Hjálpum þeim til skilnings
1 Pétur postuli viðurkenndi að sumt af því sem skrifað stendur í Biblíunni sé „þungskilið.“ (2. Pét. 3:16) Margir eiga erfitt með að skilja ýmsa ritningarstaði af því að þeir þekkja ekki heildarmyndina sem Biblían gefur. En bókin Þekkingin sem leiðir til eilífs lífs dregur upp kristalstæra heildarmynd af því sem Biblían inniheldur. Hvernig getum við hjálpað áhugasömu fólki að notfæra sér þessa bók?
2 Ef þú notaðir efnisyfirlitið til að kynna bókina gætir þú ef til vill ýtt undir áhugann með því að segja:
◼ „Fyrsti kafli bókarinnar, sem þú þáðir hjá mér um daginn, heitir ‚Þú getur öðlast hamingjuríka framtíð.‘ Slík hamingja kemur hins vegar ekki af sjálfu sér. Það er að minnsta kosti tvennt sem við þurfum að gera: Við verðum að nema Biblíuna og við verðum að taka til okkar það sem við lærum.“ Lestu Jakobsbréfið 1:25 og gefðu athugasemdir um það. Notaðu líkinguna í 4. grein 1. kafla bókarinnar til að undirstrika viskuna í því að kynna sér vel orð Guðs. Ef undirtektir eru góðar getur þú boðið biblíunám.
3 Ef þú ræddir Jóhannes 17:3 í fyrstu heimsókn gætir þú lagt áherslu á nauðsyn þess að afla sér meiri þekkingar á Biblíunni með því að segja:
◼ „Síðast þegar ég var hér lásum við í Jóhannesi 17:3 að þekking á Guði gæti leitt til eilífs lífs. En kærir þú þig um að lifa eilíflega í þess konar heimi og við búum í núna? [Gefðu kost á svari.] Mörgum finnst það ekki eftirsóknarvert. Þess vegna er það okkur mikið gleðiefni að heyra það sem Guð hefur lofað.“ Flettu upp á grein 8 á blaðsíðu 8, lestu Lúkas 23:43 og notaðu síðan myndina á blaðsíðu 4 og 5 til að lýsa því hvernig paradís verður. Bjóðstu til að koma aftur til að ræða málin frekar.
4 Ef þú notaðir myndina á blaðsíðu 188-9 til að sýna að Guðsríki muni binda enda á erfiðleika manna gætir þú opnað bókina þar aftur og sagt:
◼ „Við ræddum fyrir nokkru um þá blessun sem fólk fær að njóta þegar Guðsríki fer með völd, eins og hér er dregin upp mynd af. Hvað heldur þú að við verðum að gera til að fá að lifa við slíkar kringumstæður? [Gefðu kost á svari.] Sumt fólk á tímum Biblíunnar gaf gott fordæmi sem gott er fyrir okkur að líkja eftir.“ Lestu Postulasöguna 17:11 og leggðu áherslu á nauðsyn þess að ‚rannsaka ritningarnar daglega.‘ Bentu á að vottar Jehóva hjálpi einlægum mönnum að nema orð Guðs og skilja það betur.
5 Ef þú lést húsráðanda, sem hafði ekki tíma til samtals, fá smáritið „Mun þessi heimur bjargast?“ gætir þú notað þessa aðferð:
◼ „Þegar ég kom hingað um daginn varstu mjög upptekinn. Ég skildi eftir smárit hjá þér þar sem borin er fram spurningin hvort heimurinn muni bjargast í gegnum þá ólgutíma sem núna eru. Við lásum Opinberunarbókina 21:3, 4 sem vitnað er í í þessari bók, Þekking sem leiðir til eilífs lífs. [Lestu ritningarstaðinn frá grein 11 á blaðsíðu 9.] Þessi mynd [á blaðsíðu 4-5] gefur þér hugmynd um hvernig lífið verður þegar ‚Guð þerrar hvert tár af augum okkar.‘ Í þessari bók er að finna sannfærandi röksemdir fyrir því að þetta fyrirheit muni uppfyllast í náinni framtíð. Ef þú hefur áhuga á að lesa hana þá getur þú fengið þetta eintak.“
6 Hvar sem áhuga er að finna skaltu reyna að bjóða bókina Þekking sem leiðir til eilífs lífs og nota hana til að koma af stað biblíunámum. Það mun vissulega veita þér mikla ánægju að hjálpa fólki til skilnings á orði Guðs, vinna að því að gera „fávísa vitra.“ — Sálm. 119:130.