Þekking á hinum sanna Guði leiðir til lífs
1 „Það er hið eilífa líf,“ sagði Jesús í bæn til föður síns, „að þekkja þig, hinn eina sanna Guð.“ (Jóh. 17:3) Það er sannarlega rífleg umbun! Með því að nota bókina Þekking sem leiðir til eilífs lífs getum við hjálpað fólki að fræðast um hvað það þurfi að gera til að lifa að eilífu. Hvað getum við sagt til að vekja áhuga þess og fá það til að langa til að lesa Þekkingarbókina?
2 Þú gætir notað kynningarorð, sem benda á að Biblían hefur að geyma hagnýta leiðsögn, og sagt eitthvað á þessa leið:
◼ „Við erum að ræða um það við nágranna okkar hvar megi finna hagnýta leiðsögn við að takast á við vandamál lífsins. Áður fyrr leituðu menn fyrst leiðsagnar í Biblíunni. En viðhorf fólks hefur breyst; margir draga orð Biblíunnar í efa, líta aðeins á hana sem verk manna. Hver er þín skoðun? [Gefðu kost á svari.] Það er mjög góð ástæða fyrir því að segja að Biblían hafi hagnýtt gildi nú á dögum. [Lestu 2. Tímóteusarbréf 3:16, 17.] Frumreglur Biblíunnar eiga ekki síður við núna en þá er Guð blés mönnum í brjóst að skrifa Biblíuna.“ Flettu upp á blaðsíðu 16 í Þekkingarbókinni og farðu nokkrum orðum um þá hagnýtu leiðsögn sem er að finna í fjallræðu Jesú. Lestu tilvitnunina sem er að finna í tölugrein 11 eða þá sem er í tölugrein 13. Bjóddu bókina og gerðu ráðstafanir til að koma aftur til að svara spurningunni: Hvernig getum við persónulega haft hag af þeirri þekkingu sem Biblían býr yfir?
3 Bænir eru efni sem margir hafa áhuga á og þú kannt að vilja ræða um það með því að spyrja:
◼ „Menn þurfa að takast á við margt í lífinu nú á tímum og því mætti spyrja hvort bænin geti hugsanlega komið okkur að raunverulegum notum. Hvað álítur þú? [Bíddu efir svari.] Mörgum finnst að þeir hafi komist í nánari snertingu við Guð með því að biðja til hans og að bænin hafi veitt þeim innri styrk, sem er einmitt það sem Biblían lofar. [Opnaðu Þekkingarbókina á blaðsíðu 156 og lestu Filippíbréfið 4:6, 7.] Engu að síður finnst mönnum stundum að þeir fái ekki bænheyrslu. Þessi kafli ræðir um efnið ‚Hvernig þú getur nálægt þig Guði.‘ [Bjóddu bókina og minnstu á framlagafyrirkomulagið fyrir alþjóðastarfið.] Þessi kafli útskýrir líka hvernig við getum hlustað á Guð af því að tjáskipti við hann eru ekki einhliða. Við getum rætt það þegar ég kem næst.“
4Langar þig til að reyna að bjóða biblíunám umbúðalaust í fyrstu heimsókn? Hér er ein aðferð sem gæti reynst þér vel:
◼ „Við erum að bjóða fólki ókeypis heimabiblíunámskeið. Hefur þú nokkurn tíma farið á biblíunámskeið? [Gefðu kost á svari.] Mætti ég sýna þér kennslubókina sem við notum.“ Sýndu Þekkingarbókina, flettu upp á blaðsíðu 3 til þess að húsráðandinn geti séð efnisyfirlitið og spyrðu: „Hefur þú nokkurn tíma velt fyrir þér hvað Biblían segir um þessi málefni?“ Flettu upp á þeim kafla sem vekur mestan áhuga og lestu millifyrirsagnirnar. Segðu að þig langi til að sýna stuttlega hvernig við förum yfir þessar upplýsingar meðan á náminu stendur. Hvort sem þú nærð að stofna nám eða ekki skaltu skilja eftir bókina ef viðmælandi þinn lofar að lesa hana.
5 Nú á tímum fær mikill mannfjöldi nákvæma þekkingu á hinum sanna Guði og notar hana vel. (Jes. 2:2-4) Það eru forréttindi okkar að hjálpa eins mörgum og mögulegt er að fræðast um Jehóva og láta leiða sig til lífsins. — 1. Tím. 2:4.