Þjónustusamkomur fyrir desember

Vikan sem hefst 6. desember

Söngur 3

10 mín: Staðbundnar tilkynningar og valdar tilkynningar frá Ríkisþjónustu okkar. Hvetjið alla til þáttöku í blaðastarfinu næstkomandi helgi.

20 mín: „Hjálpum öðrum að læra um son Guðs, Jesú Krist.“ Farið yfir greinina með spurningum og svörum. Tvær sýnikennslur þar sem notaðar eru tillögurnar í tölugrein 2 og 4. Ræðið hvenær heppilegt sé að bjóða Biblíusögubókina en hvenær mætti láta nægja að bjóða aðeins bækling.

15 mín: „Taktu frá tíma til blaðastarfs.“ Ræða með þátttöku áheyrenda. Þegar fjallað er um tölugrein 3 ætti að sýna hvernig kynna má hinar ýmsu greinar í nýjustu blöðunum fyrir mismunandi fólki á starfssvæðinu. Vekið athygli á að blaðadreifingin hefur farið minnkandi undanfarna mánuði og hvetjið boðberana til að snúa þeirri þróun við með því meðal annars að kynna sér vel desembertölublað Varðturnsins, einkum fyrstu greinarnar, til að geta kynnt blaðið á áhrifaríkan hátt í þeim mánuði sem menn hugsa almennt meira um Jesú Krist en á nokkrum öðrum árstíma.

Söngur 30 og lokabæn.

Vikan sem hefst 13. desember

Söngur 80

10 mín: Staðbundnar tilkynningar, reikningshaldsskýrslan og þakkir fyrir frjáls framlög. Hrósið söfnuðinum fyrir örlátan stuðning við staðbundnar þarfir, ríkissalasjóð Félagsins og alþjóðastarf Félagsins eins og við á. Komið með eina eða tvær tillögur að umræðuefni sem nota má í kynningarorðum í boðunarstarfinu næstu helgi.

20 mín: „Áhrifaríkar endurheimsóknir í desember.“ Umræður við áheyrendur. Látið, þegar fjallað er um tölugrein 3, hæfan boðbera sýna hvernig hefja má biblíunám í endurheimsókn. Hvetjið alla til að fara reglulega í endurheimsóknir og leitast við að stýra heimabiblíunámi í hverjum mánuði ef mögulegt er.

15 mín: „Árbókin — uppörvandi gullnáma.“ Ræða, flutt af eldmóði, þar sem lögð er áhersla á heimfærslu tilvísaðra ritningarstaða. Látið vel undirbúna boðbera segja á hrífandi hátt frásögnina í greininni og reynslufrásagnir sem er að finna á blaðsíðu 32 í Varðturninum (enskri útgáfu) frá 1. janúar 1990, 1. janúar 1987 og 1. janúar 1986.

Söngur 64 og lokabæn.

Vikan sem hefst 20. desember

Söngur 68

5 mín: Staðbundnar tilkynningar. Nefnið staðbundnar ráðstafanir til sérstaks boðunarstarfs yfir helgidagana.

15 mín: „Náðu til hjarta biblíunemanda þíns.“ Spurningar og svör með sýnikennslu. Leggið áherslu á að allir í söfnuðinum ættu að vinna að því að ná betri tökum á kennslulistinni. Eftir að farið hefur verið yfir tölugrein 3 sýnir boðberi hvernig hægt sé að rökræða við biblíunemanda með því að nota spurningar og ritningarstaði frá greinum 13 og 14 í 1. kafla í Lifað að eilífu bókinni.

10 mín: „Sáðu ríflega en með hyggindum.“ Efnið rætt með spurningum og svörum. Leggið áherslu á orðalag sem ætti sérstaklega vel við á ykkar svæði. Rifja ætti upp þessar tillögur á samkomum fyrir boðunarstarfið (samansöfnunum) næstu helgi.

15 mín: Hve þýðingarmiklu hlutverki gegna tímasetningar í biblíunámsefni okkar? Að lokinni stuttri ræðu um efnið undir „Skilgreining (Definition)“ á blaðsíðu 93 í Rökræðubókinni skal ræða við áheyrendur um það sem á eftir kemur undir fyrirsögninni „Tímasetningar (Dates).“ Ræðið um spurninguna: „Hvers vegna segja vottar Jehóva að Guðsríki hafi verið stofnsett árið 1914?“ Dragið fram hvernig þessar upplýsingar hjálpa nýjum að vera undir það búnir að verja boðskapinn um Guðsríki.

Söngur 21 og lokabæn.

Vikan sem hefst 27. desember

Söngur 8

10 mín: Staðbundnar tilkynningar og Guðveldisfréttir. Tilkynnið um sérstakar ráðstafanir til boðunarstarfsins 1. janúar ef einhverjar eru. Sýnikennsla um hvernig bjóða megi Sköpunarbókina ásamt bæklingnum Andar hinna dánu.

15 mín: Hvað er að því að fikta við fíkniefni? Tveir táningar ræða við öldung um fíkniefnanotkun í skólum. Þeir nefna að sumt ungt fólk geti ekki séð neitt að því að nota fíkniefni af og til. Öldungur viðurkennir að málum hefur hrakað síðan hann var í skóla. Hann bendir á að fíkniefni séu ekki nefnd sérstaklega í Biblíunni en finna má ítarlegar leiðbeiningar varðandi notkun slíkra efna í Rökræðubókinni á blaðsíðu 106-12. Unglingarnir lesa ritningarstaði og öldungurinn rökræðir við þá um efnið er þeir fara yfir það. Unglingarnir koma með eigin tillögur um hvernig þeir geti sem einstaklingar á ýmsa vegu staðist þrýsting félaga sinna og jafnaldra.

20 mín: „Hvernig þörfinni á nýjum ríkissölum er mætt.“ Ræða öldungs byggð á upplýsingunum í greininni „Ríkissalasjóður Félagsins“ í Ríkisþjónustu okkar fyrir maí 1993. Leggja skal áherslu á ábyrgð hvers safnaðar á að fjármagna og reka sinn samkomustað en jafnframt útskýra hvernig þeirri aðstoð er háttað sem bræðrafélagið veitir í samræmi við 2. Korintubréf 8:14, 15. Fjalla má um nýjustu framvindu þessara mála á Íslandi í samræmi við leiðbeiningar frá íslensku deildarskrifstofunni þar að lútandi.

Söngur 24 og lokabæn.