Omaa Ewuhrẹ Odibọgba

Oka nọ O rọ August 9 Muhọ

Ole avọ 57

10 min: Iwhowhovia obonẹ gbe Iwhowhovia nọ a salọ no Odibọgba Uvie Mai ze. Otẹrọnọ iroro-ejẹ nọ e rrọ ẹwẹ-obe avọ 8 na i wo iruo evaọ ẹkwotọ ukoko rai, rehọ ae ru odhesẹvia ọrọ epanọ a re ro fi Awake! ọ August 22 na họ ada. A rẹ sae rehọ edhere-ẹmeọta ọfa ro ruiruo. Ku ọruẹrẹfihotọ unevaze na kugbei. Kareghẹhọ ogbotu na re a wha ibroshọ Gwọlọ na lele oma ziọ ewuhrẹ evaọ oka notha.

15 min: “Ithihakọ E rẹ Kẹ Erere.”a Ku eme kugbei rono Uwou-Eroro ọ January 1, 2001 ze, ẹwẹ-obe avọ 14-16, edhe-ẹme avọ 15-18.

20 min: Emebe-Evẹvẹ nọ A re ro Mu Ebe-Iwuhrẹ Ebaibol Họ. Ẹme gbe iroro-ejẹ ogbotu nọ a re ru no Odibọgba Uvie Mai ọrọ August 2002 ze, ẹwẹ-obe avọ 3-4. Fi elo họ iẹe inọ ma gwọlọ nwene lele uyero ọmọ-uwuhrẹ kpobi, wọhọ epanọ a dhesẹ evaọ edhe-ẹme avọ 5 na. Ku odhesẹvia ọkpẹkpẹe ọvo hayo ivẹ kugbei nọ a re ru no edhe-ẹme avọ 8-10 ze. Otẹrọnọ edhere ọfa jọ ọ riẹ nọ o wo iruo evaọ oborai, ru ei vẹ jẹ rehọ ọyena ru odhesẹvia na ukpenọ who re ru onọ a kere fihọ etenẹ na. Zizie ogbotu na re a gbiku eware nọ a rọ ẹro ruẹ no evaọ okenọ a jẹ rehọ omobe-ovẹvẹ na Kọ Whọ Gwọlọ Riẹ Kpahe Ebaibol na Viere? ro ruiruo.

Ole avọ 74 gbe olẹ ekuhọ.

Oka nọ O rọ August 16 Muhọ

Ole avọ 189

10 min: Iwhowhovia obonẹ. Kareghẹhọ iwhowho-uvie re a nẹ iyẹrẹ usiuwoma ota ubro amara ọ August.

15 min: Kọ Ubi Uzẹme na Họ Emọ Ra. Ẹme nọ a re ru no obe ọ Evawere Uviuwou ze, ẹwẹ-obe avọ 55-59. Dhesẹ idhere ene nọ esẹgbini e sai ro fi obọ họ kẹ emọ rai bọ usu okpekpe kugbe Jihova, dhesẹ epanọ a sai ro fi onana họ iruo.

20 min: “Eru Ebe-Iwuhrẹ Ebaibol nọ E rẹ Nyaharo—Abọ Avọ 2.” Ku odhesẹvia nọ a re ru evaọ iminiti-isoi kugbei. Owhowho-uvie ọ be nọ ọkpako ukoko epanọ a re ro fi obọ họ kẹ ọmọ-uwuhrẹ Ebaibol re o wo ẹnyaharo. Ọkpako na ọ rẹ ta inọ ẹbẹbẹ jọ họ oke nọ ibuobu mai a rẹ raha ga hrọ rọ ta kpahe eme nọ i wuzou tere he je duola ruọ abọfa ẹme na evaọ etoke uwuhrẹ na. Be rehọ uwuhrẹ avọ 9 orọ ibroshọ Gwọlọ na ruiruo, o te dhesẹ kẹ owhowho-uvie na epanọ a rẹ rọ (1) tọ ẹro vi igogo eme nọ e rrọ obe na, (2) rehọ ikereakere nọ a fodẹ na ruiruo ziezi, gbe (3) kpọ oware nọ wha bi wuhrẹ na rri ẹgwọlọ ọmọ-uwuhrẹ na. O dhesẹ inọ o gwọlọ emamọ oma oruẹrẹ kpahe evaọ oke kpobi nọ a bi ru uwuhrẹ na.

Ole avọ 85 gbe olẹ ekuhọ.

Oka nọ O rọ August 23 Muhọ

Ole avọ 33

15 min: Iwhowhovia obonẹ. Iyẹrẹ epanọ igho e nya. Ru idhesẹvia ivẹ erọ epanọ a re ro fi Uwou-Eroro ọ September 1 gbe Awake! ọ September 8 na họ ada. Evaọ odhesẹvia na jọ, dhesẹ epanọ a bi ro se isẹri kẹ owuhrẹ-isukulu.

