Ներկայացումի նմոյշներ
Դեկտեմբեր ամսուան առաջին շաբաթ օրը՝ Աստուածաշունչի ուսումնասիրութիւններ սկսելու համար
«Մարդոց մեծամասնութիւնը լաւ կառավարութիւն մը ունենալով հետաքրքրուած է։ Ձեր կարծիքով, ինչպիսի՞ կառավարութիւն կարող պիտի ըլլար մարդկութեան խնդիրները լուծելու։ [Թոյլ տուր որ պատասխանէ։] Նկատեցէք թէ հոս ի՛նչ կ’ըսէ»։ Դիտարան–ի 1 դեկտեմբեր թիւը տանտիրոջ տուր, ու միասնաբար նկատի առէք էջ 10–ի առաջին ենթավերնագրին նիւթը եւ առնուազն նշուած համար մը։ Պարբերաթերթերը առաջարկէ եւ յաջորդ հարցումը քննարկելու համար՝ վերադառնալու կարգադրութիւն ըրէ։
Դիտարան 1 դեկտեմբեր
«Կ’ուզենք ձեր կարծիքը առնել։ Եթէ ձեզի առիթ տրուէր որ Աստուծոյ միայն մէկ հարցում ուղղէիք, ի՞նչ կը հարցնէիք։ [Թոյլ տուր որ պատասխանէ։] Ըստ Յիսուսի խօսքերուն, մեր անկեղծ հարցումներուն պատասխանները փնտռելը՝ պատշաճ է։ [Կարդա՛ Մատթէոս 7։7։] Այս պարբերաթերթը կը նշէ, թէ Աստուածաշունչը ի՛նչ կը պատասխանէ այս երեք կարեւոր հարցումներուն»։ Տանտիրոջ ցուցուր էջ 3–ի վերջաւորութեան նշուած հարցումները։
Զարթի՛ր դեկտեմբեր
«Մենք մարդոց կ’այցելենք, քանի որ շատեր ճնշուած կը զգան։ Կը խորհի՞ք թէ այս օրերուն, մարդիկ աւելի դիւրագրգիռ դարձած են։ [Թոյլ տուր որ պատասխանէ։] Ոմանք կը հաւատան, թէ մենք կ’ապրինք այն ջղագրգիռ ժամանակին մէջ, որուն մասին մարգարէացուած է Բ. Տիմոթէոս 3։1–ի մէջ։ [Կարդա՛։] Այս պարբերաթերթը կը բացատրէ թէ անհամբեր ըլլալը ինչո՛ւ վնասակար է. նաեւ թելադրութիւններ կու տայ, թէ ինչպէ՛ս կարելի է աւելի համբերատար ըլլալ»։