Omaa Ewuhrẹ Odibọgba
Oka nọ O rọ July 10 Muhọ
Ole avọ 7
12 min: Iwhowhovia obonẹ. Salọ Iwhowhovia no Odibọgba Uvie Mai ze. Dh’unu te iyẹrẹ usiuwoma ota ọ March orọ orẹwho na gbe ukoko na. Kpọ iroro kpohọ ẹkpẹti na “Rri Ẹwẹ-Obe Urere Na,” je ru odhesẹvia ọvo jọ nọ ọ te mai w’iruo evaọ ekwotọ rai evaọ udevie enọ a jiroro rai na.
15 min: “Ma rẹ Sae Seba Ẹta Ha.” Ru ẹme emuhọ ra kpẹre vi uminiti ovo, re who ru enọ gbe iyo lele iei. Fiẹgbahọ ẹjiroro nọ ma je se iruo usiuwoma ota mai gboja. Fi eme nọ i wuzou kugbei rono Uwou-Eroro ọ February 1, 1997, ẹwẹ-obe 14-15 ze.
18 min: “Jọ A Ru Eware Kpobi Rọkẹ Ọbọga.” Ekpako ivẹ e rẹ t’ẹme kugbe kpahe uzoẹme na. Se edhe-ẹme gbe ikereakere nọ a fodẹ na kpobi. Fielo họ ehri uzi nọ i kpomahọ onana. Fiẹgbahọ ẹgwọlọ nọ ọ riẹ kẹ orimuo evaọ okenọ a tẹ be t’eme ekiọthuọ. Kiẹ ohrẹ nọ o rrọ Uwou-Eroro ọ April 1, 1997, ewẹ-obe avọ 10-11, 14 riwi.
Ole avọ 15 gbe olẹ ekuhọ.
Oka nọ O rọ July 17 Muhọ
Ole avọ 23
12 min: Iwhowhovia obonẹ. Iyẹrẹ epanọ igho e nya. T’ẹme kpẹkpẹe kpahe epanọ a rẹ rọ rehọ ibroshọ Divine Name na ro ruiruo ro fiobọhọ kẹ ohwo nọ o wo isiuru re o wo ovuhumuo kẹ ẹgwọlọ nọ a rẹ rọ riẹ jẹ rehọ odẹ oma Ọghẹnẹ ro ruiruo.—Rri obe Reasoning, ewẹ-obe 196-197.
13 min: “Ghale Kugbe Amọfa Wọhọ Epanọ Ẹgwọlọ Rai Ọ Rrọ.” Ẹme nọ ọkpako o re ru.
20 min: Ono Whọ Rẹ Raro Kele? Ọsẹ o re ru ewuhrẹ uviuwou riẹ kugbe ọmọ ikpe ikpe-gbọ ọvo hayo ivẹ. O muẹrohọ kẹle na nọ ẹmeọta rai ọ be hae tẹrovi egba arozaha oma-ojaja, egba arozaha-isinima, ahwo etẹlivisiọne, gbe egba-ile. O dhesẹ ọdawẹ keme oghẹrẹ ọ urusio nana yọ odhesẹvia ẹzi akpọ na. A rẹ rehọ Awake! ọrọ May 22, 1998, ewẹ-obe avọ 12-14 na t’ẹme kugbe. Izoge na a vuhumu nnọ enwoma e rrọ ahwo akpọ nọ a rẹ gọ a tẹ jẹ rọwo nnọ omorro-ọkwa akpọ na o rẹ kẹ Ileleikristi oware ovo ho. A dh’unu te irere nọ e rrọ eriwi esẹ gbe ini, ekpako, amọfa nọ e rọ kpatiẹ evaọ ukoko na—jẹ maero kọ Jesu Kristi—wọhọ enọ a rẹ raro kele.
Ole avọ 34 gbe olẹ ekuhọ.
Oka nọ O rọ July 24 Muhọ
Ole avọ 45
5 min: Iwhowhovia obonẹ.
15 min: Edhesẹ Oma Mai Wọhọ Egbodibo Ọghẹnẹ. Idibo iruiruo ivẹ a rẹ t’ẹme kugbe kpahe uthubro Ikereakere nọ a kẹ evaọ Uwou-Eroro ọ January 1, 1999, ewẹ-obe avọ 15-16. A wo ovuhumuo edhere owoma nọ a re ro te ziezi wọhọ idibo iruiruo a vẹ jẹ kiẹ oware nọ ae omomọvo rai a rẹ sai ru re a dhesẹ nọ a bi ru iruo rai gba. A ruẹ epanọ u wuzou te re a jọ emamọ iriruo evaọ iruẹru usiuwoma ota na a vẹ jẹ ta kpahe idhere nọ a sai ro fiobọhọ kẹ ekpako na evaọ uketha kẹ amọfa. A rẹ rọwo nọ a gwọlọ ru utho ẹgba rai kpobi re a fiobọhọ kẹ ukoko na wo ovuhumuo kẹ ẹkpata oke na jẹ rro je wo obokparọ abọ-ẹzi.