20 min: Fi Obọ họ kẹ Amọfa Si Kẹle Jihova. Ẹme gbe iroro-ejẹ ogbotu. Ma ti fi obe ọ Si Kẹle Jihova na họ ada evaọ September. Ta kpahe eme nọ a kere kẹ isisase na evaọ ẹwẹ-obe avọ 3, je fi elo họ abọ sa-sa obe na. Evaọ abane obe na, abọ ọvuọvo o dhesẹ okwakwa ulogbo Jihova jọ. Uzou jọ u dhesẹ epanọ Jesu o ro dhesẹ okwakwa yena, yọ a ku uzou ofa nọ u dhesẹ epanọ ma sai ro ru ere kugbei re. Ewẹ-ebe 17 soso i wo iwoho ikuigbe Ebaibol sa-sa. “Enọ nọ A re Roro Kpahe” na i re fi obọ họ kẹ omai roro kpahe abọfa ẹme na nọ o wuzou. Kiẹ ẹkpẹti ọ “Iroro-Ejẹ kẹ Efihọ-Ada ọrọ Obe ọ Si Kẹle Jihova” na riwi evaọ ẹwẹ-obe avọ 2 Odibọgba Uvie Mai ọrọ January 2004, je ru re owhowho-uvie nọ o te ziezi o ru odhesẹvia jọ evaọ usu enọ a kẹ na.

10 min: Eware nọ a rọ ẹro ruẹ evaọ obonẹ. Zizie ukoko na re a gbiku eware nọ a rọ ẹro ruẹ nọ a jẹ rehọ ibroshọ jọ ruiruo evaọ amara na. Kọ a sai mu ebe-iwuhrẹ Ebaibol jọ họ? O tẹ rrọ ere, ta epanọ a ro ru ei hayo ru odhesẹvia ọvo hayo ivẹ ọrọ epanọ o via dẹdẹdẹ.

Ole avọ 124 gbe olẹ ekuhọ.

Oka nọ O rọ August 30 Muhọ

Ole avọ 90

10 min: Iwhowhovia obonẹ. Kareghẹhọ iwhowho-uvie re a nẹ iyẹrẹ usiuwoma ota ọ August.

15 min: Epanọ A re ro Ku Ẹwhọ nọ Ọ Rrọ Udevie Ahwo Họ. Ẹme nọ a re ru no obe ọ Our Ministry na ze, ẹwẹ-obe avọ 139-145. Fi obọ họ kẹ ogbotu na vuhumu inọ mai omomọvo ma wo owha-iruo nọ ma re ro ku ẹwhọ nọ ọ rrọ udevie mai avọ ibe Ileleikristi mai họ. Eme nọ i w’obọ kpahe ọtaraha gbe iwhayo-ifio, ahwo nọ ẹme na o kpomahọ na a re ku ẹme na họ nya lele uthubro Ikereakere nọ o rrọ Matiu 18:15-16 na. Otẹrọnọ a gbẹ sai ku ẹme na họ ha, ekpako ukoko a ve te dhomahọ iẹe. (Rri obe ọ Gọ Ọghẹnẹ na, ẹwẹ-obe avọ 147, edhe-ẹme avọ 9.)

20 min: Kọ Who Wo Erere No? Ẹmeọta ogbotu. Kiẹ iroro-ejẹ nana nọ e roma via evaọ Odibọgba Uvie Mai erọ ukpe iruo nọ o vrẹ na riwi: Kere eme-emuhọ ra fihọ omobe nọ whọ rẹ wha lele oma. (km-IS 10/03 ẹwẹ. 8) Kẹ ujiro nọ a re jiri ohwo dẹe, nọ u re no udu ze. (km-IS 11/03 ẹwẹ. 1) Kpohọ usiuwoma ota evaọ okenọ ahwo a rẹ mae rọ jọ uwou. (km-IS 12/03 ẹwẹ. 1) Fi uzedhe oke jọ họ kẹ isase Ebaibol, oma oruẹrẹ kpahe kẹ ewuhrẹ, gbe odibọgba na. (km-IS 1/04 ẹwẹ. 4) Rehọ ibroshọ “Otọ Uwoma” na ruiruo nọ who te bi ru uwuhrẹ Ebaibol omobọ-ohwo gbe isase Ebaibol. (km-IS 3/04 ẹwẹ. 2) Fi ute nọ who re ro se Ebaibol na noka toka họ. (km-IS 4/04 ẹwẹ. 1) Se isẹri evaọ ẹkwotọ ekiọthuọ. (km-IS 7/04 ẹwẹ. 4) Rehọ emebe-evẹvẹ mu ebe-iwuhrẹ Ebaibol họ. (km-IS 8/04 ẹwẹ. 2) Zizie ogbotu na re a kpahe fihọ irere nọ a wo no fiki iroro-ejẹ nana nọ a fihọ iruo.

Ole avọ 145 gbe olẹ ekuhọ.

Oka nọ O rọ September 6 Muhọ

Ole avọ 197

5 min: Iwhowhovia obonẹ.

15 min: Ẹgwọlọ ukoko na.

25 min: “Dhesẹ Ẹzi Ọkobaro.” Kiẹ ọkobaro ọvo hayo ivẹ riwi kpẹkpẹe. Ta kẹ ai re a kpahe fihọ epanọ oriruo esẹgbini, ekpako ukoko, hayo iriruo amọfa e rọ kẹ ai uduotahawọ nọ a ro le iruo odibọgba oke-kpobi na.

Ole avọ 142 gbe olẹ ekuhọ.

[Footnote]