1914–ին առնչութեամբ մեր հաւատալիքները բացատրել

Աստուածաշունչը մեզ կը քաջալերէ, որ ‘պատրա՛ստ ըլլանք հեզութեամբ ու երկիւղածութեամբ պատասխան տալու’ մեր հաւատալիքներուն մասին (Ա. Պետ. 3։15)։ Կրնայ ըլլալ որ մեզի համար մարտահրաւէր ըլլայ Աստուածաշունչի խոր ճշմարտութիւնները բացատրել. օրինակ՝ երբ մեզի հարցուի թէ ինչպէ՛ս գիտենք որ Թագաւորութիւնը սկսաւ իշխել 1914–ին։ Մեզի օգնելու համար, պատրաստուած է երկու մասէ բաղկացած յօդուածաշարք մը՝ «Զրոյց աստուածաշնչական նիւթի մը շուրջ. Աստուծոյ Թագաւորութիւնը ե՞րբ սկսաւ իշխել» խորագրով։ Այս յօդուածները կ’երեւին Դիտարան–ի հանրամատչելի հրատարակութեան՝ հոկտեմբեր եւ նոյեմբեր թիւերուն մէջ։ Մինչ այս յօդուածները կը քննես, հրատարակիչին՝ Կրէկին՝ մօտեցումին նկատմամբ հետեւեալ հարցումները նկատի առ։

Կրէկ ինչպէ՞ս. . .

• տանտէրը գովեց՝ հասարակաց գետին մը հաստատելու համար (Գործք 17։22)։

• խոնարհութիւն ցուցաբերեց՝ երբ իր հաւատալիքները կը բացատրէր (Գործք 14։14)։

Ինչո՞ւ լաւ էր որ Կրէկ. . .

• ատեն–ատեն իր ըսածները ամփոփէր, յաւելեալ կէտերու անցնելէ առաջ։

• ատեն–ատեն կենար եւ տանտիրոջ հարցնէր, թէ արդեօք բացատրութիւնը կը հասկնա՛ր։

• չփորձեց շա՜տ տեղեկութիւններ փոխանցել մէկ նիստի մէջ (Յովհ. 16։12)։

Որքա՜ն երախտապարտ ենք Եհովային, մեր «Մեծ Ուսուցիչ»ին, որ մեզի կը սորվեցնէ ինչպէ՛ս բացատրել Աստուածաշունչի խոր ճշմարտութիւններ բոլոր անոնց՝ որոնք ատոնց կը տենչան (Եսա. 30։20, ՆԱ)։