Ihe I Nwere Ike Ikwu

Ịmalite Ọmụmụ Baịbụl na Satọdee Mbụ n’Ọnwa Mee

“Ì chere na chọọchị na-eme ka ndị mmadụ hụ ibe ha n’anya ka ì chere na ọ na-eme ka ha kpọọ ibe ha asị? [Chere ka ọ zaa.] O nwere ihe magazin a m ji kwuru gbasara ihe a mụ na gị na-ekwu.” Nye ya Ụlọ Nche Mee 1, gị na ya tụleekwa ihe e kwuru n’ajụjụ nke mbụ dị na peeji nke 16. Gbalịakwa ka unu gụọ ma ọ́ dịghị ihe ọzọ otu amaokwu Baịbụl e dere ebe ahụ. I mechazie, nyekọta ya Ụlọ Nche ahụ na Teta!, gị na ya yiekwa mgbe ị ga-abịaghachi ka unu tụlee ajụjụ nke abụọ.

Ụlọ Nche Mee 1

“Ọtụtụ ndị taa na-asị na ọ dị mma ka ndị chọọchị soro na-adọ ọchịchị, ndị ọzọ na-ekwu na ọ dịghị mma. Olee ihe gịnwa chere? [Chere ka ọ zaa.] Legodị ihe Jizọs mere mgbe ndị mmadụ chọrọ ime ya eze. [Gụọ Jọn 6:15.] Magazin a kwuru ihe mere Jizọs ji mee ihe ahụ o mere. O kwukwara otú kacha mma Ndị Kraịst kwesịrị isi na-enyere obodo ha aka.”

Teta! Eprel–Jun

Gosi ya isiokwu dị na peeji nke 12. Gwazie ya, sị: “Ị̀ chọpụtara na ọtụtụ ndị taa amachaghị otú e si ekpe ekpere? [Chere ka ọ zaa.] Jizọs Kraịst kwuru ihe ndị dị mkpa anyị nwere ike ikpe n’ekpere. [Gụọ Matiu 6:9-13.] Isiokwu a kọwara ihe Jizọs bu n’obi mgbe ọ kụziiri ndị na-eso ụzọ ya Ekpere nke Onyenwe Anyị. Ọ ga-enyere anyị aka ịma otú ka mma anyị ga-esi na-ekpe ekpere, Chineke anụ ya.”