները բոլորովին զայն չեն տեսներ։ Վստահ եղիր որ հրաւիրես վերայցելութիւններդ, ազգականներդ, գործակիցներդ, դպրոցակիցներդ եւ այլ ծանօթներ։ Շաբաթավերջերուն, այս բաշխումին մասնակցելու ատեն պարբերաթերթերը առաջարկէ՝ երբոր կարելի է։ Արդեօք կրնա՞ս ապրիլի ընթացքին օժանդակ ռահվիրայութիւն ընել եւ այս բերկրալի արշաւին մէջ աւելի մեծ բաժին բերել։

4. Ինչո՞ւ կը փափաքինք որ հետաքրքրուած անհատներ Յիշատակատօնին ներկայ գտնուին։

⁴ Հետաքրքրուած հանդիսականները ի՜նչ զօրաւոր վկայութիւն մը պիտի ստանան։ Անոնք փրկանքը հայթայթելու նկատմամբ Եհովայի մեծ սիրոյն մասին պիտի լսեն (Յովհ. 3։16)։ Անոնք պիտի սորվին թէ Աստուծոյ Թագաւորութիւնը ինչպէ՛ս մարդկութեան պիտի օգտէ (Եսա. 65։21-23)։ Անոնց նաեւ հրաւէր պիտի տրուի, որ հիւրընկալներուն մօտենան եւ աստուածաշնչական ուսումնասիրութիւն մը խնդրեն՝ աւելին սորվելու համար։ Կ’աղօթենք որ շատ մը պարկեշտամիտ անհատներ ընդառաջեն այս արշաւին եւ մեզի հետ Յիշատակատօնին ներկայ գտնուին։