Ihe A Ga-ekwu Banyere Magazin Ndị Ahụ

Ụlọ Nche Jan. 15

“Ọtụtụ ndị na-eji ihe oyiyi eme ihe n’ofufe ha. Ì chere na ihe ndị dị otú ahụ nwere ike nzọpụta? [Nye ohere maka nzaghachi.] Biko rịba ama ihe ezi Chineke ahụ ga-emere anyị. [Gụọ Mkpughe 21:3, 4.] Ọ bụ nanị Chi nke bụ́ ezie pụrụ imezu ya. Magazin a na-egosi onye ọ bụ na otú anyị pụrụ isi rite uru site n’ịtụkwasị ya obi.”

Teta! Feb. 8

“O nwere ike ọ gaghị adị anyị ka ihe na anyị nwere ebe obibi. Ma n’ụwa nile ọtụtụ nde ndị gbara ọsọ ndụ na-agagharị, n’achọtaghị nchebe ha na-achọ. Teta! na-enyocha ihe mere nsogbu a ji dịrị nakwa nkwa Bible bụ́ na otu ụbọchị onye ọ bụla ga-enwe ebe obibi nke ya.”

Ụlọ Nche Feb. 1

“A na-enwe nchegbu dị ukwuu banyere mmetọ gburugburu ebe obibi. Ma ì chetụwo echiche banyere mmetọ nke uche? [Nye ohere maka nzaghachi.] Bible na-emesi ike mkpa ịdị ọcha ma n’anụ ahụ́ ma n’ụzọ ime mmụọ dị. [Gụọ 2 Ndị Kọrint 7:1.] Eji m n’aka na ihe ọmụma a ga-abara gị uru.”

Teta! Feb. 8

“Obi abụọ adịghị ya na ị hụwo na ọ bụ ezie na alụmdi na nwunye na-amalitekarị n’ụzọ obi ụtọ, ọtụtụ na-etisa. Ọ ga-amasị m ịhapụrụ gị mbipụta Teta! a, ebe ọ na-atụle echiche Bible banyere ụzọ isi mee ka alụmdi na nwunye bụrụ nke na-adịgide adịgide na nke obi ụtọ.”