Պատանիները կը հարցնեն. կեանքս ի՞նչ կերպով գործածեմ (մաս 2)
Պատանիները կը հարցնեն. կեանքս ի՞նչ կերպով գործածեմ տեսասկաւառակին գլխաւոր ցուցակէն մտիր Տեսակցութիւններ բաժինը եւ հոնկէ ընտրէ Հատուածներ մասը։ Երեք հատուածները դիտելէ ետք, վերաքաղի համար գործածէ 2–րդ պարբերութեան հարցումները։ Ետքը վերադարձիր գլխաւոր ցուցակը եւ ընտրէ Յաւելեալ տեղեկութիւններ բաժինը։ Յաւելեալ հինգ տեսակցութիւնները դիտելէ ետք, վերաքաղի համար գործածէ 3–րդ պարբերութեան հարցումները։
Հատուածներ։ Նուիրուիլ ունայն հետապնդումներու թէ Աստուծոյ. 1) պատանիներուն վրայ ճնշում կը բանեցուի որ ի՞նչ նպատակակէտեր հետապնդեն, 2) Ա. Յովհաննէս 2։17–ն ինչպէ՞ս կրնայ օգնել պատանիներուն որոշելու, թէ ո՛ր տարողութեամբ աշխարհիկ ուսում պիտի ստանան, 3) ինչո՞ւ պէտք չէ թոյլ տանք, որ վախը մեզ ետ պահէ մկրտուելէ, 4) ի՞նչ բաներ կրնան մեզի օգնել մկրտութեան հասնելու։ Ինչպէ՛ս կրնաս ծառայութենէդ հաճոյք առնել. 5) ոմանք ինչո՞ւ ծառայութենէն հաճոյք չեն առներ, 6) ի՞նչ բաներ կրնան մեզի օգնել, 7) ոմանք օտարի մը հետ խօսելէ աւելի, ի՞նչ բանէ կը վախնան, եւ ինչո՞ւ, 8) ինչպէ՞ս կրնանք մեր վախը փարատել եւ խօսելու համարձակութիւն զարգացնել, 9) ինչո՞ւ նաեւ կարեւոր է ծառայութեան մէջ որոշ չափով կարողութիւն զարգացնել։ Ծառայութեան համար բացուած դուռ. 10) ռահվիրայութիւնը ի՞նչ բազմաթիւ պատեհութիւններ կու տայ հոգեւորապէս յառաջդիմելու համար (Փլպ. 3։16), 11) ոմանք ինչո՞ւ կը վարանին ռահվիրայութեան ձեռնարկելու, 12) Աստուածաշունչի ո՞ր սկզբունքները կրնան մեզի օգնել՝ նիւթական մտահոգութիւնները յաղթահարելու, 13) ոմանք ի՞նչ ըրած են, որպէսզի իրենց նիւթականը ապահովեն՝ մինչ ռահվիրայութեան կը մասնակցին, 14) ի՞նչ կարելի է ընել, եթէ անհատի մը պարագաները չեն ներեր լիաժամ ծառայութեան ձեռնարկելու։
Յաւելեալ տեղեկութիւններ։ Անձնական ուսումնասիրութեան արժէքը. 15) կանոնաւոր անձնական ուսումնասիրութիւն ունենալը ինչո՞ւ կարեւոր է։ Վկայութեան տարբեր տեսակներ (այժմ կը կոչուի հանրային վկայութիւն). 16) ծառայութեան տարբեր տեսակներու մասնակցիլը ինչպէ՞ս մեր ուրախութիւնը կ’աւելցնէ։ Բեթէլի ծառայութիւն. 17) Բեթէլի ծառայութեան պատճառած ուրախութիւններէն ոմանք ի՞նչ են։ Ծառաներու մարզումի դպրոց. 18) ի՞նչ օգուտներ քաղած են անոնք, որոնք յաճախած են այս դպրոցը (այժմ կը կոչուի Ամուրի եղբայրներու աստուածաշնչական դպրոց)։ Գաղաադի միսիոնարական մարզում. 19) Փիթըրն ու Ֆիոնան ինչպէ՞ս պատրաստուեցան միսիոնարական գործունէութեան համար, եւ ինչպէ՞ս օգտուեցան Գաղաադի դպրոցէն։