Átakið til að kynna minningar- hátíðina hefst 1. mars

1. Hvenær byrjum við að bjóða fólki á minningarhátíðina og hvers vegna stendur átakið lengur yfir í ár?

¹ Föstudaginn 1. mars hefjumst við handa við að bjóða fólki að vera viðstatt minningarhátíðina með okkur. Minningarhátíðin er haldin 26. mars, sem þýðir að átakið stendur yfir aðeins lengur en undanfarin ár. Þetta gefur fleirum tækifæri til að fá boðsmiða, sérstaklega fólki sem býr þar sem söfnuður þarf að ná yfir stórt svæði.

2. Hvernig nálgumst við boðsmiðana og hvernig verður farið yfir starfssvæðið?

² Undirbúningurinn: Öldungarnir gefa leiðbeiningar um hvernig dreifingu boðsmiðanna verður háttað í söfnuðinum, til dæmis hvort við skiljum þá eftir þar sem enginn er heima. Ef einhverjir boðsmiðar eru eftir þegar við erum búin að fara yfir starfssvæði safnaðarins mætti dreifa þeim í götustarfinu. Starfshirðirinn sér til þess að nógu margir boðsmiðar, sem búið er að merkja með stað og stund, séu á borðinu í ritadeildinni fyrir boðbera til að taka með sér, en boðsmiðarnir verða þó ekki allir hafðir uppi við. Við ættum ekki að taka fleiri boðsmiða en við getum dreift á einni viku í senn.

3. Hvað ættum við að hafa í huga við dreifingu boðsmiðanna?

³ Hvað getum við sagt? Best er að vera stuttorð því að þannig getum við náð til sem flestra. Á bls. 4 er dæmi um kynningu sem við getum sniðið að svæðinu. Við getum að sjálfsögðu staldrað aðeins við ef húsráðandi er vingjarnlegur eða er með spurningar. Þegar við tökum þátt í átakinu um helgar ættum við einnig að bjóða blöðin þar sem tækifæri gefst. Fyrsta laugardaginn í mars skulum við einbeita okkur að dreifingu boðsmiðanna í stað þess að reyna að hefja biblíunámskeið.

4. Hvers vegna ættum við að taka ríkan þátt í átakinu?

⁴ Við vonum svo sannarlega að margir eigi eftir að koma á minningarhátíðina. Í ræðunni verður útskýrt hver Jesús er. (1. Kor. 11:26) Þar verður líka skýrt í meginatriðum hvernig dauði Jesú er okkur til góðs. (Rómv. 6:23) Og við fáum að vita hvers vegna það er mikilvægt að þekkja Jesú og minnast hans. (Jóh. 17:3) Tökum ríkan þátt í átakinu!