Ọruẹrẹfihotọ Ọkpokpọ ọrọ Okokohọ Okogho

“Esite Iroro Ọrọ Ẹdẹ Jihova” họ uzoẹme ọruẹrẹfihotọ okokohọ okogho edẹ ivẹ nọ o ti muhọ evaọ January na. (2 Pita 3:12) A ruẹ riẹ họ re o jaja iroro ovẹrẹ mai vi. Kẹle na ẹdhoguo Jihova o ti te enọ e be rria otọakpọ na oma. Kọ ono ọ te zọ vrẹ ‘ẹdẹ ologbo Ọghẹnẹ Erumeru na’? Enọ e jaja aro vi evaọ ẹzi je dhesẹ edhere “uzuazọ ẹfuọ gbe orọ Ọghẹnẹ.”—Evia. 16:14; 2 Pita 3:11.

Ame-ọhọ ọ r’oja re ohwo ọ sae zọ vrẹ ẹdẹ Jihova. (1 Pita 3:21) Iwhowho-uvie nọ e gwọlọ họ-ame evaọ okokohọ na a rẹ ta kẹ ọsẹro ukoko, ọnọ o re ti ru ọruẹrẹfihọ nọ o fo.

Ẹme-ọzọhọkugbe abane jọ, “Oghẹrẹ Ahwo nọ Ma hẹ Jọ,” o re ti dhesẹ vevẹ oware nọ a re ru evaọ esite iroro ẹdẹ Jihova. Ovuẹ ogbotu na, “Nya Avọ Areghẹ nọ Ẹdẹ Jihova O bi Sikẹle Na,” o te fodẹ vevẹ oware nọ u dhesẹ re ‘a gwọlọ Jihova, ẹrẹreokie, gbe omarokpotọ,’ re ohwo ọ jọ ọnọ ọ rẹ zọ.—Zef. 2:3.

Okokohọ okogho na o ti kuhọ avọ eme ivẹ nọ e rẹ kpakpa oma nọ esẹro ọnyawariẹ a rẹ te ta, avọ uzoẹme na: “Kọ Uzuazọ Ra O Tọvi Uzẹme Na?” gbe “Ẹma Kpobaro Avọ Esite Iroro ọrọ Ẹdẹ Jihova.” Eme enana e te w’omai re ma kiẹ uzuazọ mai riwi je ru inwene kpobi nọ i fo. Eruẹaruẹ Ebaibol na gbe eware nọ e be jọ akpọ via i dhesẹ vevẹ inọ ẹdẹ Jihova ọ kẹle no. Ọruẹrẹfihotọ okokohọ nana ọ te t’udu họ omai re ma ‘jaja aro mai vi je he roro.’ (1 Pita 5:8) Ma oma ziezi re whọ nya evaọ edẹ ivẹ na.