Verðmæt þjónustusérréttindi

¹ Lesandi einn sagði að með því að lesa Varðturninn og Vaknið! hefði hann lesið miklu meira sem hefði raunverulegt gildi en hann gerði í sex ára háskólanámi. Ekki er óalgengt að einlægir lesendur komi með svo ánægjuleg ummæli eftir að hafa lesið þessi tímarit í aðeins stuttan tíma. Það eru mikil sérréttindi fyrir okkur að færa blöðin okkar reglulega í hendur þeim sem sannarlega kunna að meta þau.

² Þeir eru fjölmargir sem hafa einhvern áhuga á sannleikanum en hafa þó ekki tekið þeim framförum að þiggja heimabiblíunám. Rækta mætti þó áhuga þeirra ef einhver færi til þeirra reglulega með sérhvert nýtt tölublað Varðturnsins og Vaknið! Þegar boðberar hafa af trúfesti farið með hvert tölublað til þeirra sem af staðaldri þiggja blöðin hefur það fengið marga til að samþykkja að lokum að hafa reglulegt biblíunám.

³ Við höfum persónulega gagn af því að koma okkur upp blaðaleið ef við lesum blöðin vandlega fyrst til að leita að sérstökum atriðum sem gætu vakið áhuga hvers og eins á blaðaleiðarlista okkar.

⁴ Hafðu í huga að það sem ræður því hvort þú ættir að bæta einhverjum á blaðaleiðarlista þinn er ekki hversu fús hann er að borga fyrir blöðin heldur hversu mikinn áhuga hann sýnir. Ef hann sýnir raunverulegan áhuga þegar hann þiggur blöðin, en gerir það ekki aðeins til að ‚styrkja gott málefni,‘ gætir þú útskýrt fyrir honum að framúrskarandi greinar birtist í blaðinu í hverjum mánuði og að þér væri það ánægja að koma með blöðin reglulega til hans. Láttu síðan ekki undir höfuð leggjast að fara til hans í hverjum mánuði með nýjustu blöðin og nýttu þér tækifærið til að tala við húsráðandann um biblíulegt efni. Við vitum að þú munt hafa ánægju af þessum verðmætu þjónustusérréttindum.