Ծառայութեան մէջ հմտութիւնդ բարելաւէ. Ճկուն ըլլալ

ԻՆՉՈ՞Ւ ԿԱՐԵՒՈՐ Է. Օծեալները եւ ուրիշ ոչխարները ամէն տեսակի մարդիկ կը հրաւիրեն որ ‘կենաց ջուրը ձրի առնեն’ (Յայտ. 22։17)։ Այս խորհրդանշական ջուրը կը ներկայացնէ բոլոր այն կարգադրութիւնները որ Եհովան ըրած է, որպէսզի մարդիկը ազատէ մեղքէն ու մահէն։ Տարբեր–տարբեր սովորութիւններ եւ կրօնական հաւատալիքներ ունեցող անհատներու օգնելու համար, պէտք է «յաւիտենական աւետիսը» ներկայացնենք այնպէս մը՝ որ հետաքրքրէ զանոնք (Յայտ. 14։6)։

ԻՆՉՊԷ՞Ս ՃԿՈՒՆ ԸԼԼԱԼ

• Ընտրէ նիւթ մը եւ համար մը, որ քու թաղամասիդ մարդոց սրտին պիտի հասնի։ Կրնաս բացում մը ընտրել Ժողովի տետրէն, կամ գործածել բացում մը որ յաջողութիւն գտած է։ Ո՞ր նիւթերը եւ համարները ընդունելութիւն կը գտնեն մարդոց կողմէ։ Լուր մը կա՞յ որ մարդիկ ատորմով մտահոգ են։ Տղամարդու մը կամ կնոջ մը ի՞նչ կը հետաքրքրէ։

• Տանտիրոջ բարեւէ այնպէս ինչպէս որ սովորական է թաղամասիդ մէջ, եւ այդտեղի սովորութիւններուն հետեւէ (Բ. Կոր. 6։3, 4)։

• Գաղափար ունեցիր թէ մեր Ուսուցանելու գործիքներու տուփին մէջ ինչ հրատարակութիւններ եւ վիտէօներ կան եւ ատոնք ի՛նչ նիւթերու մասին կը խօսին, որպէսզի հետաքրքրուող անհատի մը ցուցնես զանոնք։

• Բեռնէ հրատարակութիւններ եւ վիտէօներ այն մարդոց լեզուներով, որ կրնայ ըլլալ որ թաղամասիդ մէջ հանդիպիս։

• Տանտէրին պէտքերուն համաձայն նիւթդ փոխէ (Ա. Կոր. 9։19-23)։ Օրինակ, ի՞նչ կ’ըսես տանտէրին եթէ տեղեկանաս որ վերջերս ան մահ ունեցած է։

ԴԻՏԷ ՎԻՏԷՈՆ ԵՒ ԵՏՔԸ ՊԱՏԱՍԽԱՆԷ ԱՅՍ ՀԱՐՑՈՒՄՆԵՐՈՒՆ

• Հրատարակիչը ի՞նչ նիւթ սկսաւ խօսիլ տանտիրոջ հետ։

• Տանտիրոջ հետ ի՞նչ կը պատահէր։

• Ո՞ր համարը յարմար էր այս պարագային, եւ ինչո՞ւ։

• Բացումդ ինչպէ՞ս կը յարմարցնես թաղամասիդ մարդոց։