Ụzọ Iche Ihe n’Ihu Ndị A Tụrụ Aro Ha Maka Bịaruo Jehova Nso

◼ Ka ị na-ejide Bible n’aka, kwuo, sị: “Ọtụtụ mmadụ bụ́ ndị kweere na Chineke ga-achọ ịbịarukwu ya nso. Ị̀ maara na Chineke na-akpọ anyị òkù ka anyị bịaruo ya nso? [Gụọ Jems 4:8.] E bipụtara akwụwọ a iji nyere ndị mmadụ aka ijiri Bible ha bịaruo Chineke nso.” Gụọ paragraf nke 1 na peeji nke 16.

◼ Ka ị na-ejide Bible n’aka, kwuo, sị: “Taa, ikpe na-ezighị ezi juru ebe nile. Ọ bụ nnọọ dị ka e si kọwaa ya n’ebe a. [Gụọ Eklisiastis 8:9b.] Ọtụtụ ndị na-eche ma Chineke ọ̀ na-echetụdị banyere ha. [Gụọ ahịrịokwu abụọ ndị mbụ dị na paragraf nke 4 na peeji nke 119.] Isiakwụkwọ a na-akọwa ihe mere Chineke ji kwere ka ikpe na-ezighị ezi dịgide ruo oge ụfọdụ.”