Թագաւորութեան լուրեր թիւ 38 թերթիկը պիտի բաշխուի նոյեմբերին
1. Մարդիկ մեռելներուն մասին ի՞նչ հարցումներ ունին, եւ այս հարցումները ինչպէ՞ս պիտի պատասխանուին նոյեմբերին։
1 Բոլոր մարդիկ, ի՛նչ բանի ալ հաւատան, մահը թշնամի կը սեպեն (Ա. Կոր. 15։26)։ Շատեր հարց կու տան, թէ մեռելները ո՞ւր են եւ թէ արդեօք անգամ մը եւս պիտի տեսնե՞ն զանոնք։ Ուստի համայն աշխարհի ժողովքները մէկ ամիս տեւողութեամբ պիտի բաշխեն Թագաւորութեան լուրեր թիւ 38 թերթիկը, որուն խորագիրն է՝ «Իրապէս կարելի՞ է որ մեռելները դարձեալ ապրին»։ Այս մասնայատուկ արշաւը պիտի սկսի նոյեմբեր 1–ին։ Արշաւէն ետք, Թագաւորութեան լուրեր թիւ 38 թերթիկը պիտի գործածուի ծառայութեան մէջ որպէս սովորական թերթիկ։
2. Թագաւորութեան լուրեր թիւ 38 թերթիկը ինչպէ՞ս պատրաստուած է։
2 Ինչպէ՛ս պատրաստուած է։ Թագաւորութեան լուրեր թիւ 38 թերթիկը երկայնքին կը ծալլուի այնպիսի կերպով մը, որ երեւի հետաքրքրութիւն արթնցնող խորագիրը եւ «Ի՛նչ կ’ըսես. . . այո՞, ո՞չ, թերե՞ւս» խօսքերը։ Երբ կարդացողը բանայ Թագաւորութեան լուրեր թերթիկը, ան պիտի տեսնէ թէ Աստուածաշունչը ինչպէ՛ս կը պատասխանէ խորագրի հարցումին, եւ թէ Աստուածաշունչի խոստումը ի՛նչ կրնայ նշանակել իրեն համար։ Ան նաեւ պիտի գտնէ պատճառներ Աստուածաշունչին հաւատալու։ Թագաւորութեան լուրեր թերթիկին վերջին էջին վրայ կայ հետաքրքրաշարժ հարցում մը, որ անհատը կը մղէ մտածելու եւ իրեն առիթ կու տայ աւելին սորվելու։
3. Թագաւորութեան լուրեր թիւ 38 թերթիկը ինչպէ՞ս պիտի բաշխուի։
3 Ինչպէ՛ս պիտի բաշխուի։ Այս արշաւը պիտի նմանի Յիշատակատօնի եւ նահանգային համաժողովներու հրաւիրագիրներ բաշխելու արշաւներուն։ Երէցները ժողովքի թաղամասը ծածկելու առնչութեամբ ուղղութիւն պիտի տան, հիմնուելով իրենց ստացած 1 ապրիլ 2013 թուակիր նամակին վրայ։ Պզտիկ թաղամաս ունեցող ժողովքները կրնան օգնութեան ձեռք տալ աւելի մեծ թաղամաս ունեցող մօտակայ ժողովքներուն։ Երբ Թագաւորութեան լուրեր թիւ 38 թերթիկէն օրինակներ կ’առնես, վերցուր այն ինչ որ քեզի պէտք է միայն մէկ շաբթուան համար։ Արշաւի ընթացքին, եթէ դռնէ դուռ ծառայութեամբ բոլոր թաղամասերը ծածկուին, թերթիկը կարելի է բաշխել հանրային վկայութեամբ։ Եթէ բոլոր օրինակներն ալ բաշխուին ամիսը լրանալէն առաջ, այդ ամսուան ներկայացուելիք հրատարակութիւնները պէտք է առաջարկուին։ Առաջին շաբաթ օրը պիտի կեդրոնանանք մասնայատուկ արշաւին վրայ՝ եւ ոչ թէ Աստուածաշունչի ուսումնասիրութիւններ սկսելուն վրայ։ Շաբաթավերջերուն, եթէ յարմար է, պէտք է նաեւ պարբերաթերթերը ներկայացնենք։ Կարգադրութիւններ կ’ընե՞ս այս մասնայատուկ արշաւին լիովին մասնակցելու համար։