Wo Erere nọ O Mae Rro no Isukulu Ze
1 Onana họ et’oke ukpe nọ izoge buobu a rẹ rọ nọ inọ: “Kọ isukulu me bi ti ghine zihe nya na?” Dede nọ ewọsuọ gbe awaọruọ jọ e riẹ evaọ ezihe kpohọ isukulu, eghale buobu e riẹ re nọ emoha nọ i bi ruiruo gaga a re ro wo erere nọ o mae rro no isukulu rai ze.
2 Emamọ isukulu u re fiba ẹnyaharo ẹzi ohwo. Oware nọ ohwo o bi ru evaọ oke uzoge riẹ u wo abọ ologbo kpahe oware nọ o ti ru evaọ ọkpako. Makọ evaọ ẹme isukulu, “koware koware nọ ohwo ọ kọ e, oye o re vuẹ.” (Gal. 6:7) Izoge nọ e roma kpotọ tẹrovi isukulu rai a rẹ sai wo ona nọ a rẹ mai ro w’iruo kẹ Jihova.
3 O gwọlọ iroro re ohwo ọ sae salọ emamọ oware nọ ọ rẹ jọ isukulu wuhrẹ. Esẹ gbe ini a re fiobọhọ kẹ emọ rai salọ iwuhrẹ nọ i re fiobọhọ kẹ emọ na le ute ẹzi t’obọ evaọ uzuazọ. Ẹkwoma eriariẹ-iruo nọ a re wo, izoge a je wo erere nọ a rẹ rọ thọ omobọ rai uke evaọ iruo ọkobaro na. Isukulu rai u re fiobọhọ kẹ ai jiri Jihova makọ oghẹrẹ ọkwa nọ a rọ kpobi.
4 Whai izoge, wha daoma wo erere nọ o mae rro evaọ ikpe isukulu rai. Evaọ ere oruo, rẹriẹ ova dhe ẹrria uzuazọ ọvọvọ evaọ egagọ efuafo, ukpenọ who re le orro akpọ na. Daoma rehọ uzuazọ ra ru oreva Jihova. Ere who re ro ru edhere ra kpọvi, jẹ kẹ Jihova ujiro.—Ol. 1:3.