Hvernig getum við boðið bókina Hvað kennir Biblían?

Í þessum viðauka eru nokkrar tillögur um hvernig megi bjóða bókina Hvað kennir Biblían? Til að ná sem bestum árangri skaltu endursegja kynningarnar með eigin orðum, laga þær að fólki á svæðinu og setja þig vel inn í aðalröksemdir bókarinnar. Þú getur einnig notað aðrar kynningar sem henta á svæðinu. — Sjá Ríkisþjónustu okkar í janúar 2005, bls. 8.

Biblían

◼ „Oft er talað um Biblíuna sem orð Guðs. Hefurðu hugleitt hvernig er hægt að kalla bók, sem menn rituðu, orð Guðs? [Gefðu kost á svari og lestu síðan 2. Pétursbréf 1:21 og grein 5 á bls. 19-20.] Þessi bók bendir á svör Biblíunnar við þessum spurningum.“ Sýndu spurningarnar á bls. 6.

◼ „Menn hafa núna aðgang að meiri upplýsingum en nokkru sinni fyrr. En hvar heldur þú að hægt sé að finna áreiðanleg ráð sem geta hjálpað mönnum að lifa farsælu lífi? [Gefðu kost á svari og lestu svo 2. Tímóteusarbréf 3:16, 17 og grein 12 á bls. 23.] Þessi bók bendir á hvernig við getum hagað lífinu þannig að það gleðji Guð og sé okkur sjálfum til góðs.“ Sýndu rammagreinina og myndina á bls. 122-23.

Bænin

◼ „Hefur þú nokkurn tíma hugleitt hvernig Guð svarar bænum manna? [Gefðu kost á svari og lestu svo 1. Jóhannesarbréf 5:14, 15 og greinar 16-18 á bls. 170-72.] Í þessum kafla kemur einnig fram hvers vegna við ættum að biðja til Guðs og hvað við þurfum að gera til að hann heyri bænir okkar.“

Dauðinn og upprisan

◼ „Margir velta því fyrir sér hvað gerist við dauðann. Heldurðu að hægt sé að komast að því? [Gefðu kost á svari og lestu svo Prédikarann 9:5 og greinar 5-6 á bls. 58-9.] Í þessari bók er líka sýnt hvað loforð Biblíunnar um upprisu þýðir fyrir þá sem eru dánir.“ Sýndu myndina á bls. 75.

◼ „Ertu ekki sammála því að það sé eðlilegt að langa til að hitta aftur ástvin sem þú hefur misst? [Gefðu kost á svari.] Margir hafa sótt huggun í loforð Biblíunnar um upprisu. [Lestu Jóhannes 5:28, 29 og greinar 16-17 á bls. 72.] Þessi kafli svarar einnig þessum spurningum.“ Sýndu spurningarnar í byrjun kaflans á bls. 66.

Eilíft líf

◼ „Flestir óska sér langlífis og góðrar heilsu. En myndirðu vilja lifa að eilífu ef það væri hægt? [Gefðu kost á svari og lestu svo Opinberunarbókina 21:3, 4 og grein 17 á bls. 54.] Þessi bók fjallar um hvernig við getum öðlast eilíft líf og hvernig lífið verður þá.“

Fjölskyldan

◼ „Ertu ekki sammála mér um það að við viljum öll eiga farsælt fjölskyldulíf? [Gefðu kost á svari.] Biblían segir okkur hvað hver og einn fjölskyldumeðlimur getur gert til að stuðla að hamingju í fjölskyldunni, en það er að líkja eftir kærleika Guðs.“ Lestu Efesusbréfið 5:1, 2 og grein 4 á bls. 135.

Harmagedón

◼ „Margir hugsa um gereyðingu þegar þeir heyra orðið Harmagedón. Yrðir þú hissa ef þér væri sagt að Harmagedón væri tilhlökkunarefni? [Gefðu kost á svari og lestu síðan Opinberunarbókina 16:14, 16.] Taktu eftir hvað segir hér um hvernig lífið verður eftir Harmagedón.“ Flettu upp á blaðsíðu 82-4 og lestu grein 21.

