Bjóðum nýjan bækling
1. Hvað ætlum við að bjóða í nóvember og hver er tilgangurinn með þessu riti?
1 Á landsmótinu 2009, „Höldum vöku okkar“, var gefinn út nýr bæklingur sem heitir Biblían — hver er boðskapur hennar? Boðberar í söfnuðum um allan heim munu í fyrsta sinn bjóða þennan bækling í boðunarstarfinu í nóvember. Hvernig mun hann koma fólki á starfssvæði okkar að gagni? Flestir vita lítið um Biblíuna hvort sem þeir eru kristinnar trúar eða ekki. Bæklingurinn er því saminn til að gefa „yfirlit yfir efni Biblíunnar“ eins og útskýrt er á bls. 3.
2. Hvernig getum við boðið bæklinginn?
2 Hvernig bjóðum við hann? Við gætum sagt eitthvað eins og: „Mig langar til að heyra hvaða skoðun þú hefur á því sem stendur hér. [Lestu 2. Tímóteusarbréf 3:16.] Margir sem við tölum við eru sammála þessum orðum, öðrum finnst Biblían bara vera góð bók. Hvert er álit þitt á Biblíunni? [Gefðu kost á svari.] Við öll höfum góðar ástæður fyrir því að skoða Biblíuna, sama hverjar trúarskoðanir okkar eru. [Lestu upphafsgreinina á bls. 3.] Í þessum bæklingi er að finna stutta og hnitmiðaða samantekt á efni Biblíunnar. Þegar þú lest hann tekurðu eftir ákveðnu stefi og meginboðskap sem er eins og rauður þráður í gegnum alla Biblíuna.“
3. Hvaða aðra kynningu gætum við notað einkum þegar við hittum fólk sem er ekki kristinnar trúar?
3 Þegar við hittum fólk sem er ekki kristinnar trúar gæti þessi tillaga hentað vel: „Það væri gaman að heyra hvaða álit þú hefur á því sem stendur hér í Biblíunni (eða í þessari helgu bók). [Lestu Sálm 37:11.] Hvernig heldurðu að jörðin verði þegar þessi spádómur rætist? [Gefðu kost á svari.] Þetta er lýsing á þeirri von og huggun sem býðst öllum mönnum, óháð trúarlegum og menningarlegum uppruna.“ Lestu upphafsgreinina á bls. 3 og bjóddu viðmælandanum bæklinginn.
4. Hvernig getum við notað bæklinginn til að hefja biblíunámskeið?
4 Hefjum biblíunámskeið: Þegar við heimsækjum fólk aftur gætum við rifjað upp það sem við ræddum um síðast og skoðað saman eina eða tvær greinar um það málefni. Gott er að nota spurningarnar í lok kaflans til þess. Ef við viljum heldur sýna húsráðandanum bókina Hvað kennir Biblían? gætum við lesið kynninguna á bakhlið bæklingsins, rétt honum bókina, spurt á hvaða kafla hann hafi áhuga og skoðað með honum eina eða tvær greinar úr þeim kafla. Tökum öll heilshugar þátt í að bjóða þennan bækling í nóvember.