Varðturninn og Vaknið! — tímarit sannleikans
1 Tölublað Varðturnsins frá 1. janúar 1994, blaðsíðu 18, minnir okkur á að tímaritin okkar birta „tímabærar greinar . . . sem hafa tekið á raunverulegum þörfum fólks.“ Við viljum dreifa þessum tímaritum víða. Mánuðina apríl og maí leggjum við sérstaka áherslu á að bjóða Varðturninn og Vaknið!, svo og einhvern bækling í blaðastærð.
2 Í starfinu hús úr húsi gefst besta tækifærið til að útbreiða blöðin. Áhrifaríkur óformlegur vitnisburður og endurheimsóknir leiða einnig af sér reglulega útbreiðslu blaðanna. Götustarf og boðunarstarf í fyrirtækjum á starfssvæði okkar er á sama hátt árangursrík leið til að auka blaðadreifinguna.
3 Umfjöllunarefni: Í Varðturninum frá 1. apríl 1994 er fjallað um efnið „Er samkeppni lykillinn að velgengni?“ Margir nú á tímum álíta svo vera en greinin bendir á hversu skaðlegur samkeppnisandinn getur verið. Næsta grein sýnir hvaðan þessi andi er upprunninn og hvernig Jesús Kristur og trúfastir fylgjendur hans bæði fyrr og nú hafa notið velsældar án samkeppni.
4 „Eru til illir andar?“ er spurning sem fjallað er um í 1. maí tölublaðinu og ætti að vekja áhuga margra viðmælenda okkar. Í sama tölublaði eru einnig þrjár greinar um spádómana í 11. og 12. kafla Daníelsbókar. Við ættum að geta notað þessar greinar til að hefja samræður við fólk sem er ekki sama um ástand mála í heiminum og vill fræðast um boðskap Biblíunnar.
5 Að auka útbreiðsluna: Tölublaðið frá 1. janúar kom með fjórar tillögur til að auka útbreiðsluna. Við vorum í fyrsta lagi hvött til að vera blaðasinnuð. Þegar við lesum blöðin ættum við að leiða hugann að því hvaða greinar höfði líklega mest til fólks á starfssvæði okkar. Ef við þar að auki höfum yfirleitt nokkur eintök meðferðis getum við kannski komið þeim í hendur vinnufélaga, nágranna, kennara, skólafélaga eða fólks í innkaupaferðum.
6 Í öðru lagi vorum við minnt á að hafa kynninguna einfalda. Veldu eitt einstakt atriði og segðu það með fáum orðum. Ef þú getur komið blaðinu inn á heimili getur það sjálft „talað“ til þess sem þú hittir eða annarra á heimilinu.
7 Í þriðja lagi er nauðsynlegt að vera sveigjanlegur. Gott er að hafa mismunandi greinar í huga til að ræða um — eina fyrir unglinga, aðra fyrir karla og eitthvað annað fyrir konur.
8 Í fjórða og síðasta lagi þurfum við að setja okkur persónulegt markmið. Þó að söfnuðurinn geti ekki sett ákveðinn kvóta getum við sem einstaklingar sett sjálfum okkur markmið. Það gæti orðið okkur aukin hvatning til að bjóða blöðin með eldmóði. Ef við leggjum inn fasta blaðapöntun gæti það ýtt okkur til að gera meira.
9 Við viljum að aðrir fái að vita um ríki Guðs. Við skulum nýta okkur til fulls þá góðu hjálp sem tímaritin veita við að útbreiða boðskapinn um Guðsríki. — Matt. 10:7.