Nýtum eldri tölublöð vel
Þar sem eldri tölublöð nýtast ekki neinum ef þau eru geymd eða þeim hent ættum við að reyna að dreifa þeim. Aðeins eitt blað getur kveikt áhuga fólks á sannleikanum og fengið það til að ákalla nafn Jehóva. (Róm 10:13, 14) Hér koma nokkrar tillögur um hvernig við getum nýtt okkur vel eldri blöð.
Þegar þú prédikar á svæðum, sem er ekki starfað oft á, getur þú ef til vill skilið blað eftir, úr augsýn, þar sem enginn er heima. Mundu alltaf eftir að skilja eftir skilaboð með nafninu þínu og heimilisfangi ásamt símanúmeri eða netfangi.
Þegar þú boðar trúna á stöðum þar sem fólk bíður, eins og á strætisvagna- eða rútubiðstöðvum, geturðu spurt einstaklinga hvort það megi bjóða þeim eitthvað að lesa. Síðan getur þú sýnt þeim mismunandi eldri tölublöð og leyft þeim að velja.
Þegar þú ferð á heilsugæslustöð, heimsækir hjúkrunarheimili eða álíka staði, sem eru á safnaðarsvæði þínu, geturðu skilið eftir fáein eldri tölublöð á biðstofum. Nauðsynlegt er að fá leyfi í hvert skipti hjá þeim sem er í forsvari á staðnum áður en við skiljum blöðin eftir. Ef þú sérð bunka af blöðum á staðnum skaltu ekki skilja eftir fleiri blöð.
Þegar þú undirbýrð þig fyrir endurheimsóknir skaltu hugleiða áhugamál hvers og eins sem þú heimsækir. Eru börn á heimilinu? Hefur viðkomandi áhuga á ferðalögum? Er hann með ,græna fingur‘? Skoðaðu eldri tölublöð til að sjá hvort þar leynist grein sem hann gæti haft áhuga á að lesa og sýndu honum í næstu heimsókn.
Þegar þú hittir áhugasaman einstakling eftir að hafa reynt ítrekað að hitta hann skaltu bjóða eldri tölublöð sem hann kann að hafa misst af.