Ebe ndị nkwusa na-ezi ozi ọma n’ebe dị nso na Monrovia, Laịberịa

Ihe Gị na Mmadụ Nwere Ike Ikwurịta

●○○ MKPARỊTA ỤKA NKE MBỤ

Ajụjụ: Baịbụl ọ̀ ka bara uru taa?

Amaokwu Baịbụl: 2 Tim. 3:16

Ajụjụ A Ga-aza n’Oge Ọzọ: Gịnị ka Baịbụl na-ekwu?

○●○ NLETAGHACHI NKE MBỤ

Ajụjụ: Gịnị ka Baịbụl na-ekwu?

Amaokwu Baịbụl: Mat. 6:10

Ajụjụ A Ga-aza n’Oge Ọzọ: Gịnị ka Alaeze Chineke ga-emere anyị?

○○● NLETAGHACHI NKE ABỤỌ

Ajụjụ: Gịnị ka Alaeze Chineke ga-eme?

Amaokwu Baịbụl: Dan. 2:44

Ajụjụ A Ga-aza n’Oge Ọzọ: Olee otú ụwa ga-adị mgbe ahụ?

Malite n’ọnwa a, ọmụmụ ihe etiti izu anyị agaghịzi na-enwe ihe atọ dị iche iche mmadụ nwere ike ikwu n’ozi ọma. Kama, Usoro Ihe Omume Ozi Anyị na Otú Anyị Si Ebi Ndụ ga na-enwezi “Ihe Gị na Mmadụ Nwere Ike Ikwurịta.” Ihe ga-adị ebe ahụ bụ ajụjụ e ji amalite mkparịta ụka, amaokwu Baịbụl na ajụjụ a ga-aza n’oge ọzọ nke ga-eme ka e nwee ike ịgara mmadụ nletaghachi. A ga na-akpọnyezi naanị otu vidio na-egosi otú e si ezi ozi ọma kwa izu. Onye nkwusa nke ọ bụla nwere ike ikpebi akwụkwọ nke ọ chọrọ iji bidoro mmadu ọmụmụ ihe, kpebiekwa ma hà ga-ebido ịmu ya ná mkparịta ụka nke mbụ ma ọ bụkwanụ ná nletaghachi. A ga-enwekwa ihe abụọ anyị na mmadụ nwere ike ikwurịta n’ozi ọma. Ihe a ga-enyere anyị aka ịkụziri “ndị niile nwere ezi obi maka inweta ndụ ebighị ebi” ihe.—Ọrụ 13:48.

Maka ihe omume ụmụ akwụkwọ: Nwa akwụkwọ kwesịrị iji ihe dị n’ebe e dere “Ihe Gị na Mmadụ Nwere Ike Ikwurịta” mee ihe omume ya, ọ gwụkwala ma a gwara ya mee ihe ọzọ.