Ihe I Nwere Ike Ikwu

Ịmalite Ọmụmụ Baịbụl na Satọdee Mbụ n’Ọnwa Eprel

“A na-eme ọtụtụ Ndị Kraịst taa baptizim. Ka m jụgodị gị: Ì chere na ọ dị mkpa ka e mee mmadụ baptizim? [Chere ka ọ zaa.] E nwere ihe ụfọdụ dị mkpa e kwuru gbasara okwu a na magazin a.” Nyezie ya Ụlọ Nche Eprel 1, gị na ya tụleekwa ihe e kwuru n’ajụjụ nke mbụ dị na peeji nke 16. Unu gbalịakwa gụọ ma ọ́ dịghị ihe ọzọ otu amaokwu Baịbụl e dere ebe ahụ. Nyekọtazie ya Ụlọ Nche ahụ na Teta!, gị na ya yiekwa mgbe ị ga-abịaghachi ka unu tụlee ajụjụ nke abụọ.

Ụlọ Nche Eprel 1

“E nwere ọtụtụ ihe ndị mmadụ na-ekwu gbasara Jizọs. Ụfọdụ na-asị na ọ bụ Mesaya ahụ Chineke kwere anyị ná nkwa. Ndị ọzọ na-ekwu na ọ bụ naanị ezigbo mmadụ. E nwekwara ndị nke na-ekwu na akụkọ gbasara Jizọs bụ akụkọ ifo. Gịnị ka gịnwa chere? [Chere ka ọ zaa.] Legodị ihe Baịbụl kwuru mere o ji dị mkpa ka anyị mata eziokwu gbasara Jizọs. [Gụọ Jọn 17:3.] Magazin a kwuru ajụjụ ụfọdụ ndị mmadụ na-ajụkarị gbasara Jizọs. O kwukwara ihe Baịbụl kwuru banyere ha.”

Teta! Eprel–Jun

“Inye aka azụ na iri ngarị aghọọla omenala taa. Ọtụtụ ndị anaghịkwa akwụwa aka ọtọ n’ihe ndị ha na-eme. Ụfọdụ ndị na-asị na ọ bụrụ na mmadụ anaghị aghọtụ aghụghọ n’ihe ọ na-eme, ihe agaghị agazichara ya. Olee ihe i chere? [Chere ka ọ zaa.] Legodị ihe Baịbụl kwuru n’okwu a. [Gụọ Ilu 20:17.] Magazin a kwuru uru ọ bara mmadụ ịkwụwa aka ọtọ.”