10 min: Ileta I Kere se Ahwo nọ Ma Sae Nyate He. Ẹmeọta-kugbe ogbotu. Nọ ẹbẹbẹ na ọ be ga viere re a duku ahwo eva uwou na, iwhowho-uvie jọ a bi wo emamọ iyẹrẹ ẹkwoma ileta i kere. Ta kpahe eware enana. Ileta na e rẹ jọ kpẹkpẹe, i re no Ikereakere na ze, i re wo adhẹẹ. Who vi ileta ababọ odẹ ra ha. Kere iei vevẹ. Kere adrẹse Ọgwa Uvie na gbe oke iwuhrẹ na avọ uzizie re a kpohọ ae. Who kere adrẹse Society fihọ iẹe he. Kiẹ iroro-ejẹ nọ a kẹ evaọ School Guidebook, ẹwẹ-obe avọ 87-88 riwi, gbe Ẹkpẹti Onọ evaọ Odibọgba Uvie Mai ọrọ November 1996.
15 min: Fi Eme-Emuhọ nọ I w’Ẹgba h’Iruo. Salọ eme-emuhọ ivẹ hayo esa no omobe ọ Ebaibol E rọ Jiroro na ze, ẹwẹ-obe avọ 2-7, jẹ t’ẹme kpahe epanọ a sai ro fi enana họ iruo ziezi evaọ ẹkwotọ rai. Nọ ogbotu na, “Eme-emuhọ vẹ a re fihọ iruo nọ a tẹ be t’ẹme kẹ ohwo evaọ iyẹrẹ, evaọ edhere-ọnyakuo, hayo edhere ọfa jọ?” Ru idhesẹvia ẹme-emuhọ ọvo hayo ivẹ wọhọ epanọ oke o kuvẹ te.
Ole avọ 54 gbe olẹ ekuhọ.
Oka nọ O rọ July 31 Muhọ
Ole avọ 66
15 min: Iwhowhovia obonẹ. Kareghẹhọ ahwo kpobi re a n’iyẹrẹ usiuwoma ota ọ July. Zizie ogbotu na re a gbiku eware nọ a reawere rai evaọ amara ọnana nọ a jẹ ghale ibroshọ na.
12 min: Ẹgwọlọ ukoko na.
18 min: “Kọ Who Wo Ovuhumuo kẹ Odiri Jihova?” Enọ gbe iyo. Fi eme nọ i wuzou kpahe odiri okrẹkri Jihova kugbei.—Rri Insight, Uko avọ 2, ewẹ-obe avọ 263-264.
Ole avọ 75 gbe olẹ ekuhọ.
Oka nọ O rọ August 7 Muhọ
Ole avọ 88
8 min: Iwhowhovia obonẹ.
17 min: “Kọ Whẹ Yọ Ohwo nọ Ọ rẹ Dhomovuọ?” Enọ gbe iyo. Gbiku oware uduotahawọ jọ nọ o via rono 1997 Yearbook ze, ewẹ-obe avọ 43-44.
20 min: W’areghẹ Evaọ Obaro Ra. Ẹmeọta nọ ọkpako ukoko o re ru. Izoge na a rẹ gwọlọ reawere obaro evawere kugbe enọ a you. Nọ onana u kiehọ na, a re fi ohrẹ Ọghẹnẹ họ iruo hrọ otẹrọnọ a rẹ reawere obokparọ. (Itẹ 19:20) Isiuru kẹ ọmọtẹ hayo ọmọzae e rẹ jọ gaga evaọ etoke uzoge. Nọ a gbẹ kpọ iroro na ha, ukuhọ riẹ o sae jọ avọ okpẹtu. A nọ enọ buobu no kpahe areghẹ nọ ọ riẹ re emọ ikpe ikpe-gbọ a wo isiuru kẹ ọmọtẹ hayo ọmọzae, je mu usu obẹlẹ họ nọ u re su kpohọ usu okpekpe ọ ọmọtẹ avọ ọmọzae. Kiẹ ohrẹ nọ a kẹ evaọ obe Young People Ask, ẹwẹ-obe avọ 231-235 na riwi. Fielo họ igogo-eme nọ e rrọ Uwou-Eroro ọ December 1, 1999, ẹwẹ-obe avọ 14-19 na, nọ i dhesẹ epanọ o r’oja te re izoge a ru owha-iruo rai kpobi gba kẹ Ọghẹnẹ. Tuduhọ izoge na awọ re a roro kpahe ohrẹ nana jẹ rehọ ae t’ẹme kugbe esẹ gbe ini rai otẹrọnọ a wo enọ.
Ole avọ 101 gbe olẹ ekuhọ.