Akwụsịla Ịna-enye Ndị Mmadụ Magazin

Kemgbe afọ 2018, Ụlọ Nche ọhaneze na Teta! anyị nke ọ bụla na-ekwu gbasara otu isiokwu. Magazin anyị ndị a so n’Ihe Ndị Anyị Ji Akụziri Ndị Mmadụ Ihe. N’ihi ya, anyị nwere ike ịna-enye ha ndị mmadụ n’ozi ọma. Anyị mewe njem ma ọ bụkwanụ na-aga ahịa, anyị nwere ike iwere ụfọdụ n’ime ha anyị nwere ike inye ndị mmadụ. Anyị anaghị eji magazin ndị a eduziri ndị mmadụ ọmụmụ Baịbụl, kama a haziri ha ka ha mee ka ndị mmadụ nwee mmasị ịmụ Baịbụl.

I ziwe mmadụ ozi ọma, gụọrọ ya otu amaokwu Baịbụl ma gwa ya otu isiokwu gbara na magazin anyị nwere ike ịmasị ya. Dị ka ihe atụ, onye ị na-ezi ozi ọma ò nwere ụmụaka, mmadụ ọ̀ nwụnahụrụ ya, ka ò nwere ihe na-echegbu ya? Ọ bụrụ otú ahụ, i nwere ike ịgwa ya, sị: “O nwere isiokwu mara mma m gụrụ kwuru gbasara ya. Ka m gosi gị ya.” Ị chọpụta na o nwere mmasị, i nwere ike inye ya magazin ahụ ma ọ bụkwanụ gị esi n’ekwentị ma ọ bụ ihe yiri ya zigara ya ya. I nwedịrị ike iziga ya n’oge mbụ i ziri ya ozi ọma. Ọ bụ eziokwu na ihe kacha anyị mkpa abụghị inye ndị mmadụ magazin ndị a, ma ọ na-enyere anyị aka ịchọta ndị dị njikere ime ihe ndị ha na-amụta eme.—Ọrụ 13:48.

2018

2019

2020