Eskediul ti Gimong ti Serbisio

Lawas ti Enero 14

Kanta 41

10 min: Lokal a pakaammo. Dagiti napili a Pakaammo iti Ti Ministeriotayo iti Pagarian. Usaren dagiti singasing iti panid 8 wenno ti dadduma pay a presentasion a maitutop iti teritoriayo a mangidemostra no kasano nga itukon ti Enero 1 a Pagwanawanan ken ti Enero nga Agriingkayo!

15 min: “Usarenyo a Naimbag ti Oras a Nailatang Para iti Ministerio.”a Kaumanyo ti maysa a kabsat a lalaki a mapagulidanan ti panangidaulona iti taripnong sakbay ti panangasaba. Kasano ti panangisaganana iti grupo a mapan mangasaba tapno mausar a naimbag ti oras a nailatang para iti ministerio?

20 min: “Ti Panagsaoyo Kankanayon Koma a . . . Natemplaan iti Asin.”b No mapagsasaritaan ti parapo 2, basaenyo ti Juan 4:7-15, 39.

Kanta 85

Lawas ti Enero 21

Kanta 215

10 min: Lokal a pakaammo. Dakamaten ti literatura a tukon iti Pebrero, ken paidemostra ti maysa a presentasion. Paregtaen ti amin a buyaenda ti video a Transfusion-Alternative Health Care—Meeting Patient Needs and Rights kas panagsagana iti diskusion a maangayto iti Gimong ti Serbisio iti lawas ti Pebrero 4.

10 min: Us-usarenyo Kadi ti Panangsukimat Kadagiti Kasuratan iti Inaldaw? Palawag ken pagsasaritaan ti tallaong a naibatay iti pakauna ti Panangsukimat Kadagiti Kasuratan iti Inaldaw—2008. Ilawlawagyo no apay a napateg ti mangilatang iti tiempo iti tunggal aldaw para iti panangusig iti teksto ken dagiti komento. Awisenyo ti tallaong nga agkomento maipapan iti rutinada a mangusig iti teksto ken no kasano a nabenepisiaranda. Mabalin ti mangyurnos a nasaksakbay iti maysa wenno dua nga agkomento. Ilawlawagyo iti apagbiit ti tampok ti teksto para iti tawen 2008.

25 min: ‘Naan-anay a Panangsaksi iti Naimbag a Damag.’c (Par. 1-10) Iparang ti manangaywan iti serbisio. Kaumanyo ti maysa wenno dua nga agibumbunannag a nakapag-auxiliary pioneer idi napan a tawen iti laksid ti okupado nga eskediulda wenno nakapuy a salun-atda. Kasanoda a nakapag-auxiliary pioneer? Ania dagiti rag-o a napasaranda? No mapagsasaritaan ti parapo 7, ibagayo ti eskediul dagiti taripnong sakbay ti panangasaba kabayatan Marso, Abril, ken Mayo.

Kanta 177

Lawas ti Enero 28

Kanta 52

10 min: Lokal a pakaammo. Ipalagip kadagiti agibumbunannag nga iteddan ti reportda iti serbisio iti tay-ak iti Enero. Ibasa ti report ti kuenta ken ti panagyaman kadagiti donasion. Pagsasaritaan ti tallaong a naibatay iti Pebrero 1 a Pagwanawanan ken ti Pebrero nga Agriingkayo! Kalpasan ti panangitedyo iti ababa a pakabuklan ti tunggal ruar, isaludsodyo iti tallaong no ania kadagiti artikulo ti mabalin a paginteresan dagiti tattao iti teritoria ken apay. Awisenyo ti tallaong a mangdakamat kadagiti espesipiko a punto kadagiti artikulo a planoda nga itampok. Ania a saludsod ti mabalin nga iyimtuod kas pangirugi iti saritaan? Ania a teksto iti artikulo ti mabalin nga ibasa? Ania ti nakainaigan ti teksto iti artikulo? Usaren dagiti pagtuladan a presentasion iti panid 8 a mangidemostra no kasano nga itukon ti tunggal magasin.

20 min: ‘Naan-anay a Panangsaksi iti Naimbag a Damag.’d (Par. 11-17) No mapagsasaritaan ti parapo 14, warasanyo ti tallaong iti saggaysa a kopia ti espesial nga imbitasion iti Memorial no addan. Dakamatenyo dagiti urnos iti panangwanas iti teritoriayo.

15 min: “Tulonganyo Dagiti Mayad-adalan iti Biblia nga Agbalin a Manangibunannag iti Naimbag a Damag ti Pagarian.”e No ipalubos ti oras, awisenyo ti tallaong a mangkomento kadagiti naisitar a teksto.

Kanta 22

Lawas ti Pebrero 4

Kanta 161

10 min: Lokal a pakaammo. Repasuen ti Saludsod.

10 min: Lokal a kasapulan.

25 min: “Itantantanyo Kadi?” Iparang ti maysa a panglakayen. Pagsasaritaanyo a dagus ti video a Patient Needs and Rights, nga usarenyo dagiti saludsod iti artikulo. Iti konklusion, basaenyo ti maudi a parapo ken paregtaenyo ti amin a repasuenda a naimbag dagiti naisitar nga artikulo iti Pagwanawanan ken iti Ti Ministeriotayo iti Pagarian. Ilawlawagyo no kasano a dagidiay saan pay a nakaaramid iti dayta mabalinda nga usaren ti work sheet iti suplemento ti Enero 2007 a Ti Ministeriotayo iti Pagarian a makatulong iti panangaramidda iti personal a desision maipapan kadagiti paset ti dara ken kadagiti pamay-an ti panangagas sa isuratda ti pangngeddengda iti DPA card. Dagidiay nasuratandan ti DPA card-da mabalinda a repasuen ti dati a desisionda, ket no kasapulan, mangsuratda iti baro a kard.

Kanta 4

[Dagiti Footnote]