Ma re Zihe Kẹse Kẹse Hrọ
1 Kọ whọ kezọ ziezi evaọ oke ọsosuọ nọ ohwo jọ ọ vuẹ owhẹ kpahe emamọ usi na? Otẹrọnọ ijo, kiyọ whọ rẹ kẹ uyere hrọ inọ Isẹri Jihova a zihe bru owhẹ ze kẹse kẹse bẹsenọ whọ rọ rọwo nọ a ru uwuhrẹ Ebaibol kugbe owhẹ. U re woma re who roro kpahe oyena evaọ okenọ who te bi ru ẹkwotọ ra kẹse kẹse.
2 Izuazọ ahwo i bi nwene ẹsikpobi. A be rẹriẹ aro dhe ebẹbẹ hayo iyero ekpokpọ, a bi yo kpahe ikpere eware nọ e be via evaọ okegbe hayo akpọ na, a be ruẹ uye ekọ nọ i bi kie, ẹsejọ ẹyao hayo uwhu o be roma via evaọ uviuwou na. Eware itieye na e rẹ sae lẹliẹ ai gwọlọ riẹ oware nọ o be wha iye enana ze. Ma re vuhu eware nọ i bi kpokpo iroro ahwo na ma vẹ rehọ ovuẹ omosasọ se ai.
3 Onana Yọ Iruo Esiwo: Roro kpahe isiwi-ahwo eva oria okpẹtu. Dede nọ ahwo jọ a be gwọlọ evaọ eria nọ a be jọ duku umutho ahwo nọ a zọ, a re rolo obọ je serihọ họ fikinọ nọ ibe rai a bi duku ahwo bu vi ai evaọ eria efa. Iruẹru ahwo-osiwo mai u ti reno ho. Kukpe kukpe, ma bi duku idu egba buobu erọ ahwo nọ a gwọlọ zọ vrẹ ‘uye ulogbo na.’—Evia. 7:9, 14.
4 “Kohwo kohwo nọ [o se] odẹ Ọnowo a re ti siwi ei.” (Rom 10:13-15) Eme enana e rẹ lẹliẹ omai omomọvo thihakọ evaọ usiuwoma ota. Anwẹnọ a kaki ro muọ ẹkwotọ mai họ eru re na, emaha e rro no yọ enẹna a kpako no te epanọ a re ro roro didi k’oma rai kpahe obaro rai gbe ẹjiroro uzuazọ. Ma rẹ sae riẹ ohwo nọ ọ te kezọ evaọ obaro vievie he. (Ọtausi. 11:6) Ibuobu nọ e jẹ wọso vẹre a jẹ uzẹme na rehọ no. Iruo mai họ, orọnikọ re ma gu ahwo ẹdhọ họ, rekọ re ma hai ru uvẹ kẹ ae re a yo je siwi ai no akpọ anwae ọnana. Wọhọ epanọ ilele ọsosuọ Jesu a ru, ma rẹ “nya” kẹse kẹse bru ahwo na hrọ jẹ daoma kpare isiuru rai kpahe ovuẹ uvie na.—Mat. 10:6, 7.
5 Uzẹme inọ edhere na o gbe rovie fihọ k’omai nọ ma rẹ rọ ta usiuwoma yọ odhesẹvia ohrọ Jihova. (2 Pita 3:9) Nọ ma be k’amọfa uvẹ re a yo ovuẹ na kẹse kẹse na, yọ ma bi dhesẹ uyoyou Ọghẹnẹ vevẹ, yọ evaọ edhere ọnana ma bi jiri ei.