Þekking á Guði — lykill að hamingjunni
1 Bókin Þekking sem leiðir til eilífs lífs er núna væntanlega komin í hendur okkar allra. Ef þú ert ekki búinn að lesa hana ættir þú að láta verða úr því sem fyrst til þess að geta boðið hana á áhrifaríkan hátt í febrúar og mars. Fyrir utan tillögurnar í Ríkisþjónustu okkar fyrir desember 1995 gætu eftirfarandi uppástungur ef til vill komið þér að gagni við að útbreiða nýju bókina.
2 Eftirfarandi spurning gæti ef til vill komið af stað samræðum:
◼ „Menn leggja mjög mikið upp úr því nú á tímum að afla sér þekkingar. Það virðist vera óendanlega margt sem hægt er að læra. En heldur þú að til sé einhver sérstök þekking sem allir menn ættu tvímælalaust að afla sér? [Gefðu kost á svari] Má ég sýna þér hvað haft er eftir Jesú Kristi um þetta mál? [Lestu Jóhannes 17:3.] Hvar annars staðar getur þessa þekkingu verið að finna en í Biblíunni, orði Guðs sem Jesús vitnaði hvað eftir annað í og sagði að væri sannleikur? En þó að Biblían sé útbreiddasta bókin á jörðinni skortir mjög á að menn almennt þekki innihald hennar og þýðingu þess. Þessi bók Þekking sem leiðir til eilífs lífs er gefin út til að hjálpa fólki að kynnast meginatriðum þessarar mikilvægu þekkingar á Guði á tiltölulega stuttum tíma.“ Sýndu húsráðandanum efnisyfirlitið og spyrðu hann hvort eitthvað þar vekji sérstaka athygli hans. Farðu fáeinum orðum um það og bjóddu honum síðan bókina.
3 Margir hafa áhyggjur af háum framfærslukostnaði og þess vegna gætu eftirfarandi kynningarorð vakið áhuga sumra:
◼ „Hvað heldur þú að menn þurfi helst á að halda? [Gefðu kost á svari.] Margir eru sannfærðir um að þeir þurfi meira af efnislegum hlutum. Þeim finnst bráðnauðsynlegt að eiga ýmislegt sem menn á síðustu öld létu sig ekki einu sinni dreyma um og komust ágætlega af án. Fyrir þrjú þúsund árum var skrifað það sem stendur í Prédikaranum 7:12.“ Lestu versið, hlustaðu á athugasemdir húsráðandans og haltu síðan áfram. „Þetta sýnir að menn leggja of mikla áherslu á efnislega hluti. Okkur ætti að vera meira umhugað um andlegar þarfir okkar. Það sem við í raun og veru þurfum er sönn þekking. En þekking á hverju?“ Lestu Jóhannes 17:3 og útskýrðu hvernig þekking á Guði getur leitt til eilífs lífs. Sýndu myndina á blaðsíðu 4 og 5 í Þekkingarbókinni, útskýrðu hvernig þekkingin á Guði „heldur lífinu í þeim sem hana á“ og bjóddu bókina.
4 Við þá sem hafa áhyggjur af heimsástandinu gætir þú sagt:
◼ „Flestir sem ég tala við hafa áhyggjur af framtíðinni. Sumir þjóðaleiðtogar álíta að við stöndum á þröskuldi nýrrar friðaraldar. Hvað heldur þú? [Gefðu kost á svari.] Þrátt alla fyrir viðleitni manna heldur ofbeldi áfram að aukast um heim allan. Biblían sýnir okkur hver sé eina varanlega lausnin á þessum ógöngum. [Lestu 2. Pétursbréf 3:13. Flettu upp á myndinni á blaðsíðu 188-9 og útskýrðu hvernig himneskt ríki Guðs mun færa þessari jörð varanlegan frið og öryggi.] Þessi bók mun hjálpa þér að sjá hvernig þú getur orðið hluti þessa nýja samfélags manna sem öðlast munu eilíft líf í paradís á jörð þar sem Guðsríki fer með völd.“
5 Ef viðmælandi þinn á annríkt og þú verður að vera stuttorður gætir þú sagt:
◼ „Af því að þú hefur aðeins lítinn tíma langar mig til að láta þig fá þetta smárit [eða grein í blaði] sem ber heitið [veldu viðeigandi smárit eða grein]. Ég hvet þig til að lesa það. Næst þegar ég kem hér við þætti mér gaman að heyra hvað þér fannst um það.“
6 Þegar við bjóðum ritin okkar ættum við að gefa mönnum kost á að sýna að þeir kunni að meta þau með því að leggja eitthvað af mörkum til alþjóðastarfsins. Slík gjafmildi mun auka á hamingjuna sem þeir finna fyrir þegar þeir öðlast þá speki sem fylgir þekkingunni á Guði. — Orðskv. 3:13.