Ihe I Nwere Ike Ikwu

Ịmalite Ọmụmụ Baịbụl na Satọdee Mbụ n’Ọnwa Mach

“Ọtụtụ ndị na-eme ememme ncheta ọmụmụ Jizọs. Ma, ì chere na ọ dị mkpa ka anyị na-echeta ọnwụ ya?” Chere ka ọ zaa. Nyezie ya Ụlọ Nche Mach 1, gị na ya tụleekwa ihe e kwuru n’ajụjụ nke mbụ dị na peeji nke 16. Unu gbalịakwa gụọ ma ọ́ dịghị ihe ọzọ otu amaokwu Baịbụl e dere ebe ahụ. Unu mechazie, nyekọta ya Ụlọ Nche ahụ na Teta!, gị na ya yiekwa mgbe ị ga-abịaghachi ka unu tụlee ajụjụ nke abụọ.

Ụlọ Nche Mach 1

“E nwere ọtụtụ chọọchị taa, ha niile nwechakwara ihe ha kweere, ha niile anaghịkwa eme otu ihe. Ma, ì chere na ọ bụ onye ọ bụla sị na ya bụ Onye Kraịst bụ Onye Kraịst n’eziokwu? [Chere ka ọ zaa.] Legodị otu n’ime ihe Jizọs sị na e ji ama ezigbote Ndị Kraịst. [Gụọ Jọn 13:34, 35.] Magazin a kwuru ụzọ ihe ise Jizọs kwuru, bụ́ ndị ga-enyere anyị aka ịmata onye bụ́ ezigbo onye na-eso ụzọ Kraịst.”

Teta! Jenụwarị–Mach

“Ọtụtụ ndị ejighị alụmdi na nwunye kpọrọ ihe taa n’ihi na ụwa anyị a anaghị ele ya anya otú Chineke si ele ya. Ị̀ ma ihe kpatara ya? [Chere ka ọ zaa. Gụzie 2 Timoti 3:1-5.] Ọ bụrụ na di na nwunye hụrụ ibe ha n’anya, ha anaghị agba n’èzí, ihe gbasara ibe ha ana-emetụkwa ha n’obi, alụmdi na nwunye ha ga-aga nke ọma. Magazin a kwuru ihe ise ndị ga-eme ka di na nwunye na-ebi n’udo.” Gosi ya isiokwu bidoro na peeji nke 20.