Húsnæði

◼ „Víða er orðið erfitt að finna mannsæmandi húsnæði á viðráðanlegu verði. Heldur þú að sá tími komi að allir eigi kost á viðunandi húsnæði? [Gefðu kost á svari og lestu svo Jesaja 65:21, 22 og grein 20 á bls. 34.] Þessi bók útskýrir hvernig Guð mun standa við þetta loforð.“

Jehóva Guð

◼ „Margir sem trúa á Guð myndu vilja finna betur fyrir nálægð hans. Vissirðu að Biblían hvetur okkur til að nálægja okkur Guði? [Gefðu kost á svari og lestu svo Jakobsbréfið 4:8a og grein 20 á bls. 16.] Þessi bók er samin til að auðvelda fólki að nota Biblíuna til þess að læra meira um Guð.“ Sýndu spurningarnar í byrjun kaflans á bls. 8.

◼ „Margir biðja að nafn Guðs verði helgað. Hefurðu velt fyrir þér hvert nafn Guðs er? [Gefðu kost á svari og lestu svo Sálm 83:19 og greinar 2-3 á bls. 195.] Þessi bók gerir grein fyrir því hvað Biblían kennir okkur í raun og veru um Jehóva Guð og áform hans með mannkynið.“

Jesús Kristur

◼ „Langflestir hafa heyrt Jesú Krist nefndan. Sumir segja að hann hafi bara verið sérstakur maður. Aðrir tilbiðja hann sem alvaldan Guð. Telur þú að það skipti einhverju máli hverju við trúum um Jesú Krist?“ Gefðu kost á svari og lestu svo Jóhannes 17:3 og grein 3 á bls. 37-8. Bentu á spurningarnar undir kaflaheitinu.

Sorg og þjáningar

◼ „Þegar ógæfa dynur yfir fara margir að efast um að Guði sé í raun annt um mennina og taki eftir þegar þeir þjást. Hefur þér einhvern tíma verið þannig innanbrjósts? [Gefðu kost á svari og lestu svo 1. Pétursbréf 5:7 og grein 11 á bls. 11-12.] Þessi bók skýrir frá því hvernig Guð muni útrýma þjáningum fyrir fullt og allt.“ Bentu á spurningarnar í byrjun kaflans á bls. 106.

Stríð eða friður

◼ „Allir þrá frið, en heldur þú að það sé óraunhæft að vonast eftir heimsfriði? [Gefðu kost á svari og lestu svo Sálm 46:9, 10.] Þessi bók ræðir um það hvernig Guð mun hrinda í framkvæmd þeirri fyrirætlun sinni að koma á heimsfriði.“ Sýndu myndina á bls. 35 og ræddu um efni greina 17-21 á bls. 34.

Trúarbrögð

◼ „Margir eru farnir að líta á trúarbrögðin sem orsök vandamálanna í heiminum frekar en lausn á þeim. Telur þú að trúarbrögðin séu að leiða fólk í rétta átt? [Gefðu kost á svari og lestu svo Matteus 7:13, 14 og grein 5 á bls. 145-46.] Í þessum kafla eru tekin fyrir sex atriði sem einkenna tilbeiðsluna sem Guð hefur velþóknun á.“ Sýndu listann á bls. 147.

[Rammi á blaðsíðu 5]

Nokkrar leiðir til að minnast á framlög til alþjóðastarfsins

„Ef þig langar til að leggja eitthvað smáræði fram til stuðnings alþjóðastarfi okkar þá tek ég gjarnan við því fyrir þig.“

„Við bjóðum ritin okkar án endurgjalds en við tökum fúslega við framlögum ef fólk vill styrkja alþjóðastarf okkar.“

„Þú veltir því kannski fyrir þér hvernig við fjármögnum starf okkar. Alþjóðastarf okkar er fjármagnað með frjálsum framlögum. Ef þig langar að leggja eitthvað af mörkum skal ég fúslega koma því til skila.“