Ru Ẹkwotọ Ra Ziezi
1 Evaọ eria nọ ahwo a be rria ma rẹ rehọ otiẹse nyaku oria iruo, wọhọ uwou-eki-ologbo, oria emuọriọ, hayo uwou-eki-ọsese. Otẹrọnọ who re ru eria enana kugbe ẹkwotọ ọnana, u fo re who te ai epọvo na nọ who bi te eria nọ ahwo a be rria na.
2 Whọ rẹ sae rehọ odhesẹvia ọlọlọhọ, ọkpẹkpẹe ruiruo, ẹsejọhọ whọ vẹ ta nọ: “Me wo oware jọ nọ mẹ gwọlọ dhesẹ kẹ owhẹ.” Otẹrọnọ ọnọ o wo oria na o wo uvẹ evaọ oke oyena ha, whọ rẹ sae fi omobe-ovẹvẹ họ ada whọ vẹ ta nọ: “Mẹ te wariẹ zihe ze evaọ okenọ uvẹ o tẹ riẹ. Mẹ gwọlọ riẹ oware nọ who roro kpahe omobe-ovẹvẹ onana.”
3 U du fo re a dhomovuọ kpahe isẹri-ise kẹ ahwo nọ e be zẹ eki hi. Owhowho-uvie jọ ọ niyẹrẹ nọ: “Me rẹro nọ a te gaviezọ họ. Ghele, avọ igbunu, a te dhesẹ emamọ odederehọ rọkẹ ovuẹ Uvie na. A ghinẹ jọ wolẹ avọ uruemu ovao osasa yọ enwenọ ẹsikpobi a rẹ rehọ emagazini.”
4 Aye jọ nọ o re ruiruo evaọ ekọpene nọ i wo iwou buobu o zizie Isẹri na ze ọfisi riẹ. Ọ rehọ emagazini na o te je dhesẹ isiuru riẹ kẹ uwuhrẹ Ebaibol. A dhesẹ obe Eriariẹ na kẹe, a te je mu uwuhrẹ họ okioke oyena, evaọ ọfisi riẹ!
5 Iruo nọ a k’owhẹ re who ru ẹkwotọ ra ziezi i kugbe ẹnyabru ahwo nọ e be thueki evaọ okogho na. (Iruẹru 10:42) Ma-oma re who kpohọ inuẹthẹ enana epọvo na nọ who re kpohọ iwou ahwo na. Orọnikọ who re ru ẹkwotọ ra ziezi ọvo ho rekọ emamọ eware nọ e rẹ via e rẹ sae jọ osaohwa kẹ owhẹ re!